ວັນພະຫັດ, ວັນທີ 23 ມັງກອນ 2025
ທີມວັນໃໝ່ ຄອງແຊັມບານສົ່ງຍິງ ລາຍການ ເຟຣນຊິບ ມໍ ສະປອດ ຊີຊັນ 2024
ເວລາອອກຂ່າວ: 2024-04-02 09:58:02 | ຜູ້ຂຽນ : admin1 | ຈຳນວນຄົນເຂົ້າຊົມ: 397 | ຄວາມນິຍົມ: 
ສູນການຄ້າເຟຣນຊິບມໍ ຮ່ວມກັບຮ້ານຂາຍເຄື່ອງກິລາ ດີພີ ສະປອດ ຈັດການແຂ່ງຂັນກິລາບານສົ່ງປະເພດທີມຍິງ ລາຍການ ເຟຣນຊິບ ມໍ ສະປອດ ຊີຊັນ 2024 (Friendship Mall Sport Season 2024) ເພື່ອສ້າງຂະ
ບວນການຂ່ຳນັບຮັບຕ້ອນ ແລະ ສະເຫຼີມສະຫຼອງວັນສຳຄັນຕ່າງໆຂອງພັກ, ຂອງຊາດໂດຍສະເພາະແມ່ນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີ (22 ມີນາ 1955-22 ມີນາ 2024) ທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງໃນປີນີ້ ໃຫ້ມີບັນຍາກາດຟົດຟື້ນ, ເບີກບານມ່ວນຊື່ນ ແລະ ມີຄວາມໝາຍສຳ
ຄັນເລິກເຊິ່ງ.
ການຈັດແຂ່ງຂັນກິລາບານສົ່ງປະເພດທີມຍິງຄັ້ງນີ້ ຈຸດປະສົງຫຼັກໆ ກໍເພື່ອສ້າງຂະບວນການຂ່ຳນັບຮັບຕ້ອນ ແລະ ສະເຫຼີມສະຫຼອງວັນສຳຄັນຕ່າງໆຂອງພັກ, ຂອງຊາດ ໂດຍສະເພາະແມ່ນວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 69 ປີ (22 ມີນາ 1955-22 ມີນາ 2024) ທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງໃນປີນີ້ ໃຫ້ມີບັນຍາກາດຟົດຟື້ນ, ເບີກບານມ່ວນຊື່ນ ແລະ ມີຄວາມໝາຍສຳຄັນເລິກເຊິ່ງ. ຄຽງຄູ່ກັນນີ້ກໍເປັນການສ້າງໂອກາດໃຫ້ນັກກິລາບານສົ່ງທີມຍິງພາຍໃນແຂວງຈຳປາສັກຂອງພວກເຮົາໄດ້ມີເວທີພັດທະນາຕົນເອງໃຫ້ດີຂຶ້ນກວ່າເກົ່າ ເພື່ອກຽມຄັດເລືອກຕິດທີມປະສົມແຂວງເຂົ້າຮ່ວມແຂ່ງຂັນລະດັບຊາດ ແລະ ຕິດທີມຊາດໃນອະນາຄົດ. ນອກຈາກນີ້ກໍເພື່ອເປັນການສ້າງນັກກິລາໜຸ່ມນ້ອຍໃຫ້ມີຄວາມເຂັ້ມແຂງ ກຽມເປັນຕົວແທນແຂວງຈຳປາສັກ ເຂົ້າຮ່ວມແຂ່ງຂັນກິລາກະຕໍ້ໃນງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນເປັນເຈົ້າພາບ ໃນທ້າຍປີນີ້ອີກດ້ວຍ.
ການແຂ່ງຂັນກິລາບານສົ່ງທີມ ຍິງໃນຄັ້ງນີ້ ມີທັງໝົດ 4 ທີມ ເຂົ້າຮ່ວມຊີງໄຊ ເຊິ່ງຮູບແບບການແຂ່ງຂັນແມ່ນແຂ່ງແບບພົບກັນໝົດ ຄັດເລືອກເອົາທີມອັນດັບທີ 1-2 ຜ່ານເຂົ້າໄປຊີງຊະນະເລີດ ແລະ ອັນດັບທີ 3-4 ໄປຊີງອັນດັບທີ 3. ຜ່ານການແຂ່ງຂັນຜົນປະກົດວ່າຊະນະເລີດທີມວັນໃໝ່ໄດ້ຮັບຂັນ 1 ໜ່ວຍ ພ້ອມເງິນລາງວັນ 5 ລ້ານກີບ, ອັນດັບທີ 2 ທີມຄຣິດຕຽນ ໄດ້ຮັບເງິນລາງວັນ 2 ລ້ານກີບ ແລະ ອັນດັບທີ 3 ທີມກອງພົນທີ 5 ໄດ້ຮັບເງິນລາງວັນ 1 ລ້ານກີບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
