ວັນພະຫັດ, ວັນທີ 20 ມີນາ 2025
ສຕລ ເຝິກອົບຮົມຄູເຝິກກິລາບານເຕະ ລະດັບ C ຢູ່ຫຼວງນ້ຳທາ
ເວລາອອກຂ່າວ: 2024-03-15 09:15:56 | ຜູ້ຂຽນ : admin1 | ຈຳນວນຄົນເຂົ້າຊົມ: 485 | ຄວາມນິຍົມ: 
ສະຫະພັນບານເຕະແຫ່ງຊາດລາວ (ສຕລ) ໄດ້ຈັດພິທີເປີດການເຝິກອົບຮົມຄູເຝິກກິລາບານເຕະລະດັບຊີ(C) ຂຶ້ນໃນຕອນເຊົ້າວັນທີ 11 ມີນາ 2024 ທີ່ຫ້ອງປະຊຸມສະໜາມກິລາແຂວງຫຼວງນໍ້າທາ, ໂດຍໃຫ້ ກຽດເຂົ້າຮ່ວມຂອງ ທ່ານ ວັນດີ ພົມທອງ ຮອງປະທານສະຫະພັນແຂວງ ຫລວງນ້ຳທາ.
ໃນພິທີ, ທ່ານ ວັນດີ ພົມທອງ ໄດ້ກ່າວເປີດພິທີໂດຍໄດ້ຍົກໃຫ້ເຫັນຄວາມໝາຍສຳຄັນຂອງການເຝິກອົບຮົມຄັ້ງນີ້, ລວມທັງບົດບາດຄວາມສຳຄັນຂອງຄູເຝິກ, ພ້ອມຮຽກຮ້ອງໃຫ້ຜູ້ເຂົ້າຮວ່ມການເຝິກອົບຮົມທຸກທ່ານຈົ່ງຕັ້ງໃຈຮຽນຮູ້ແລກປ່ຽນບົດຮຽນ,ປະສົບການເພື່ອນຳເອົາບົດຮຽນໃນການເຝິກອົບຮົມຄັ້ງນີ້ ໄປນຳໃຊ້ໃຫ້ເກີດປະໂຫຍດຫຼາຍເທົ່າທີ່ຈະຫຼາຍໄດ້ເພື່ອພັດທະນາວົງການບານເຕະລາວເວົ້າລວມ, ກໍຄືບານເຕະຂອງແຂວງຫຼວງນ້ຳທາໃຫ້ກ້າວສູ່ລະດັບດີຂຶ້ນໄປເລື້ອຍໆ.
ໄລຍະການເຝິກອົບຮົມ ແມ່ນແບ່ງອອກເປັນ 2 ພາກ ປະກອບມີ: ພາກທິດສະດີ ແລະ ການປະຕິບັດຕົວຈິງພາກສະໜາມ, ໂດຍຈະມີການສອບເສັງ 6 ຄັ້ງ (ຕົວຈິງ 3 ຄັ້ງ ແລະ ທິດສະດີ 2 ຄັ້ງ ແລະ ເສັງກຳມະການ 1 ຄັ້ງ), ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບການພັດທະນາຄູເຝິກ, ຄວາມຕ້ອງການຄູເຝິກຂອງ AFC, ພາລະບົດບາດ ແລະ ໜ້າທີ່ຮັບຜິດຊອບ, ເຕັກນິກ ແລະ ຍຸດທະ
ວິທີຂອງການເຕະບານ, ຄວາມສຳພັນກັບບານ, ການສົ່ງບານ, ການຈັບບານ, ການຍິງບານ, ຫຼັກການຂອງການເຝິກສອນ, ບານເຕະຟຸດຊໍ, ກະຕິກາຂອງກິລາບານເຕະ, ອາຫານ ແລະ ສຸຂະພາບ, ການເຝິກແອບ, ການເຝິກແອບຜູ້ຮັກສາປະຕູ, ການວາງແຜນ, ບົດບາດສຳຄັນຂອງຜູ້ຮັກສາປະຕູ, ການຈະເລີນເຕີບ
ໃຫຍ່ ແລະ ການປະຖົມພະຍາບານ, ແນະນຳພາກປະຕິບັດກິດຈະກຳບານເຕະພື້ນຖານ, ການຫຼີ້ນບານໃນເກມ. ສຳລັບການເຝິກອົບຮົມແມ່ນຈະດຳເນີນໄປແຕ່ວັນທີ 11 ມີນາ ຈົນຮອດ ວັນທີ 22 ມີນາ 2024.
ເຂົ້າຮ່ວມພິທີນີ້ ຍັງມີທ່ານ ຊຸນດຣຳ ມູນຕີ ຫົວໜ້າພະແນກເຕັກນິກ-ວິທະຍາ ສຕລ, ທ່ານ ທະນົງສັກ ລາດສີທອງ ຫົວໜ້າຂະແໜງກິລາ-ກາຍະກຳ ແລະ
ສີລະປະ ແຂວງຫຼວງນໍ້າທາ, ທ່ານ ວົງມີໄຊ ສຸບົວຄຳ ຜູ້ເຝິກສອນຫຼັກຈາກ ສຕລ ແລະ ທ່ານ ຈັນທະຄາດ ສ່ຽນຜ່ອງໃສ ຜູ້ຊ່ວຍເຝິກສອນ, ພ້ອມດ້ວຍພະ
ນັກງານວິຊາການກ່ຽວຂ້ອງ ແລະ ນັກສຳມະກອນຈຳນວນ 24 ທ່ານ ມາຈາກແຂວງຫຼວງນ້ຳທາ 13 ທ່ານ, ແຂວງອຸດົມໄຊ 3 ທ່ານ, ແຂວງບໍ່ແກ້ວ 2 ທ່ານ ແລະ ປະເທດໄທ 6 ທ່ານ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
