POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ປະກາດສ້າງຕັ້ງກອງຮ້ອຍຜະລິດ-ກະສິກໍາ ແລະ ກອງຮ້ອຍກໍ່ສ້າງ-ຄຸ້ມຄອງຊັບສິນທີ່ຂຶ້ນກັບກອງບັນຊາການທະຫານແຂວງຜົ້ງສາລີ
ເວລາອອກຂ່າວ: 2024-05-07 13:54:35 | ຜູ້ຂຽນ : admin2 | ຈຳນວນຄົນເຂົ້າຊົມ: 1210 | ຄວາມນິຍົມ:

ໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ແລະ ການປັບປຸງກໍ່ສ້າງກໍາລັງໃຫ້ເຕີບໃຫຍ່ຂະຫຍາຍຕົວມີຄວາມເຂັ້ມແຂງເທື່ຶອລະກ້າວ. ໃນຕອນເຊົ້າຂອງວັນທີ30 ເມສາ 2024 ນີ້, ຢູູ່ທີ່ສະໂມສອນກອງບັນຊາການທະຫານແຂວງຜົ້ງສາລີ, ໄດ້ຈັດພິທີປະກາດສ້າງຕັ້ງກອງຮ້ອຍຜະລິດ-ກະສິກໍາ ແລະ ກອງຮ້ອຍກໍ່ສ້າງ-ຄຸ້ມຄອງຊັບສິນ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງຜົ້ງສາລີ, ເຂົ້າຮ່ວມມີ ສະຫາຍ ພັນເອກ ຄໍາພອນ ແສນສີວົງສາ ຮອງເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງ, ມີຄະນະປະຈໍາພັກ, ຄະນະພັກກອງບັນຊາການທະຫານແຂວງ, ຄະນະຫ້ອງ, ພະນັກງານຫຼັກແຫຼ່ງອົງການ 5 ຫ້ອງ, ກົມກອງອ້ອມຂ້າງ , ຜູ້ທີ່ຖືກແຕ່ງຕັ້ງໜ້າທີ່ ແລະ ພະນັກງານ-ນັກຮົບເຂົ້າຮ່ວມຢ່າງພ້ອມພຽງ. ໃນພິທີ ສະຫາຍ ພັນເອກ ວິໄລ ແພງສົມເຮືອງ ຄະນະພັກກອງບັນຊາການ ຫົວໜ້າຫ້ອງເສນາທິການກອງບັນຊາການທະຫານຫານແຂວງ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ ສະບັບເລກທີ 228/ກບຊ.ຜລ, ລົງວັນທີ26 ເມສາ 2024 ວ່າດ້ວຍການສ້າງຕັ້ງກອງຮ້ອຍຜະລິດ-ກະສິກໍາ ທີ່ຂຶ້ນກັບກອງບັນຊາການທະຫານແຂວງຜົ້ງສາລີ ແລະ ແຕ່ງຕັ້ງຄະນະໜ່ວຍພັກ, ຄະນະບັນຊາກອງຮ້ອຍ, ໃນນີ້ແຕ່ງຕັ້ງ ສະຫາຍ ພັນຕີ ເປົາແກ້ວ ອິນໄຊປະເສີດ ເປັນຫົວໜ້າກອງຮ້ອຍ ຊີ້ນໍາລວມ ທັງເປັນເລຂາໜ່ວຍພັກ, ສະຫາຍ ຮ້ອຍເອກ ທອງດີ ສີລິສຸກ ເປັນຮອງກອງຮ້ອຍ ຊີ້ນໍາວຽກງານການເມືອງ, ເປັນຮອງເລຂາໜ່ວຍພັກ ແລະ ຮ້ອຍໂທ ຄໍາສຸກ ວິໄລເສນ ເປັນຮອງ ຊີ້ນໍາວຽກງານເຕັກນິກວິຊາການ ເປັນກໍາມະການໜ່ວຍພັກ, ຜ່ານມະຕິຕົກລົງຂອງຄະນະປະຈໍາພັກກອງບັນຊາການທະຫານແຂວງວ່າດ້ວຍການບົ່ງຕົວແຕ່ງຕັ້ງເລຂາໜ່ວຍຊາວໜຸ່ມທີ່ຂຶ້ນກັບກອງຮ້ອຍຜະລິດ-ກະສິກໍາ ໃນນີ້ແຕ່ງຕັ້ງສະຫາຍ ຮ້ອຍເອກ ຄໍາສານ ລາວລີ ຫົວໜ້າໝວດຮັບປະກັນ ເປັນເລຂາໜ່ວຍຊາວໜຸ່ມ, ສະຫາຍ ຮ້ອຍໂທ ບຸນໄຊ ຫຼ້າ ຮອງຫົວໜ້າໝວດ ເປັນຮອງເລຂາໜ່ວຍ ແລະ ສະຫາຍ ຮ້ອຍໂທ ສົມແກ້ວ ສະວັດດີ ຫົວໜ້າໝູ່ ເປັນຄະນະໜ່ວຍ ແລະ ຜ່ານຂໍ້ຕົກລົງສະບັບເລກທີ 227/ກບຊ.ຜລ ລົງວັນທີ 26 ເມສາ 2024 ວ່າດ້ວຍການປະກາດສ້າງຕັ້ງກອງຮ້ອຍກໍ່ສ້າງ-ຄຸ້ມຄອງຊັບສິນ, ໃນນີ້ແຕ່ງຕັ້ງ ສະຫາຍ ພັນໂທ ຄໍາເຫຼັກ ໄຊຍະວົງສານ ເປັນຫົວໜ້າກອງຮ້ອຍ ຊີ້ນໍາລວມ, ພັນຕີ ບຸນດີ ສຸລິຍະລັດ ເປັນຮອງ ຮັບຜິດຊອບວຽກງານເຕັກນິກ-ກໍ່ສ້າງ ແລະ ສະຫາຍ ຮ້ອຍໂທ ຄໍາພັນ ສິນສໍາພັນ ເປັນຮອງ ຮັບຜິດຊອບວຽກງານເຕັກນິກການຜະລິດ ແລະ ແຕ່ງຕັ້ງຫົວໜ້າໝວດ, ຮອງໝວດ ແລະ ໝູ່ວິຊາສະເພາະທີ່ຂຶ້ນກັບສອງກອງຮ້ອຍອີກຈໍາໜຶ່ງ. ໃນພິທີທີ່ມີຄວາມໝາຍສໍາຄັນດັ່ງກ່າວ, ສະຫາຍ ພົນຈັດຕະວາ ຊຽງເພັງ ບົວລະວົງ ປະທານພິທີໄດ້ໂອ້ລົມເຊິ່ງໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະກອງຮ້ອຍສ້າງຕັ້ງໃໝ່ ແລະ ໄດ້ເນັ້ນໜັກໃຫ້ຜູ້ທີ່ຖືກແຕ່ງຕັ້ງຊັບຊ້ອນໜ້າທີ່ໃໝ່ຈົ່ງຕັ້ງໜ້າຝຶກຝົນຫຼໍ່ຫຼອມຕົນເອງທາງດ້ານຄຸນສົມບັດ, ສິນທໍາປະຕິວັດ, ເປັນແບບຢ່າງທີ່ດີໃຫ້ແກ່ມະຫາຊົນ, ໃນການປະຕິບັດໜ້າທີ່ວຽກງານ, ເຮັດວຽກຢ່າງມີແຜນການ-ແຜນງານຢ່າງລະອຽດຈະແຈ້ງ, ໂດຍປິ່່ນອ້ອມ 4ໜ້າທີ່ 26ແຜນງານຂອງກະຊວງປ້ອງກັນປະເທດວາງອອກ, ເປັນຕົ້ນແມ່ນໜ້າທີ່ເຮັດໃຫ້ສະພາບມີຄວາມສະຫງົບຕ້ອງໄດ້ລົງກໍ່ສ້າງຮາກຖານເມືອງຕາມຂອບເຂດຮັບຜິດຊອບ, ຄຽງຄູ່ກັບການປັບປຸງກໍ່ສ້າງກໍາລັງໃຫ້ມີຄວາມເຂັ້ມແຂງ, ປະຕິບັດຂໍ້ກໍານົດ 7 ລະບອບ 18 ວຽກໃນມື້ໜຶ່ງຂອງກອງທັບໃຫ້ເຂັ້ມງວດ, ມີສະຕິຕໍ່ການຈັດຕັ່ງ, ພ້ອມກັບການກໍ່ສ້າງໜ່ວຍພັກໜ່ວຍພັກປອດໃສ ເຂັ້ມແຂງ ໜັກແໜ້ນ, ຮັບປະກັນວຽກງານພະລາທິການ ເປັນຕົ້ນແມ່ນວຽກງານ 4 ປູກ 4 ລ້ຽງ ຕາມກົມໃຫຍ່ພະລາທິການກອງທັບວາງອອກ ເພື່ອຮັບປະກັນໃຫ້ກົມກອງມີຊີວິດການເປັນຢູ່ທີ່ດີຂຶ້ນເທື່ອລະກ້າວ. ຂ່າວ-ພາບ: ທອງສຸກ ຈັນຖະໜອມ

news to day and hot news