POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ເປີດການຝຶກອົບຮົມວຽກງານປຸກລະດົມການປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດທາງທໍາມະຊາດ ໃຫ້ພະນັກງານພະແນກການຂອງແຂວງ ແລະ ກໍາລັງ ປກຊ-ປກສ ແຂວງສະຫວັນນະເຂດ
ເວລາອອກຂ່າວ: 2024-05-07 13:56:45 | ຜູ້ຂຽນ : admin2 | ຈຳນວນຄົນເຂົ້າຊົມ: 1164 | ຄວາມນິຍົມ:

ໃນວັນທີ6 ພຶດສະພາ 2024ນີ້, ທີ່ສະໂມສອນກອງບັນຊາການທະຫານແຂວງ ສະຫວັນນະເຂດ ກະຊວງປ້ອງກັນປະເທດ ໄດ້ເປີດການຝຶກອົບຮົມວຽກງານປຸກລະດົມການປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດທາງທໍາມະຊາດ ໃຫ້ພະນັກງານພະແນກການຂອງແຂວງ ແລະ ກໍາລັງ ປກຊ-ປກສ ແຂວງຂຶ້ນ ພາຍໃຕ້ໂຄງການສ້າງຄວາມເຂັ້ມແຂງໃຫ້ຊຸມຊົນ ໃນການຮັບມືກັບການປ່ຽນແປງດິນຟ້າອາກາດ, ການປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດພາຍໃຕ້ການເປັນປະທານຂອງ ສະຫາຍ ນາງ ຫຼິງທອງ ແສງຕະວັນ ຄະນະປະຈໍາພັກແຂວງ ຮອງເຈົ້າແຂວງ ສະຫວັນນະເຂດ, ມີຄະນະທີມງານຈາກກະຊວງປ້ອງກັນປະເທດ ນໍາໂດຍ ສະຫາຍ ພັນເອກ ບຸນລ້ອມ ອຸດົມສຸກ ຫົວໜ້າຄະນະທີມ, ສະຫາຍ ພົນຈັດຕະວາ ສີ ທະວີໄຊ ຄະນະປະຈໍາພັກ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ພ້ອມດ້ວຍຄະນະພັກ-ຄະນະບັນຊາຈາກອົງການ5ຫ້ອງກອງບັນຊາການທະຫານແຂວງ, ຄະນະພັກ-ຄະນະບັນຊາກອງບັນຊາການປ້ອງກັນຄວາມສະຫງົບແຂວງ, ຕະຫຼອດຮອດພະນັກງານຫຼັກແຫຼ່ງຈາກພະແນກການທີ່ກ່ຽວຂ້ອງພາຍໃນແຂວງເຂົ້າຮ່ວມ. ໂດຍປະຕິບັດຕາມແນວທາງນະໂຍບາຍຂອງພັກ-ລັດກໍ່ຄືແຜນພັດທະນາເສດຖະກິດ-ສັງຄົມແຫ່ງຊາດ ຕາມທິດສີຂຽວ ແລະ ຍືນຍົງໃນທົ່ວປະເທດ ເພື່ອຫຼຸດຜ່ອນຄວາມສ່ຽງຈາກໄພພິບັດ ສູ່ການພັດທະນາແບບຍືນຍົງ ເຊິ່ງກະຊວງປ້ອງກັນປະເທດ ກໍ່ໄດ້ນໍາເອົາແຜນດັ່ງກ່າວມາຈັດຕັ້ງປະຕິບັດເປັນໂຄງການ ເພື່ອເປີດການອົບຮົມໃຫ້ພະນັກງານພະແນກການທີ່ກ່ຽວຂ້ອງຂອງແຂວງ, ເມືອງ ແລະ ກໍາລັງ ປກຊ-ປກສ ໃນທົ່ວປະເທດ ໃນການສ້າງຄວາມເຂັ້ມແຂງໃຫ້ຊຸມຊົນ ເພື່ອຮັບມືກັບການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສຽງຈາກໄພພິບັດ.ໂອກາດກ່າວເປີດອົບຮົມໃນຄັ້ງນີ້ ຮອງເຈົ້າແຂວງ ສະຫວັນນະເຂດ ໄດ້ຕີລາຄາສູງຕໍ່ແຜນຈັດຕັ້ງປະຕິບັດຂອງໂຄງການທີ່ກະຊວງປ້ອງກັນປະເທດເປັນຜູ້ຮັບຜິດຊອບ ພ້ອມທັງເນັ້ນໜັກທຸກພາກສ່ວນທີ່ເຂົ້າຮ່ວມອົບຮົມ ຈົ່ງພ້ອມກັນຮຽນຮູ້ຢ່າງເລິກເຊິ່ງຕໍ່ແນວທາງການຈັດຕັ້ງປະຕິບັດວຽກງານຂອງໂຄງການ ເພື່ອນໍາໄປໂຄສະນາປຸກລະດົມໃຫ້ພໍ່ແມ່ປະຊາຊົນມີຄວາມຮັບຮູ້ ແລະ ເຂົ້າໃຈ ເຫັນໄດ້ຄວາມສໍາຄັນຂອງວຽກປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດທາງທໍາມະຊາດ. ຈາກນັ້ນທາງຄະນະທີມງານຈາກກະຊວງປ້ອງກັນປະເທດ ໄດ້ມີການຜັດປ່ຽນກັນຂຶ້ນເຜີຍແຜ່ເອກະສານກ່ຽວກັບໄພພິບັດທາງທໍາມະຊາດ ແລະ ມະນຸດສ້າງຂຶ້ນ, ຄວາມສ່ຽງຈາກໄພພິບັດ, ຜົນກະທົບ, ການປະເມີນ ແລະ ການຫຼຸດຜ່ອນຄວາມສ່ຽງຈາກໄພພິບັດ,ແນວທາງປະຕິບັດ, ການປ້ອງກັນ, ການກຽມຄວາມພ້ອມ, ການຮັບມືກັບສະຖານະການສຸກເສີນ ແລະ ການປັບຕົວ, ນອກຈາກນັ້ນກໍ່ຍັງມີແນວທາງການຟື້ນຟູ ແລະ ການພັດທະນາພາຍຫຼັງເກີດໄພພິບັດ ທັງນີ້ກໍ່ເພື່ອເຮັດໃຫ້ພະນັກງານຫຼັກແຫຼ່ງພະແນກການທີ່ກ່ຽວຂ້ອງຂອງແຂວງ ແລະ ກໍາລັງ ປກຊ-ປກສ ແຂວງສະຫວັນນະເຂດໄດ້ຮັບຮູ້ ແລະ ເຂົ້າໃຈຕໍ່ຜົນທະທົບຂອງໄພພິບັດ, ແຜນການຈັດຕັ້ງປະຕິບັດໃນການແກ້ໄຂຢ່າງຖືກຕ້ອງ ແລະ ສ່ອດຄ່ອງ ນໍາເອົາໄປຜັນຂະຫຍາຍໃນກົມກອງ, ຮາກຖານ, ຈຸດສຸມກຸ່ມບ້ານ ກໍ່ຄືບັນດາເມືອງ ເປົ້າໝາຍທີ່ມີຄວາມສ່ຽງຕໍ່ການເກີດໄພພິບັດ ເຫັນໄດ້ເຖິງຄວາມຈໍາເປັນ ແລະ ສໍາຄັນຂອງວຽກງານປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດທາງທໍາມະຊາດ ອັນເນື່ອງມາຈາກການຕັດໄມ້ທໍາລາຍປ່າຢ່າງຊະຊາຍ ແລະ ການທໍາລາຍສິ່ງແວດລ້ອມດ້ວຍຮູບແບບຕ່າງໆ ເຊິ່ງສິ່ງດັ່ງກ່າວທີ່ມະນຸດເຮົາສ້າງຂຶ້ນແມ່ນລ້ວນແລ້ວແຕ່ມະນຸດເຮົາເອງເປັນຜູ້ຮັບເຄາະກໍານັ້ນ ເພື່ອຫຼີກລ່ຽງຮຽກຮ້ອງໃຫ້ປະຊາຊົນລາວເຮົາທຸກຊັ້ນຄົນ, ນັກຮຽນ,ນັກສຶກສາປັນຍາຊົນ, ພໍ່ແມ່ປະຊາຊົນລາວບັນດາເຜົ່າທົ່ວປະເທດ ກໍ່ຄືທົ່ວແຂວງສະຫວັນນະເຂດ ຈົ່ງຮ່ວມແຮງຮ່ວມໃຈກັນປົກປັກຮັກສາປະເທດຊາດ, ບ້ານເກີດເມືອງນອນຂອງຕົນໃຫ້ມີສະພາບແວດລ້ອມທີ່ດີ, ມີປ່າໄມ້ໃຫ້ສີຂຽວຍືນຍົງ ດ້ວຍການປູກຕົ້ນໄມ້ໃນຄອບຄົວເຮືອນຊານ, ສະຖານທີ່ທາງລັດຖະການ, ສາຖາບັນການສຶກສາ ແລະ ປ່າສະຫງວນແຫ່ງຊາດຢ່າງເປັນປົກກະຕິ. ໃນຕອນທ້າຍທາງຄະນະທີມງານຈາກກະຊວງປ້ອງກັນປະເທດຍັງໄດ້ມອບປື້ມຄູ່ມືກ່ຽວກັບການປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດ ສູ່ການພັດທະນາແບບຍືນຍົງ ໃຫ້ກັບພະແນກສຶກສາທິການ ແລະ ກິລາແຂວງ ຈໍານວນ800ຫົວ ເພື່ອນໍາໄປແຈກຍ້າຍໃຫ້ກັບໂຮງຮຽນ, ສະຖາບັນການສຶກສາໄດ້ຮຽນຮູ້ນໍາອີກ. ພາບ-ຂ່າວ:ວິລະພົງ ເທບໂພ

news to day and hot news