ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ໄບ​ເອີ ເລ​ເວີ​ຄູ​ເຊັນ​ສະເໜີ ສະ​ຕຸດ​ກ໊າດ 2-2 ປະຕູ
ເວລາອອກຂ່າວ: 2024-04-30 09:25:22 | ຜູ້ຂຽນ : admin3 | ຈຳນວນຄົນເຂົ້າຊົມ: 127 | ຄວາມນິຍົມ:



ສະໂມສອນ ໄບ​ເອີ ເລ​ເວີ​ຄູ​ ເຊັນ ເປີດ​ບ້ານ​ໄລ່​ຕີ​ສະເໝີສະ ໂມສອນສະ​ຕຸດ​ກ໊າດ 2-2 ປະຕູ ນາທີ 90'+6 ເຮັດ​ໃຫ້​ລູກ​ທີມ​ຂອງ ຊາ​ບີ້ ອາ​ລອນ​ໂຊ້ ສືບຕໍ່​ພາ ເພີ່ມ​ສະຖິຕິ​ໄຮ້​ປະ​ລາ​ໄຊ 46 ນັດ​ຕິດຕໍ່​ກັນ​ໃນ​ລະດູ​ການ​ນີ້. ລະດູ​ການ​ນີ້ ຊາ​ບີ້ ອາ​ລອນ​ໂຊ້ ອາ​ດີດ​ກອງ​ກາງ​ທີມ​ຊາດ​ສະ​ເປນ ແອ​​ັສ​ປາຍ ແລະ ສະໂມສອນ ລີ​ ເວີ​ພູ​​ລ, ຣຽວ ມາດ​ຣິດ ແລະ ບາ​ເຢິນ ມິວ​ນິກ ພາ ໄບ​ເອີ ເລ​ເວີ​ຄູ​ເຊັນ ຟອມ​ດີ​ສຸດ​ໃນ​ປະຫວັດສາດ​ຂອງ​ສະໂມສອນຍັງ​ບໍ່​ເສຍ​ໃນ​ລະ ດູ​ການ​ນີ້ ລວມ​ທຸກ​ລາຍການ 46 ນັດ ຊະນະ 38 ສະເໝີ 8 ຍິງ​ ໄດ້ 127 ປະຕູ ເສຍ 35 ປະຕູ, ສ້າງ​ປະຫວັດສາດ​ເປັນ​ທີມ​ທີ່​ບໍ່​ເສຍ​ຕໍ່​ເນື່ອງ​ດົນ​ສຸດ​ຂອງ​ເອີ​ຣົບ ທຳລາຍ​ສະຖິຕິ​ຂອງ ຢູ​ເວັນ​ຕຸດ ທີ່​ສ້າງ​ໄວ້ 43 ນັດ ລະດູ​ການ 2011-12. ສະເພາະ​ເກມ​ລີກ ສາມາດ ​ຍາດ​ໄດ້​ແຊັມ​ມາ​ຄອງ ເຊິ່ງ​ເປັນ ​ຄັ້ງ​ປະຫວັດສາດ​ຂອງ​ສະໂມ ສອນ, ຂະນະ​ທີ່ ຢູ​ໂຣ​ປ້າ​ລີກ ຊະ ນະ 8 ສະເໝີ 2 ເຂົ້າ​ຮອບ 4 ທີມ​ສຸດ​ທ້າຍ ແລະ DFB-Pokal ເຂົ້າ​ຮອບ​ຊີງ​ຊະນະ​ເລີດ ລຸ້ນ​ແຊັມ​ສະໄໝ​ທີ 2 ໃນ​ຮອບ 31 ປີ ເຊິ່ງ​ຈະ​ຊີງ​ກັບສະໂມສອນ ໄກ​ເຊີ​ສະ ​ເລົາ​ເທິນ ທີມ​ໃນ​ລີກ​ອັນ​ດັບ​ສອງ ​ຂອງ​ເຢຍ​ລະ​ມັນ ວັນ​ທີ 25 ພຶດ ສະພາ 2024 ຢູ່​ສະໜາມ​ໂອ​ລິມ​ປິກ ໃນ​ນະຄອນຫລວງ​ເບີ​ລິນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ