ກອງທັບປະຊາຊົນລາວ
 
ວັນພຸດ, ວັນທີ 29 ພຶດສະພາ 2024

  

ຜູ້ອໍານວຍການບໍລິສັດ 705 ເຂົ້າ​ອວຍພອນ​ ຄະນະ​ພັກ-ຄະນະ​ບັນຊາ ກອງບັນຊາການທະຫານ​ແຂວງ​ໄຊ​ຍະ​ບູ​ລີ
ເວລາອອກຂ່າວ: 2024-04-11 09:19:24 | ຜູ້ຂຽນ : admin1 | ຈຳນວນຄົນເຂົ້າຊົມ: 1040 | ຄວາມນິຍົມ:



ໃນ​ວັນ​ທີ 9 ເມສາ 2024 ນີ້, ສະຫາຍ ພັນ​ເອກ ຫງວຽນ ວັນ​ບາວ ຜູ້ອຳນວຍການ​ບໍລິສັດ ຮ່ວມ​ມື​ສາກົນ 705 ທະຫານ​ເຂດ 2 ກອງທັບ​ປະຊາຊົນ​ຫວຽດນາມ ພ້ອມ​ຄະນະ ໄດ້​ນຳ​ເອົາ​ກະຕ່າ​ຂອງຂວັນ​ເຂົ້າ​ອວຍພອນ​ຄະນະ​ພັກ-ຄະນະ​ບັນຊາ​ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ເນື່ອງ​ໃນ​ໂອກາດ​ບຸນປີໃໝ່​ລາວ ​ພສ 2667, ໂດຍ​ການ​ຕ້ອນຮັບ ຂອງ​ສະຫາຍ ພັນ​ເອກ ບຸນ​ຍອງ ດວງ​ດີ ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ພ້ອມ​ຄະນະ. ໂອກາດ​ນີ້, ສະຫາຍ ພັນ​ເອກ ຫງວຽນວັນ​ບາວໄດ້​ກ່າວ​ຄຳ​ອວຍພອນ​ໄຊ​ອັນ​ປະເສີດ ໃຫ້​ຄະນະ​ພັກ-ຄະນະ​ບັນຊາ​ຕະຫຼອດ​ຮອດ​ພະນັກງານ-ນັກຮົບ​ທີ່​ພວມ​ ປະຕິບັດ​ໜ້າທີ່​ໃນ​ການ​ປົກ​ປັກ​ຮັກສາ​ປະເທດ​ຊາດ ຈົ່ງ​ມີ​ສຸຂະພາບ​ແຂງແຮງ​ມີ​ພາ​ລະ​ນາ​ໄມ​ສົມບູນ​ໃນ​ຊີວິດ​ສ່ວນ​ຕົວ ແລະ ຄອບຄົວ ພ້ອມ​ກັນ​ເຮັດ​ສຳເລັດ​ໜ້າທີ່ ທີ່​ຂັ້ນ​ເທິງ​ມອບ​ໝາຍ​ໃຫ້ ແລະ ນຳພາ-ຊີ້​ນຳ​ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ​ໃຫ້​ເຕີບ​ໃຫຍ່​ເຂັ້ມແຂງ​ຂຶ້ນ​ໄປ​ເລື້ອຍໆ. ພ້ອມ​ດຽວ​ກັນ​ນີ້, ສະຫາຍ ພັນ​ເອກ ບຸນ​ຍອງ ດວງ​ດີ ໄດ້​ຕາງໜ້າ​ໃຫ້​ຄະນະ​ພັກ-ຄະນະ​ບັນຊາ ສະແດງ​ຄວາມ​ຂອບໃຈ​ມາ​ຍັງ ສະຫາຍ ພັນ​ເອກ ຫງວຽນ​ວັນ ບາວ ພ້ອມຄະນະທີ່​ໄດ້​ມາ​ອວຍພອນ​ເນື່ອງ​ໃນ​ໂອກາດ​ບຸນປີໃໝ່​ລາວ​ໃນ​ຄັ້ງ​ນີ້ ເຊິ່ງ​ເປັນ​ການ​ຮັດແໜ້ນ​ຄວາມ​ສາມັກຄີ, ຮັກແພງ​ຊ່ວຍເຫຼືອ​ເຊິ່ງ​ກັນ ແລະ ກັນ ລະຫວ່າງ​ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູ​ລີ ກັບ ບໍລິສັດ​ຮ່ວມ​ມື​ສາກົນ 705 ທະຫານ​ເຂດ 2 ກອງທັບ​ປະຊາ ຊົນ​ຫວຽດນາມ ຈົ່ງ​ໝັ້ນຄົງ​ທະ​ນົງ​ແກ່ນ ແລະ ອວຍພອນ​ໃຫ້​ສະຫາຍ ຈົ່ງ​ມີ​ສຸຂະພາບ​ແຂງແຮງ, ມີ​ຄວາມ​ຜາ​ສຸກ​ໃນ​ຊີວິດ​ສ່ວນ​ຕົວ​ຄອບຄົວ ມີ​ຜົນສຳເລັດ​ໃນ​ໜ້າທີ່​ການ​ງານ​ອັນ​ມີ​ກຽດ​ ແລະ ສືບຕໍ່​ຮັກສາ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ແບບ​ພິເສດ​ລະຫວ່າງ ສອງຊາດ. ສອງກອງທັບ​ ລາວ-ຫວຽດນາມ ໃຫ້​ໝັ້ນ​ຄົງ​ທະ​ນົງ​ແກນ​ຕະຫຼອດ​ໄປ. ໂດຍ: ສົມ​ຈີນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ