ກອງທັບປະຊາຊົນລາວ
 
ວັນສຸກ, ວັນທີ 24 ພຶດສະພາ 2024

  

ນັກ​ກິລາ​ບານເຕະ​ຄົນ​ພິການ​ຕາ ທີມ​ຊາດ​ລາວ ເຂົ້າ​ຮ່ວມ​ແຂ່ງຂັນ​ລາຍການ​ໄທ​ແລນ ບລິນ ຟຸດ​​ບອນ 2024
ເວລາອອກຂ່າວ: 2024-03-25 10:53:15 | ຜູ້ຂຽນ : admin1 | ຈຳນວນຄົນເຂົ້າຊົມ: 70 | ຄວາມນິຍົມ:



ທ່ານ ບຸນ​ມີ ຫຼ່ຽມ​ໄຊ​ຍະ​ຈັກ ປະທານ​ສະຫະພັນ​ບານເຕະ​ຄົນ​ພິການ​ຕາ​ແຫ່ງ​ຊາດ​ລາວ ໃຫ້​ສຳພາດ​ກ່ອນ​ອອກ​ເດີນທາງ​ວ່າ: ທັບ​ນັກ​ກິລາ​ຄົນ​ພິການ​ຕາ ທີມ​ຊາດ​ລາວ ມາ​ຮອດ​ປັດຈຸບັນ​ນີ້​ແມ່ນ​ມີ​ຄວາມ​ພ້ອມ 80% ຫຼັງ​ຈາກ​ທີ່​ໄດ້​ມີ​ການ​ກຽມ​ຄູ​ເຝິກ ແລະ ນັກ​ກິລາ​ ໃນ​ໄລຍະ​ໜຶ່ງ ເຊິ່ງ​ລະຫວ່າງ​ວັນ​ທີ 24-31 ມີນາ 2024 ຈະ​ໄດ້​ເດີນທາງ​ໄປ​ເຂົ້າ​ຮ່ວມ​ແຂ່ງຂັນ​ລາຍການ​ເຕະບານ​ທີ່​ປະເທດ​ໄທ. ດ້ານ​ການ​ເຝິກຊ້ອມ​ຂອງ​ນັກ​ກິລາ ພົບ​ບັນຫາ​ຄື: ນັກກິລາ​ບານເຕະ​ຄົນ​ພິການ​ຕາ ແມ່ນ​ຫຍຸ້ງຍາກ​ໃນ​ດ້ານ​ການ​ໄປ​ການ​ມາ. ດັ່ງນັ້ນ, ຈຶ່ງ​ເລືອກ​ຊ້ອມ​ຕອນ​ເຊົ້າ ແລະ ຍັງ​ບໍ່​ມີ​ອຸປະກອນ​ໃຊ້​ເຂົ້າ​ໃນ​ການ​ເຝິກຊ້ອມ​ພຽງພໍ. ເຖິງ​ຢ່າງໃດ​ກໍ​ຕາມ ຂະນະ​ນີ້, ພວກ​ເຮົາ​ໄດ້​ຮັບ​ຂ່າວ​ດີ​ກ່ຽວ​ກັບ​ສະມາຄົມ​ບານເຕະ​ຄົນ​ພິການ​ຕາ​ແຫ່ງ​ປະເທດ​ໄທ ມີ​ແຜນ​ຈະ​ໄດ້​ມາ​ຊ່ວຍເຫຼືອ ແລະ ຊຸກຍູ້​ໃນ​ຈຸດ​ນີ້ ຫຼັງ​ຈາກ​ແຂ່ງຂັນ​ດັ່ງກ່າວ​ລາຍການ​ດັ່ງກ່າວ​ສຳເລັດ. ສ່ວນຂໍ້​ສະດວກພວກ​ເຮົາ​ແມ່ນ​ມີ​ສະໜາມ​ເຝິກຊ້ອມ​ເປັນ​ຂອງ​ຕົວ​ເອງ ກໍ​ຄື ສະໜາມ ເບ​ສະຫວັນ ເອ​​ັຟ​ຊີ, ມີ​ພະນັກງານ​ສາມາດ​ເບິ່ງແຍງ​ນັກ​ກິລາ ​ໄດ້ ລວມ​ເຖິງ​ທາງ​ກະຊວງ​ສຶກ​ສາ​ທິ​ການ ແລະ ກິລາ ໄດ້​ຊ່ວຍ​ສະໜັບສະໜູນ​ອຳນວຍ​ຄວາມ​ສະດວກ​ກ່ຽວ​ກັບ​ເອກະສານ ແລະ ອື່ນໆ. ຂະນະ​ດຽວ​ກັນ, ທ່ານ ສີ​ທົນ ລາດ​ສະ​ວົງ ຄູ​ເຝິກ​ນັກ​ກິລາ​ບານເຕະ​ຄົນ​ພິການ ທີມ​ຊາດ​ລາວ ກ່າວ​ວ່າ: ນັກ​ກິລາ​ຂອງ​ພວກ​ເຮົາ​ຊຸດ​ນີ້​ສ່ວນ​ຫຼາຍ​ເປັນ​ນັກ​ກິລາ​ຊຸດ​ເກົ່າ​ທີ່​ເຂົ້າ​ຮ່ວມ​ແຂ່ງຂັນ ເອ​ຊຽນ ພາ​ຣາ​ເກມ ປີ​ທີ່​ຜ່ານ​ມາ ແລະ ມາ​ຮອດ​ປັດຈຸບັນ​ພວກ​ເຮົາ​ພ້ອມ​ແລ້ວ​ທີ່​ຈະ​ເຂົ້າ​ຮ່ວມ​ການ​ແຂ່ງຂັນ​ລາຍການ​ດັ່ງກ່າວ ຫຼັງ​ຈາກ​ເກັບ​ຕົວ​ເຝິກຊ້ອມ​ມາ 40 ກວ່າ​ວັນ ໂດຍ​ລາຍການ​ນີ້​ພວກ​ເຮົາ​ຈະ​ພົບ​ກັບ​ທີມ​ລະດັບ​ຕົ້ນໆ​ທັງ 3 ປະເທດ​ຄື: ຍີ່ປຸ່ນ ອັນ​ດັບ 2 ຂອງ​ໂລກ, ໄທ ອັນ​ດັບ​ທີ 4 ຂອງ​ໂລກ ແລະ ອິນ​ເດຍ ອັນ​ດັບ​ທີ 13 ຂອງ​ໂລກ, ສ່ວນ​ລາວ​ເຮົາ​ຢູ່​ອັນ​ດັບ​ທີ 33 ຂອງ​ໂລກ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ