ກອງທັບປະຊາຊົນລາວ
 
ວັນອັງຄານ, ວັນທີ 28 ພຶດສະພາ 2024

  

ປະກາດ​ແຕ່ງຕັ້ງ​ຄະນະ​ບໍລິຫານ​ງານ​ສະຫະພັນ​ ກິລາ​ຈູ​ຈິດ​ຊູ​ແຫ່ງ​ຊາດ​ລາວ ເປັນ​ທາງ​ການ
ເວລາອອກຂ່າວ: 2024-03-13 09:39:32 | ຜູ້ຂຽນ : admin1 | ຈຳນວນຄົນເຂົ້າຊົມ: 113 | ຄວາມນິຍົມ:



ກະຊວງ​ສຶກ​ສາ​ທິ​ການ ແລະ ກິລາ ຫຼື ​ສສກ ປະກາດ​ແຕ່ງຕັ້ງ​ຄະນະ​ບໍລິຫານ​ງານ​ສະຫະພັນກິ ລາ​ຈູ​ຈິດ​ຊູ​ແຫ່ງ​ຊາດ​ລາວ ຢ່າງ​ເປັນ​ທາງ​ການ ໂດຍ​ແມ່ນ ທ່ານ ​ປອ ຕຸ​ດາ​ວັນ ໜໍ່​ເມືອງ​ເສດ ຮອງ​ຫົວໜ້າ​ກົມ​ຈັດຕັ້ງ ແລະ ພະນັກ ງານກະຊວງ ​ສສກ ເປັນ​ປະທານ​ສະຫະພັນ. ພິທີ​ປະກາດ​ການ​ແຕ່ງຕັ້ງ​ຄະ ນະ​ບໍລິຫານ​ງານ​ສະຫະພັນ​ດັ່ງ ກ່າວ ຈັດ​ຂຶ້ນເມື່ອ​ວັນ​ທີ 7 ມີນາ 2024 ທີ່​ຫ້ອງ​ປະຊຸມ​ສະໂມສອນ​ຄະນະ​ກຳມະການ​ໂອ​ແລມ​ປິກ​ແຫ່ງ​ຊາດ​ລາວ (​ຄອລ) ໃຫ້​ກຽດ​ເຂົ້າ​ຮ່ວມ ແລະ ເປັນ​ສັກຂີ​ພິຍານ​ໂດຍ​ ທ່ານ ​ຮສ.​ປອ ພຸດ ສິມ​ມາ ລາ​ວົງ ລັດຖະມົນຕີ ກະຊວງ​ສຶກ​ສາ​ທິ​ການ ແລະ ກິລາ ທັງ​ເປັນ​ປະທານ ​ຄອລ, ມີ​ແຂກ​ຖືກ​ເຊີນ ແລະ ພາກສ່ວນ​ກ່ຽວຂ້ອງ​ຢ່າງ​ພ້ອມພຽງ. ໂອກາດ​ນີ້, ທ່ານ ​ຮສ.​ປອ ພຸດ ສິມ​ມາລາ​ວົງ ກ່າວ​ວ່າ: ຄື​ຮູ້​ກັນ​ແລ້ວ​ວ່າ​ກິລາ​ຈູ​ຈິດ​ຊູ ໃນໂລກ​ປັດຈຸບັນ​ເຫັນ​ວ່າ​ເປັນ​ທີ່​ນິຍົມ​ຊົມ​ຊອບ​ໃນ​ການ​ຫຼິ້ນ​ໃນ​ທົ່ວ​ໂລກ ເວົ້າ​ສະເພາະ​ໃນ ​​ສປປ ລາວ​ ກໍ​ມີ​ການ​ພັດທະນາ​ຢ່າງ​ເຕີບ​ໃຫຍ່​ຂະຫຍາຍຕົວ ໂດຍ​ສະເພາະ​ວຽກ​ງານ​ພັດທະນາ​ບຸກ​ຄະລາ​ກອນ, ຄູ​ເຝິກ ແລະ ນັກ​ກິລາ ການເຄື່ອນໄຫວ​ຈັດ​ກິດຈະກຳ, ການ​ເຂົ້າ​ຮ່ວມ​ແຂ່ງຂັນ​ໃນ​ງານ​ມະຫາ​ກຳ​ກິລາ​ຊີເກມ ຄັ້ງ​ທີ 32 ທີ່ ຣາ​​ຊ​ອານາຈັກ​ກຳປູເຈຍ ສາມາດ ຍາດ​ມາ ໄດ້ 1 ຫຼຽນ​ເງິນ ແລະ ຫຼ້າ​ສຸດ ໃນ​ລາຍການ ຈູ​ຈິດ​ຊູ ລົບ​ບູ​ລີ ໂອ​ເພັນ, ທີ່​ປະເທດ​ໄທ ເມື່ອ​ວັນ​ທີ 17 ກຸມພາ 2024 ທີ່​ຜ່ານ​ມາ ກໍ​ສາມາດ​ຍາດ​ໄດ້​ເຖິງ 4 ຫຼຽນຄຳ, 3 ຫຼຽນ​ເງິນ ແລະ 1 ຫຼຽນ​ທອງ. ນອກ​ນັ້ນ, ນັກ​ກິລາ​ຈູ​ຈິດ​ຊູ​ທີມ​ຊາດ​ລາວ ກໍ​ໄດ້​ເຄື່ອນ​ໄຫວ ທຳ​ການ​ແຂ່ງຂັນ​ທີ່ປະເທດສະ ຫະລັດ ອາ​ເມ​ຣິ​ກາ ແລະ ສາມາດ​ຍາດ​ໄດ້​ຫຼຽນ​ລາງວັນ​ຢ່າງ​ຕໍ່​ເນື່ອງ, ເຊິ່ງ​ເປັນຄວາມ​ພາກພູມ​ໃຈຂອງ​ວົງ​ການ​ກິລາ​ຈູ​ຈິດ​ຊູ ຄວາມ​ເອກອ້າງ ທະ​ນົງ​ໃຈ ມາສູ່​ປະເທດ​ຊາດ, ການຈັດຕັ້ງ​ກິລາ​ຈູ​ຈິດ​ຊູ​ລະດັບ​ພາກ​ພື້ນ, ສາກົນ ແລະ ປະເທດ ເພື່ອນ​ມິດ ໄດ້​ຮັບ​ຮູ້​ເຖິງ​ການ​ພັດທະນາ​ກິລາ​ຈູ​ຈິດ​ຊູ​ ຂອງ​ລາວ​ເຮົາ ແລະ ເປັນການ​ ຍົກ​ມາດຖານ​ຂຶ້ນເປັນ​ລຳດັບ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ