POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ກທອ ສະຫຼຸບຂະບວນການແຂ່ງຂັນ-ຍ້ອງຍໍປະຈຳປີ 2023 ແລະ ເນື້ອໃນແຂ່ງປະຈຳປີ 2024
ເວລາອອກຂ່າວ: 2024-05-03 12:05:26 | ຜູ້ຂຽນ : admin2 | ຈຳນວນຄົນເຂົ້າຊົມ: 1963 | ຄວາມນິຍົມ:

ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ30 ເມສາ 2024 ທີ່ກອງບັນຊາການທະຫານອາກາດ ໂດຍການເປັນປະທານຂອງ ສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ, ມີຄະນະພັກ- ຄະນະບັນຊາອົງການ 06 ຫ້ອງ, ກອງພັນນ້ອຍ705, 706, ກອງຮ້ອຍຣາດາ ຕະຫລອດຮອດພະນັກງານ-ນັກຮົບທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ. ໃນພິທີ, ສະຫາຍ ພັນເອກ ສິງພອນ ແກ້ວຈໍາປາ ຮອງຫົວໜ້າຫ້ອງການເມືອງ ກອງບັນຊາການທະຫານອາກາດ ໄດ້ຂຶ້ນຜ່ານບົດສະຫຼຸບຕີລາຄາຄືນຜົນການເຄຶ່ອນໄຫວ ການຈັດຕັ້ງປະຕິບັດຂໍ້ແຂ່ງຂັນ-ຍ້ອງຍໍປະຈຳປີ 2023 ພາຍໃຕ້ຄຳຂັວນ ຮັກຊາດ ແລະ ພັດທະນາ ຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ປອດໄພ, ຕັ້ງໜ້າປັບປຸງກໍ່ສ້າງກຳລັງກອງທັບ ປະຊາຊົນລາວ ທັງ 03 ປະເພດກຳລັງໃຫ້ເຂັ້ມແຂງ, ໜັກແໜ້ນ, ຈົງຮັກພັກດີຕໍ່ພັກ, ຕໍ່ລະບອບໃໝ່, ຕໍ່ປະເທດຊາດ ແລະ ຕໍ່ປະຊາຊົນ ຕິດພັນກັບຄຳຂັວນ ຮັກຊາດ ແລະ ພັດທະນາ ໃນນີ້ແມ່ນການປະຕິບັດຂະບວນການເຮັດໃຫ້ສະພາບມີຄວາມສະຫງົບໂດຍຫັນລົງກໍ່ສ້າງຮາກຖານການເມືອງກັບພໍ່ແມ່ ປະຊາຊົນບັນດາເຜົ່າ ແລະ ກົມກອງຕັ້ງທັບທີ່ຂຶ້ນກັບອົງການ ໃຫ້ມີຄວາມສະຫງົບປອດໄພ, ປັບປຸງກໍ່ສ້າງກຳລັງທາງດ້ານການເມືອງແນວຄິດ, ຈັດຕັ້ງ, ເຜີຍແຜ່, ເຊຶ່ອມຊຶມມະຕິຄຳສັ່ງ, ຂໍ້ກຳນົດ, ແຈ້ງການ, ເອກະສານເຊຶ່ອມຊຶມຕ່າງໆຂອງພັກ, ຂອງຊາດ, ຂອງກອງທັບໃຫ້ນາຍ ແລະ ພົນທະຫານໄດ້ຮັບຮູ້ເຂົ້າໃຈຕໍ່ແນວທາງປ່ຽນແປງໃໝ່ຂອງພັກໃຫ້ເຂົ້າສູ່ວຽກງານຕົວຈິງຢ່າງທົ່ວເຖິງ ແລະ ປັບປຸງກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 39 ໜ່ວຍພັກ, ສ້າງກອງປອດໃສ, ປອດໄພ, ປອດຄະດີໄດ້ 41 ກົມກອງ, ສ້າງສະມາຊິກຊາວໜຸ່ມ 04 ບຸກ 573 ສະຫາຍ, ການຈັດຕັ້ງຊາວໜຸ່ມ 27 ໜ່ວຍ, ສ້າງສະມາຊິກແມ່ຍິງ 03 ດີ 262 ສະຫາຍ, ກົມກອງຊີ້ນຳ-ນຳພາດີເດັ່ນ 12 ກົມກອງ, ການຈັດຕັ້ງສະຫະພັນແມ່ຍິງ 03 ດີ 22 ໜ່ວຍ, ຮັບການຍ້ອງຍໍເລຶ່ອນຊັ້ນໃຫ້ນາຍ ແລະ ພົນທະຫານທົ່ວທະຫານອາກາດ ຈຳນວນ 218 ສະຫາຍ ໄປກໍ່ສ້າງ ແລະ ບຳລຸງພາຍໃນ ແລະ ຕ່າງປະເທດ ຈຳນວນ 112 ສະຫາຍ ໄດ້ຮັບຫຼຽນໄຊພິລະອາດຫານຊັ້ນI, II, III. ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວຄົບຮອບ 75 ປີ ຈຳນວນ 376 ໜ່ວຍ, ຮັບໃບຍ້ອງຍໍຈາກກະຊວງ ແລະ ກົມໃຫຍ່ການເມືອງກອງທັບຈຳນວນ 135 ໃບ ແລະ ມອບຫຼຽນມິດຕະພາບໃຫ້ແກ່ກອງທັບປົດປ່ອຍປະຊາຊົນຈີນທີ່ບິນສະແດງໃນໂອກາດວັນສ້າງຕັ້ງ ກອງທັບປະຊາຊົນລາວຄົບຮອບ 75 ປີ ຈຳນວນ 73 ສະຫາຍ, ພ້ອມນັ້ນ ກົມກອງຍັງໄດ້ຈັດຕັ້ງເຝິກອົບຮົມຫັດແອບລະບຽບແຜນຂອງກອງທັບປະຈຳປີຕາມທິດຊີ້ນຳຂອງຂັ້ນເທິງ ແລະ ວຽກງານແກ້ໄຂຊີວິດການເປັນຢູ່ຂອງກົມກອງຕາມທ່າແຮງບົ່ມຊ້ອນກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງຢ່າງມີຜົນສຳເລັດ. ນອກນັ້ນ, ກົມກອງຍັງໄດ້ເສີມຂະຫຍາຍມູນເຊື້ອການພົວພັນຮ່ວມມືກັບກົມກອງບັນດາປະເທດເພື່ອນມິດຍຸດທະສາດ ສັງຄົມນິຍົມອ້າຍນ້ອງແລະເພື່ອນມິດສາກົນອີກດ້ວຍ. ຈາກນັ້ນ, ກໍໄດ້ຜ່ານຂໍ້ຕົກລົງຂອງກອງບັນຊາການທະຫານອາກາດ ວ່າດ້ວຍການແຕ່ງຕັ້ງຄະນະຊີ້ນຳ ແລະ ອະນຸກຳມະການ ຂະບວນການແຂ່ງຂັນພາຍໃຕ້ຄຳຂັວນ ຮັກຊາດ ແລະ ພັດທະນາ ປະຈຳປີ 2024 ອີກດ້ວຍ. ໃນພິທີດັ່ງກ່າວ ສະຫາຍ ພັນໂທ ວັນນະກອນ ກໍໍ່ຜາສຸກ ຫົວໜ້າພະແນກນະໂຍບາຍ ຫ້ອງການເມືອງ ກທອ ຍັງໄດ້ຜ່ານຂໍ້ຕົກລົງ ວ່າດ້ວຍການມອບຫຼຽນໄຊພິລະອາດຫານ ແລະ ໃບຍ້ອງຍໍ ຂອງກະຊວງປ້ອງກັນປະເທດ ອີງຕາມ ດຳລັດຂອງນາຍົກລັດຖະມົນຕີ ສະບັບເລກທີ 116/ລບ ລົງວັນທີ 22 ເມສາ 2019 ວ່າດ້ວຍການແຂ່ງຂັນ ແລະ ຍ້ອງຍໍ, ອີງຕາມມະຕິຕົກລົງຂອງ ກົມການເມືອງສູນກາງພັກ ວ່າດ້ວຍການຈັດຕັ້ງສະເຫຼີມສະຫຼອງ ວັນສ້າງຕັ້ງກອງທັບ ປະຊາຊົນລາວ ຄົບຮອບ 75 ປີ ກະຊວງປ້ອງກັນປະເທດຕົກລົງ ມອບຫຼຽນໄຊພິລະອາດຫານຊັ້ນI ໃຫ້ແກ່ບຸກຄົນ ຈຳນວນ 06 ສະຫາຍ, ຊັ້ນII ຈຳນວນ 10 ສະຫາຍ, ຊັ້ນIII ຈໍານວນ 10 ສະຫາຍ, ມອບໃບຍ້ອງຍໍກະຊວງປ້ອງກັນປະເທດໃຫ້ແກ່ບຸກຄົນຈຳນວນ 10 ສະຫາຍ, ມອບໃບຍ້ອງຍໍກົມໃຫຍ່ການເມືອງກອງທັບໃຫ້ຈຳນວນ 10 ສະຫາຍ, ມອບໃບຍ້ອງຍໍຂອງກອງບັນຊາການທະຫານອາກາດໃຫ້ກົມກອງລວມໝູ່ ຈຳນວນ 02 ກົມກອງ, ບຸກຄົນຈຳນວນ 40 ສະຫາຍ ແລະ ມອບໃບຊົມເຊີຍຫ້ອງການເມືອງ ກອງບັນຊາການທະຫານອາກາດໃຫ້ບຸກຄົນ ຈຳນວນ 81 ສະຫາຍ. ສະຫາຍປະທານ ຍັງໄດ້ມີຄຳເຫັນໂອ້ລົມພ້ອມທັງຊີ້ນຳບັນຫາທີ່ສຳຄັນເພຶ່ອເປັນບ່ອນອີງໃນການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າ ແລະ ຍັງໄດ້ສະແດງຄວາມຍ້ອງຍໍຊົມເຊີຍຕໍ່ກົມກອງ ແລະ ບຸກຄົນທີ່ໄດ້ຮັບການຍ້ອງຍໍຕຶ່ມອີກ.

news to day and hot news