ວັນອັງຄານ, ວັນທີ 03 ທັນວາ 2024
ກອງປະຊຸມແລກປ່ຽນສະພາບຕາມບໍລິເວັນຊາຍແດນລາວ-ຈີນ
ເວລາອອກຂ່າວ: 2024-05-06 11:51:45 | ຜູ້ຂຽນ : admin2 | ຈຳນວນຄົນເຂົ້າຊົມ: 1330 | ຄວາມນິຍົມ: 
ກອງປະຊຸມແລກປ່ຽນສະພາບຕາມບໍລິເວນຊາຍແດນລາວ-ຈີນ ປະຈໍາປີ 2023 ລະຫວ່າງກອງບັນຊາການທະຫານແຂວງຫຼວງນໍ້າທາ ກັບ ກອງບັນຊາການທະຫານປ້ອງກັນຊາຍແດນກິ່ງແຂວງສິບສອງປັນນາ ກອງທັບປົດປ່ອຍປະຊາຊົນຈີນ ໄດ້ຈັດຂຶ້ນໃນວັນທີ29 ເມສາ 2024 ນີ້, ຢູ່ທີ່ຫ້ອງປະຊຸມສຸນບັນຊາ ກອງບັນຊາການທະຫານແຂວງຫຼວງນໍ້າທາໂດຍການເປັນປະທານຮ່ວມ ຝ່າຍລາວນຳໂດຍ ສະຫາຍ ພັນຈັດຕະວາ ອິ່ນແກ້ວ ມະນີຈັນ ກໍາມະການປະຈໍາພັກແຂວງ ຫົວໜ້າການທະຫານກອງບັນຊາການທະຫານແຂວງຫຼວງນໍ້າທາ, ຝ່າຍຈີນ ນຳໂດຍ ສະຫາຍ ພັນເອກພິເສດ ຫວາງ ຈົງ ຫົວໜ້າຄະນະຜູ້ແທນ ກອງບັນຊາການທະຫານຊາຍແດນ ກິ່ງແຂວງສິບສອງປັນນາ ກອງທັບປົດປ່ອຍປະຊາຊົນຈີນ ມີພາກສ່ວນທີ່ກ່ຽວຂ້ອງທັງ 2 ຝ່າຍ ລາວ-ຈີນ, ຈີນ-ລາວເຂົ້າຮ່ວມ.
ໂອກາດນີ້, ທັງ 2 ຝ່າຍ ກໍໄດ້ກ່າວເປີດກອງປະຊຸມຂຶ້ນຢ່າງເປັນທາງການ ແລະພ້ອມທັງໄດ້ມີການທົບທວນຄືນຜົນຂອງການປະຕິບັດວຽກງານທີ່ຜ່ານມາ ທັງເປັນການແລກປ່ຽນຄວາມຄິດເຫັນ ແລະ ປຶກສາຫາລືກ່ຽວກັບການແກ້ໄຂບັນຫາຕ່າງໆຮ່ວມກັນ ເປັນຕົ້ນ ການລັກລອບຂ້າມແດນຜິດກົດໝາຍ, ຄ້າຂາຍເຖື່ອນ, ຄ້າຂາຍຢາເສບຕິດ, ຜ່ານມາເຫັນວ່າທັງສອງຝ່າຍໄດ້ພ້ອມກັນເອົາໃຈໃສ່ສຶກສາອົບຮົມປະຊາຊົນທັງສອງປະເທດ, ປະຕິບັດກົດໝາຍການເຂົ້າ-ອອກເມືອງໃຫ້ຖືກຕ້ອງຕາມລະບຽບ, ເປັນເຈົ້າການສະກັດກັ້ນພາກສ່ວນລັກລອບຂ້າມແດນຜິດກົດໝາຍ, ຄ້າຂາຍຢາເສບຕິດ, ລັກລອບເອົາພາຫະນະຂ້າມແດນ, ເພີ່ມທະວີການພົວພັນປະສານສົມທົບລະຫວ່າງກອງບັນຊາການທະຫານແຂວງຫຼວງນໍ້າທາ ກັບ ກອງບັນຊາການທະຫານປ້ອງກັນຊາຍແດນກິ່ງແຂວງສິບສອງປັນນາ ກອງທັບປົດປ່ອຍປະຊາຊົນຈີນ ເພື່ອພ້ອມກັນສຸມໃສ່ເຮັດໃຫ້ບໍລິເວນຊາຍແດນມີຄວາມສະຫງົບ ແລະ ເປັນລະບຽບຮຽບຮ້ອຍດີ.
ໃນຕອນທ້າຍຄະນະຜູ້ແທນທັງ 2 ຝ່າຍກໍ່ໄດ້ສະແດງຄວາມຂອບໃຈ ແລະ ໃຫ້ການຮ່ວມມືເປັນເອກະພາບກັນໃນຫຼາຍບັນຫາທີ່ສຳຄັນ ກ່ຽວກັບການແກ້ໄຂບັນຫາທີ່ຈະເກີດຂຶ້ນຕາມບໍລິເວນຊາຍແດນ ລາວ-ຈີນ ຈີນ-ລາວ ໃຫ້ມີຄວາມສອດຄ່ອງດີຂຶ້ນ ແລະ ມີປະສິດທິພາບສູງ. ທັງນີ້, ກໍ່ເພື່ອເປັນການເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອຖານບ້ານໃກ້ເຮືອນຄຽງທີ່ດີລະຫວ່າງສອງຊາດ, ສອງກອງທັບ ລາວ-ຈີນ ບົນພື້ນຖານຫຼັກການຂອງຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ, ເຄົາລົບສິດອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ, ເຄົາລົບຄວາມເປັນເອກະລາດທາງດ້ານການເມືອງ, ພ້ອມກັນສ້າງໃຫ້ຂອບເຂດຊາຍແດນມີສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍດີຂຶ້ນເປັນກ້າວໆ.
ໂດຍ: ສົມສະນຸກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
