ວັນພຸດ, ວັນທີ 04 ທັນວາ 2024
ວປກ ເຊັນສັນຍາກໍ່ສ້າງຕຶກອາຄານຫ້ອງຮຽນ ເຮືອນຄົວ-ຫ້ອງກິນເຂົ້າ ຕຶກການນຳພັກ-ລັດ
ເວລາອອກຂ່າວ: 2024-05-13 13:22:09 | ຜູ້ຂຽນ : admin2 | ຈຳນວນຄົນເຂົ້າຊົມ: 1599 | ຄວາມນິຍົມ: 
ໃນວັນທີ10 ພຶດສະພາ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ແລະ ບໍລິສັດ VS ກໍ່ສ້າງຂົວ-ທາງ ແລະ ການຄ້າ ຈໍາກັດຜູ້ດຽວ ໄດ້ເຊັນສັນຍາຮັບເໝົາ ກໍ່ສ້າງຕຶກອາຄານຫ້ອງຮຽນ, ເຮືອນຄົວ-ຫ້ອງກິນເຂົ້າ, ຕຶກການນຳພັກ-ລັດ ຂຶ້ນຢ່າງເປັນທາງການ, ໂດຍການລົງນາມເຊັນສັນຍາຂອງ ທ່ານ ພົນຈັດຕະວາ ປອ ແກ້ວສຸວັນ ອິນທະວົງສາ ກຳມະການຄະນະພັກກະຊວງປ້ອງກັນປະເທດ, ຫົວໜ້າການທະຫານ ວປກ ແລະ ທ່ານ ວົງຊະນະ ບັນນາວົງ ອຳນວຍການ ບໍລິສັດ VS ກໍ່ສ້າງຂົວ-ທາງ ແລະ ການຄ້າ ຈໍາກັດຜູ້ດຽວ, ມີພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.
ໃນພິທີໄດ້ຜ່ານຂໍ້ຕົກລົງຂອງ ກະຊວງປ້ອງກັນປະເທດ ວ່າດ້ວຍການຕົກລົງໃຫ້ ບໍລິສັດ VS ກໍ່ສ້າງຂົວ-ທາງ ແລະ ການຄ້າ ຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງຕຶກອາຄານຫ້ອງຮຽນ, ເຮືອນຄົວ-ຫ້ອງກິນເຂົ້າ, ຕຶກການນຳພັກ-ລັດ ຂະໜາດ 15 ແມັດ(m)x 44ແມັດ(m) 2 ຊັ້ນ, ອີງໃສ່ສະພາບເງື່ອນໄຂຕົວຈິງ ແລະ ນອກຕົວ ຝ່າຍຮັບເໝົາຕົກລົງປະຕິບັດໂຄງການ ກໍ່ສ້າງໃຫ້ສຳເລັດຕາມແຜນດຳເນີນງານສະບັບເລກທີ 75/ພກສ, ລົງວັນທີ 20 ເມສາ 2024, ໃນກຳນົດເວລາ: 880 ວັນ ເລີ່ມຕັ້ງແຕ່ວັນທີ5 ພຶດສະພາ 2024-5 ພະຈິກ 2027 ໃຫ້ສຳເລັດ 100% ແລະ ອີງໃສ່ເງື່ອນໄຂທີ່ຖືກຕ້ອງຕາມແຜນຜັງ ແລະ ເຕັກນິກ ຕາມໃບຄິດໄລ່ ສະບັບເລກທີ 25/VS ກສຂທ, ລົງວັນທີ25 ເມສາ 2024 ແລະ ຕາມທຶນພາຍໃນງົບປະມານປະຈຳປີຂອງ ວິທະຍາຄານປ້ອງກັນຊາດ ໄກສອນ ພົມວິຫານ (ແຜນການແຫ່ງລັດ) ວ່າດ້ວຍມູນຄ່າຂອງສັນຍາ, ທັງສອງຝ່າຍເປັນເອກະພາບເຫັນດີຮ່ວມກັນຕາມມູນຄ່າໃນໃບຄິດໄລ່ປະເມີນລາຄາຕົວຈິງດັ່ງນີ້: ຄ່າແຮງງານ: 2.985.110.000 ກີບ, ຄ່າວັດຖຸ: 7.650.328.000 ກີບ, ຄ່າບໍລິການ 1,2% : 127.625.256 ກີບ, ຄ່າພັນທະງົບປະມານ 10%: 1.076.306.326 ກີບ, ມູນຄ່າການກໍ່ສ້າງລວມທັງໝົດ: 11.839.369.582 ກີບ (ສິບເອັດພັນແປດຮ້ອຍສາມສິບເກົ້າລ້ານສາມແສນຫົກສິບເກົ້າຫ້າຮ້ອຍແປດສິບສອງລ້ານກິບ)
ພາບ-ຂ່າວ: ພັນໂທ ນ ວິໄລລັກ ກາຖາຍະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
