POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ວປກ ສະຫຼຸບວຽກງານການແຂ່ງຂັນໄລຍະສັ້ນສ້າງຜົນງານຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ
ເວລາອອກຂ່າວ: 2024-05-08 14:37:54 | ຜູ້ຂຽນ : admin2 | ຈຳນວນຄົນເຂົ້າຊົມ: 1025 | ຄວາມນິຍົມ:

ໃນວັນທີ8 ພຶດສະພາ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ເປີດກອງປະຊຸມ ສະຫຼຸບວຽກງານການແຂ່ງຂັນໄລຍະສັ້ນສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຂຶ້ນ, ໂດຍການເປັນປະທານຂອງ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ, ກຳມະການຄະນະພັກກະຊວງປ້ອງກັນປະເທດ, ຫົວໜ້າການທະຫານ ວປກ, ມີຄະນະພັກ-ຄະນະບັນຊາ, ຄະນະກົມ, ຫ້ອງການ ຈາກ 43 ຫົວໜ່ວຍ, ພ້ອມດ້ວຍອະນຸກຳມະການທົ່ວ ວປກ ເຂົ້າຮ່ວມ. ສະຫາຍ ພັນໂທ ນາງ ມະນີພອນ ພົມມະຈັນ ຮອງຫົວໜ້າກົມການເມືອງ ວປກ ໄດ້ຂຶ້ນຜ່ານ ບົດສະຫຼຸບການແຂ່ງຂັນໄລຍະສັ້ນ ສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຂອງວິທະຍາຄານປ້ອງກັນຊາດ ໄກສອນ ພົມວິຫານ, ສາມາດສະຫຼຸບຕີລາຄາດ້ານດີ, ດ້ານອ່ອນ, ບົດຮຽນທີ່ຖອດຖອນໄດ້ດັ່ງນີ້. ໄດ້ເປີດບັ້ນດໍາເນີນຊີວິດການເມືອງ ທົ່ວ ວປກ ໃຫ້ຄະນະພັກ-ຄະນະບັນຊາ, ພະນັກງານ- ນັກຮົບ, ນາຍໂດຍໄດ້ແບ່ງອອກເປັນ 3 ຊຸດ ມີຈໍານວນພົນທັງໝົດ: 563 ສະຫາຍ, ນອກຈາກນີ້, ຍັງໄດ້ລົງຢ້ຽມຢາມ ແລະ ອວຍພອນຄອບຄົວອາດີດການນຳ ວປກ ທີ່ພັກການຮັບເບ້ຍບໍານານມີ: ພົນຈັດຕະວາ ສົມພອນ ແກ້ວມີໄຊ, ພົນຈັດຕະວາ ພອນໄຊ ຈະເລີນສຸກ ແລະ ທ່ານ ບຸນຊູ ສີໄພງາມ, ຈັດຕັ້ງສາຍຮູບເງົາຟີມມູນເຊື້ອກອງທັບ 75 ປີ ມີຈຳນວນພົນເຂົ້າຮ່ວມທັງໝົດ: 380 ສະຫາຍ. ໄດ້ຈັດຕັ້ງປະຈໍາການກຽມພ້ອມສູ້ຮົບແຕ່ລະຂັ້ນຢ່າງເປັນປົກກະຕິ, ກວດກາຄົນ ແລະ ພາຫະນະເຂົ້າ-ອອກຄ້າຍ, ປ້ອງກັນແຂກພາຍໃນ, ຕ່າງປະເທດມາຢ້ຽມຢາມ ແລະ ເຮັດວຽກຢູ່ ວປກ ຢ່າງເຂັ້ມງວດ, ພ້ອມກັນນັ້ນໄດ້ຈັດຕັ້ງເຜີຍແຜ່ສະພາບການ, ສຶກສາອົບຮົມພະນັກງານ, ນັກຮົບໃຫ້ຍົກສູງສະຕິລະວັງຕົວຕໍ່ກົນອຸບາຍມ້າງເພອິດທິກໍາລັງປໍລະປັກ ແລະ ກຸ່ມຄົນບໍ່ຫວັງດີ. ວຽກງານການປັບປຸງໂຄງການຫຼັກສູດ, ສ້າງເອກະສານຮັບໃຊ້ ແລະ ໄດ້ຮ່ວມກັບອົງການກ່ຽວຂ້ອງຂອງຂັ້ນເທິງ ສ້າງເອກະສານດ້ານການທະຫານສໍາເລັດ 10 ຫົວບົດ ແລະ ຍັງສືບຕໍ່ຈັດພິມອີກ 15 ບົດ ເພື່ອຮອງຮັບໃຫ້ແກ່ການຮຽນ-ການສອນ. ໄດ້ປະຕິບັດຄົ້ນຄ້ວາວິທະຍາສາດການທະຫານ-ການເມືອງ ເພື່ອປະກອບເຂົ້າໂຄງການຫຼັກສູດການຮຽນ-ການສອນ ແລະ ເກັບກຳ, ຮິບໂຮມບັນດາເອກະສານການທະຫານ-ການເມືອງ, ເອກະສານທີ່ແປຈາກພາສາຕ່າງປະເທດ ແລະ ຫ້ອງເອກະສານລັບ ເພື່ອເປັນຄູ່ມືໃຫ້ແກ່ການຮຽນ-ການສອນຂອງບັນດາຄູອາຈານ-ນັກສຶກສາແຕ່ລະຮຸ່ນ. ວຽກງານຂະບວນການຄູສອນດີ-ສອນເດັ່ນ, ຄັດເລືອກຍ້ອງຍໍ 75 ປີ ໃຫ້ພະນັກງານ ວປກ ໃນແຕ່ລະສາຂາວິຊາ ແລະ ສາມາດຄັດເລືອກໄດ້ 33 ສະຫາຍ ດັ່ງນີ້: ສາຍກອງທັບ ໄດ້ຮັບຫຼຽນໄຊພິລະອາດຫານ ຊັ້ນII ມີ 17 ສະຫາຍ, ຫຼຽນໄຊພິລະອາດຫານ ຊັ້ນIII ມີ 27, ໃບຍ້ອງຍໍກະຊວງ 39 ສະຫາຍ, ໃບຍ້ອງຍໍກົມໃຫຍ່ການເມືອງ 2 ສະຫາຍ, ສາຍລັດຖະບານໄດ້ຮັບໄຊແຮງງານຊັ້ນII ມີ 12 ສະຫາຍ, ຫຼຽນໄຊແຮງງານຊັ້ນIII ມີ 26 ສະຫາຍ, ຫຼຽນກາແຮງງານ ມີ 63 ສະຫາຍ, ໃບຍ້ອງຍໍລັດຖະບານ ມີ 38 ສະຫາຍ. ໄດ້ເປີດການແຂ່ງຂັນກິລາມວນຊົນ ມີປະເພດກິລາບານສົ່ງຍິງ-ຊາຍ, ບານເຕະຍິງ-ຊາຍ, ກິດຈະກໍາຍ່າງເພື່ອສຸຂະພາບ ໄດ້ມີຄະນະພັກ-ຄະນະບັນຊາ, ພະນັກງານ-ນັກຮົບ ແລະ ນັກສຶກສາທຸກລະບົບ ເຂົ້າຮ່ວມທັງໝົດ 1.200 ກ່ວາສະຫາຍ. ຈັດງານແຂ່ງຂັນນັກຮ້ອງ-ຂັບລໍາສຽງດີ ມີທັງໝົດ 26 ລາຍການເຂົ້າຮ່ວມ, ບົດເພງ 15 ລາຍການ, ບົດລໍາ 11 ລາຍການ, ນອກນັ້ນຍັງໄດ້ເຂົ້າຮ່ວມແຂ່ງຂັນນັກຮ້ອງ-ຂັບລຳສຽງດີ ທົ່ວກອງທັບ ຄັ້ງທີ IV ຢູ່ແຂວງຄຳມ່ວນ ມີ 4 ລາຍການເຂົ້າຮ່ວມ, ສາມາດຍາດໄດ້ ລາງວັນທີ 3 ປະເພດຮ້ອງດ່ຽວຍິງ ໃນບົດເພງ: ກອງທັບເຮັດລ້ອນໜ້າທີ່ ຮ້ອງໂດຍ ຮ້ອຍຕີ ນາງ ວັນນີ ຫຼວງສົມພູ ປະພັນໂດຍ: ພົນຈັດຕະວາ ຮສຈ ປອ ສົມພອນ ສີສຸວັນນະ. ກິດຈະກໍາຖາມ-ຕອບຄວາມຮູ້ຮອບຕົວກ່ຽວກັບວັນປະຫວັດສາດຕ່າງໆຂອງຊາດ, ຂອງພັກ, ຂອງກອງທັບ ໂດຍສະເພາະແມ່ນກ່ຽວກັບວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ມີຕົວແທນຈາກຊາວໜຸ່ມ-ແມ່ຍິງຈາກ 18 ກົມກອງ ທີ່ຂຶ້ນກັບ, ຂະບວນການອະນາໄມຮັກສາສິ່ງແວດລ້ອມ, ການສ້າງເຂດເຂດພັກຜ່ອນ ແລະ ປະດັບປະດາ ການປັບປຸງຄ້າຍຄູແຕ່ລະພາກສ່ວນ, ໄດ້ສ້າງເຂດພັກຜ່ອນຈຸດຊົມວິວ ຢູ່ພາຍໃນວິທະຍາຄານ 01 ຈຸດ ເຊິ່ງມີເນື້ອທີ່ທັງໝົດ 450 ຕາແມັດ ໃນມູນຄ່າການກໍ່ສ້າງທັງໝົດ 52,785.000 ກີບ. ພ້ອມດຽວກັນນີ້, ຍັງໄດ້ເປີດໂອກາດໃຫ້ແຕ່ລະພາກສ່ວນຂຶ້ນປະກອບຄຳຄິດຄຳເຫັນ ແລະ ສະເໜີທິດທາງແຜນການໃນຕໍ່ໜ້າໃສ່ບົດສະຫຼຸບອີກດ້ວຍ. ໂອກາດດຽວກັນນີ້, ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ, ຍັງໄດ້ຍ້ອງຍໍຊົມເຊີຍຕໍ່ຜົນງານຂອງນາຍ ແລະ ພົນທະຫານທົ່ວ ວປກ ທີ່ສາມາດຍາດໄດ້ຜົນສຳເລັດອັນຈົບງາມ, ພ້ອມທັງໄດ້ເນັ້ນໜັກໃຫ້ ຄະນະພັກ-ຄະນະບັນຊາ ສືບຕໍ່ຊີ້ນໍາ-ນໍາພາກົມກອງ ເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ ກໍ່ຄື ກົມກອງວາງອອກ ເພື່ອຈັດຕັ້ງຜັນຂະຫຍາຍເຂົ້າໃນການປະຕິດບັດໜ້າທີ່ການເມືອງຂອງຕົນໃຫ້ເກີດດອກອອກຜົມ, ເອົາໃຈໃສ່ປັບປຸງກໍ່ສ້າງພະນັກງານໃຫ້ໜັກແໜ້ນເຂັ້ມແຂງ, ກໍາແໜ້ນໜ້າທີ່ການເມືອງຂອງຕົນ ແລະ ກອງທັບແຕ່ລະໄລຍະ, ປັບປຸງກໍ່ສ້າງແບບແຜນວິທີເຮັດວຽກງານກຽມພ້ອມເຮັດສໍາເລັດທຸກໜ້າທີ່ວຽກງານຕາມການມອບໝາຍຂອງຂັ້ນເທິງ. ພາບ-ຂ່າວ: ສາວີວັນ ວົງຄຳຊາວ

news to day and hot news