ວັນອາທິດ, ວັນທີ 27 ເມສາ 2025
ສະໂມສອນ ອິນທະສອນ ສ້າງຜົນງານເດັ່ນ ຍາດໄດ້ແຊັມບານສົ່ງຫາດຊາຍ ທີ່ ແຂວງຫຼວງພະບາງ
ເວລາອອກຂ່າວ: 2024-04-26 09:53:18 | ຜູ້ຂຽນ : admin3 | ຈຳນວນຄົນເຂົ້າຊົມ: 555 | ຄວາມນິຍົມ: 
ສະໂມສອນ ອິນທະສອນ ເຊິ່ງເປັນສະໂມສອນ ບ້ານເກີດ ທີ່ແຂວງຫຼວງພະບາງ ສ້າງຜົນ ງານພົ່ນເດັ່ນອີກແລ້ວ ຍາດໄດ້ແຊັມກິລາບານສົ່ງຫາດຊາຍ ລາຍການ ຫຼວງພະບາງ ຄັບ 2024.
ຂະນະທີ່ແຊັມປະເພດຍິງ ເປັນຂອງ ສາວຕຳຫຼວດກອງບັນຊາການປ້ອງກັນຄວາມສະຫງົບແຂວງລາຍການດັ່ງກ່າວ ຈັດຂຶ້ນ ອາທິດທີ່ຜ່ານມາ, ຈຸດປະສົງເພື່ອສ້າງຂະບວນການສະເຫຼີມ ສະຫຼອງປີທ່ອງທ່ຽວລາວ ປີ 2024 ແລະ ງານບຸນສົງການ ປີໃໝ່ລາວ ພສ 2567 ໃຫ້ເປັນຂະບວນການຟົດຟື້ນ ແລະ ເບີກບານມ່ວນຊື່ນ.
ໂດຍມີການກຳນົດເງື່ອນໄຂນັກກິລາຕ່າງແຂວງ ຫຼື ຄົນຕ່າງ ປະເທດ ຕະຫຼອດຮອດທີມຊາດ ສາມາດລົງເດີ່ນໄດ້ ແຕ່ຕ້ອງຈັບຄູ່ກັບນັກກິລາທີ່ເກີດໃນແຂວງດັ່ງກ່າວໄດ້ເທົ່ານັ້ນ. ລາຍການດັ່ງກ່າວລວມມີ: ທີມຊາຍມີ 15 ທີມ ແລະ ຍິງ 5 ທີມ. ລາງວັນຊະນະເລີດທັງຍິງ-ຊາຍ ໄດ້ຮັບຂັນແຊັມ ແລະ ເງິນສົດທີມລະ 2 ລ້ານກີບ, ຮອງແຊັມ ໄດ້ຮັບເງິນລາງວັນທີມລະ 1,5 ລ້ານກີບ, ອັນດັບທີ 3 ໄດ້ຮັບເງິນລາງວັນທີມລະ 1 ລ້ານກີບ ແລະ ອັນດັບທີ 4 ໄດ້ຮັບເງິນລາງວັນທີມລະ 5 ແສນກີບ.
ສະຫຼຸບການແຂ່ງຂັນ ລາຍການດັ່ງກ່າວມີດັ່ງນີ້: ປະເພດຊາຍ, ທີ 1 ອິນທະສອນ 3, ທີ 2 ອິນທະສອນ 1, ທີ 3 ຟ້າສະນັ່ນ, ທີ 4 Killer Flower. ປະເພດຍິງ ທີ 1 ປກສ ແຂວງຫຼວງພະບາງ, ທີ2 Small dream, ທີ 3 Never give up, ທີ 4 MG04.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
