ວັນຈັນ, ວັນທີ 12 ພຶດສະພາ 2025
ປະກາດຮັບສະໝັກ ຜູ້ເຝິກອົບຮົມປະສານງານການແຂ່ງຂັນ 2024
ເວລາອອກຂ່າວ: 2024-04-11 10:16:20 | ຜູ້ຂຽນ : admin1 | ຈຳນວນຄົນເຂົ້າຊົມ: 532 | ຄວາມນິຍົມ: 
ສະຫະພັນບານເຕະແຫ່ງຊາດລາວ ຂໍແຈ້ງມາຍັງບັນດາທ່ານທີ່ມີຄວາມສົນໃຈກ່ຽວກັບວຽກງານຈັດການແຂ່ງຂັນກິລາບານເຕະສະໝັກເຂົ້າຮ່ວມການເຝິກອົບຮົມຜູ້ປະສານງານການແຂ່ງຂັນ LFF LOCAL GENERAL COORDINATOR COURSE 2024 ລະຫວ່າງ ວັນທີ 24-26 ເມສາ 2024 ໂດຍມີຊ່ຽວຊານທີ່ມີຄວາມຮູ້ ແລະ ປະສົບການ ຈາກສະຫະພັນບານເຕະອາຊີ (AFC) ເປັນວິ ທະຍາກອນ.
ລາຍລະອຽດການເຝິກອົບຮົມໃນຄັ້ງນີ້ມີຄື: ວັນເວລາ ແລະ ສະ ຖານທີ່ວັນທີ: 24-26 ເມສາ 2024 ເວລາ: 9:00-16:00 ໂມງ ສະຖານທີ່: ຫ້ອງປະຊຸມຊັ້ນ 3, ສະຫະພັນບານເຕະແຫ່ງຊາດລາວ.
ເງື່ອນໄຂຜູ້ເຂົ້າຮ່ວມ, ຜູ້ເຂົ້າຮ່ວມຕ້ອງມີອາຍຸ 22 ປີຂຶ້ນໄປ ທີ່ມີຄວາມສົນໃຈໃນວຽກງານບານເຕະທົ່ວໄປ.
ຜູ້ທີ່ເຄີຍຜ່ານການເຝິກອົບຮົມຜູ້ຄວບຄຸມການແຂ່ງຂັນ (Match Commissioner) ແລະ ຜູ້ຊ່ວຍຜູ້ຄວບຄຸມການແຂ່ງຂັນ (General Coordinator) ຂອງ ສຕລ ໃນໄລຍະຜ່ານມາ. ສ່ວນນະໂຍບາຍຕໍ່ຜູ້ເຂົ້າຮ່ວມເຝິກອົບຮົມ, ເຂົ້າຮ່ວມເຝິກອົບຮົມ ໂດຍບໍ່ເສຍຄ່າ, ອຸປະກອນເຄື່ອງຂຽນ, ອາຫານວ່າງ ແລະ ນໍ້າດື່ມ ທີ່ໃຊ້ໃນການເຝິກອົບຮົມ ແລະ ອາຫານທ່ຽງສຳລັບຜູ້ເຂົ້າຮ່ວມເຝິກອົບຮົມ.
ສຳລັບຂັ້ນຕອນການສະໝັກເຝິກອົບຮົມຄືຜູ້ທີ່ສົນໃຈສາມາດສົ່ງຟອມສະໝັກ, ໃບຊີວະປະຫວັດ (CV) ແລະ ຮູບພາບຕິດບັດໃຫ້ກັບຄະນະຮັບຜິດຊອບຜ່ານ
ທາງອີເມວ [email protected] ນັບຕັ້ງແຕ່ມື້ ນີ້ຈົນເຖິງ ວັນທີ 22 ເມສາ 2024. ສອບຖາມຂໍ້ມູນເພີ່ມເຕີມ ທ. ສູກພະໄຊ ສູລະສິນ 020 55591916; W.A +856 20 56425845.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
