POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ປະກາດການຈັດຕັ້ງຂັ້ນຫົວໜ້າ-ຮອງພະແນກການ ແລະ ຂະແໜງການຢູ່ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ
ເວລາອອກຂ່າວ: 2024-05-06 11:56:06 | ຜູ້ຂຽນ : admin2 | ຈຳນວນຄົນເຂົ້າຊົມ: 1259 | ຄວາມນິຍົມ:

ພິທີປະກາດການຈັດຕັ້ງຂັ້ນຫົວໜ້າພະແນກ-ຮອງພະແນກການ ແລະ ບາງຂະແໜງການຢູ່ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ໄດ້ຈັດຂຶ້ນໃນວັນທີ 3 ພຶດສະພາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ດຣ ຄໍາແພງ ພູມມະແກ້ວ ຫົວໜ້າກົມເສນາຮັກ,ກົມໃຫຍ່ພະລາທິການກອງທັບ, ມີ ສະຫາຍ ພັນເອກ ສີສຸກ ສີຈັນທອນ ເລຂາຄະນະປະຈໍາພັກ, ຫົວໜ້າການເມືອງ, ສະຫາຍ ພັນເອກ ດຣ ພຶດສະພາ ສົນທິລາດ ຮອງເລຂາຄະນະປະຈໍາພັກ,ຫົວໜ້າການທະຫານສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງກອງທັບ, ມີບັນດາຄະນະພັກ-ຄະນະບັນຊາ,ພະນັກງານ-ນັກຮົບພາຍໃນກົມກອງເຂົ້າຮ່ວມ. ສະຫາຍ ພັນໂທ ວົງຈັນ ອິນວົງສານ ຮອງຫົວໜ້າພະແນກພະນັກງານກົມໃຫຍ່ພະລາທິການກອງທັບໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ, ວ່າດ້ວຍການແຕ່ງຕັ້ງຂັ້ນພະແນກການຂອງສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ກົມໃຫຍ່ພະລາທິການກອງທັບ, ອີງຕາມກົດໝາຍນາຍທະຫານກອງທັບປະຊາຊົນລາວ( ສະບັບປັບປຸງ ) ໃນພາກທີ II ໝວກ 4 ມາດຕາ 26 ວ່າດ້ວຍການແຕ່ງຕັ້ງ,ຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ອີງຕາມການສະເໜີຂອງກົມໃຫຍ່ພະລາທິການກອງທັບ ສະບັບເລກທີ 121 ລົງວັນທີ 04 ມັງກອນ 2024, ອີງຕາມການຄົ້ນຄວ້າ ແລະ ນໍາສະເໜີຂອງກົມພະນັກງານ, ດັ່ງນັ້ນກົມໃຫຍ່ການເມືອງກອງທັບຕົກລົງແຕ່ງຕັ້ງ ພັນໂທ ສົມສັກ ໄພສະຖຽນ ເປັນຫົວໜ້າພະແນກອະນາໄມ ແລະ ຈັດຫານໍ້າສະອາດ, ພັນໂທ ເພັງພຸດ ພັດທະນາ ເປັນຫົວໜ້າພະແນກແຜນການ-ສັງລວມ, ພັນໂທ ເພັດສະໝອນ ແກ້ວສຸວັນ ເປັນຫົວໜ້າພະແນກລະບາດວິທະຍາ, ພັນຕີ ດຣ ອານຸສອນ ກ້ຽງປະຊາ ເປັນຫົວໜ້າພະແນກໄຂ້ຍຸງ, ແມ່ການຝາກ ແລະ ເເມງໄມ້, ຮ້ອຍເອກ ດຣ ນາງ ມະໄລວັນ ເລົ່າ ເປັນຫົວໜ້າພະແນກຈຸລິນຊີວິທະຍາ, ພັນໂທ ແສງດາວ ບົວລະພາ ເປັນຮອງຫົວໜ້າພະແນກບໍລິຫານການແພດ, ພັນຕີ ນາງ ຄ່ອງມະນີ ຄໍາຜອງບຸດດີ ເປັນຮອງຫົວໜ້າພະແນກລະບາດວິທະຍາ, ພັນຕີ ຄໍາສອນ ເພັດຈໍາພອນ ເປັນຮອງຫົວໜ້າພະແນກອະນາໄມສິ່ງແວດລ້ອມ ແລະ ຈັດຫານໍ້າສະອາດ, ພັນຕີ ນາງ ວຽງເພັດ ມຽງເຮືອງທອງ ເປັນຮອງຫົວໜ້າພະແນກໄຂ້ຍຸງ,ແມ່ກາຝາກ ແລະ ແມງໄມ້, ຮ້ອຍເອກນາງ ສີອໍາໄພ ພົມມະວົງສີ ເປັນຮອງຫົວໜ້າພະແນກຄົ້ນຄວ້າວິທະຍາສາດ ແລະ ຍັງໄດ້ຜ່ານຂໍ້ຕົກລົງຂອງກົມໃຫຍ່ພະລາທິການກອງທັບວ່າດ້ວຍການແຕ່ງຕັ້ງບັນດາຫົວໜ້າຂະແໜງການຈໍານວນໜຶ່ງຕື່ມອີກດ້ວຍ. ສະຫາຍ ພົນຈັດຕະວາ ດຣ ຄໍາແພງ ພູມມະແກ້ວ ຫົວໜ້າກົມເສນາຮັກກົມໃຫຍ່ພະລາທິການກອງທັບຍັງໄດ້ໃຫ້ຄໍາເຫັນໂອ້ລົມຫຼາຍບັນຫາສໍາຄັນ, ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ, ພ້ອມທັງໄດ້ເໜັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ໃນຄັ້ງນີ້ເອົາໃຈໃສ່ດ້ານການເມືອງ-ແນວຄິດ, ເພີ່ມທະວີຄວາມສາມັກຄີເປັນປຶກແຜ່ນ, ມີລະບຽບວິໄນເຂັ້ມງວດ, ມີຄຸນທາດການເມືອງໜັກແໜ້ນ, ມີຫຼັກໝັ້ນ, ມີຄວາມອົດທົນທຸ່ນທ່ຽງ,ພຽບພ້ອມດ້ວຍຄຸນສົມບັດສິນທໍາປະຕິວັດ, ມີຄວາມຊື່ສັດບໍລິສຸດຕໍ່ພັກ,ຕໍ່ປະເທດຊາດ, ຕໍ່ປະຊາຊົນ, ຍົກສູງສະຕິຄວາມເປັນເຈົ້າການແບບຢ່າງນໍາໜ້າໃນການຊີ້ນໍາ-ນໍາພາ, ເຮັດວຽກຢ່າງມີຫຼັກການ, ມີວິທະຍາສາດ, ມິວິໄສທັດກວ້າງໄກ, ເຮັດຕາມຫຼັກການລວມສູນປະຊາທິປະໄຕ, ເປັນໝູ່ຄະນະ, ແບ່ງບຸກຄົນຮັບຜິດຊອບເປັນອັນລະອຽດ, ຫຼີກເວັ້ນການຕັດສິນບັນຫາວຽກງານຜູ້ດຽວ, ເສີມຂະຫຍາຍຈຸດດີແກ້ໄຂຈຸດອ່ອນທີ່ຄົງຄ້າງ, ຕໍານິກໍ່ສ້າງເຊິ່ງກັນ ແລະ ກັນດ້ວຍຄວາມຈິງໃຈ, ຊອກຮູ້ຮໍ່າຮຽນແບບແຜນວິທີເຮັດວຽກນໍາພະນັກງານຜູ້ທີ່ມີປະສົບປະການ, ຮຽນຮູ້ນໍາມາຫາຊົນ, ຊອກຮູ້ຮໍ່າຮຽນດ້ານເຕັກນິກວິຊາການໃຫ້ສໍານິສໍານານ, ນິ້ມນວນ,ລະອຽດອ່ອນ, ເພື່ອເຮັດສໍາເລັດໜ້າທີ່ການເມືອງທີ່ຕົນຮັບຜິດຊອບ, ພ້ອມກັນພັດທະນາປັບປຸງກໍ່ສ້າງກົມກອງໃຫ້ມີໃບໜ້າອັນໃໝ່ ແລະ ກ້າວຂຶ້ນຢ່າງບໍ່ຢຸດຢັ້ງ. ໂດຍ. ອ້ອຍພັນ ແພງບຸນມີ.

news to day and hot news