POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງພັນໃຫຍ່301 ກອງພົນທີ3 ປະກາດການຈັດຕັ້ງ ແລະ ທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະພັກກອງພັນໃຫຍ່301 ສະໄໝທີV ຮອບທີ2
ເວລາອອກຂ່າວ: 2024-05-13 14:29:44 | ຜູ້ຂຽນ : admin2 | ຈຳນວນຄົນເຂົ້າຊົມ: 1606 | ຄວາມນິຍົມ:

ໃນຕອນເຊົ້າຂອງວັນທີ9 ພຶດສະພາ 2024ນີ້, ກອງພັນໃຫຍ່301 ກອງພົນທີ3 ໄດ້ ປະກາດການຈັດຕັ້ງບາງຂະແໜງການ, ພະນັກງານຊ່ວຍວຽກ ແລະ ປະກາດເລື່ອນຊັ້ນນາຍສິບ ແລະ ທາບທາມບຸກຄະລາກອນຮັບສະໝັກເລືອກຕັ້ງເຂົ້າໃນຄະນະພັກກອງພັນໃຫຍ່301 ສະໄໝທີV ຮອບທີ2 ຂຶ້ນຢູ່ທີ່ສະໂມສອນຂອງກົມກອງ ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ໄຊຍະວົງ ໄຊນາມທິລາດ ເລຂາຄະນະພັກຫົວໜ້າການທະຫານກອງພົນທີ3, ມີສະຫາຍ ພັນເອກ ແສງທອງ ເພັງຄາພັນ ເລຂາຄະນະພັກຫົວໜ້າການທະຫານກອງພັນໃຫຍ່ 301, ມີສະຫາຍ ພັນໂທ ຄໍາຫຼ້າ ພັນທະຈັກ ຮັກສາການຮອງເລຂາຄະນະພັກຫົວໜ້າການເມືອງກອງພັນໃຫຍ່301, ມີພະແນການທີ່ກ່ຽວຂ້ອງມາຈາກກອງພົນທີ3, ມີຄະນະພັກ-ຄະນະບັນຊາ 5ພະແນກການ, ກອງພັນນ້ອຍ 414 ກອງຮ້ອຍ, ໝວດເອກະລາດ, ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມຢ່າງພ້ອມພຽງ. ສະຫາຍ ພັນໂທ ສົມລິດ ບົວໄຂຄຳ ຫົວໜ້າພະແນກພະນັກງານກອງພົນທີ3 ໄດ້ຂຶ້ນຜ່ານຂໍ້ຕົກລົງຂອງກອງພົນທະຫານຮາບທີ3 ວ່າດ້ວຍການສັ່ງຖອດ, ແຕ່ງຕັ້ງຫົວໜ້າຂະແໜງ, ຄະນະກອງຮ້ອຍ ແລະ ພະນັກງານຊ່ວຍວຽກບາງຂະແໜງການທີ່ຂຶ້ນກັບກອງພັນໃຫຍ່302 ອີງຕາມກົດໝາຍນາຍທະຫານກອງທັບປະຊາຊົນລາວ(ສະບັບປັບປຸງ)ໃນພາກທີll ໝວດທີ4 ມາດຕາ26 ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານ, ກອງພົນທະຫານຮາບທີ3 ຕົກລົງແຕ່ງຕັ້ງຫົວໜ້າຂະແໜງ, ຄະນະກອງຮ້ອຍ ແລະ ພະນັກງານຊ່ວຍວຽກຂະແໜງການຢູ່ກອງພັນໃຫຍ່301 ຈໍານວນ 8 ຕໍາແໜ່ງ ຈາກນັ້ນສະຫາຍ ພັນຕີ ສົມພົງ ທາດທາຕີ ຊ່ວຍວຽກຂະແໜງກໍາລັງພົນ ກອງພັນໃຫຍ່ 301 ໄດ້ຂຶ້ນຜ່ານຂໍ້ຕົກລົງຂອງກອງພົນທະຫານຮາບທີ 3 ວ່າດ້ວຍການເລື່ອນຊັ້ນນາຍສິບ ຢູ່ກອງພັນໃຫຍ່301 ກອງພົນທີ3 ຕົກລົງເລື່ອນຊັ້ນສິບຕີຂຶ້ນສິບໂທ ຈໍານວນ 13 ສະຫາຍ ເລື່ອນ ຊັ້ນສິບໂທ ຂຶ້ນສິບເອກ ຈໍານວນ 2 ສະຫາຍ. ໃນພິທີ ສະຫາຍ ພັນໂທ ສົມພອນ ຄຳພູມີ ຫົວໜ້າພະແນກຈັດຕັ້ງພັກກອງພົນທີ3 ກໍ່ໄດ້ຂຶ້ນຜ່ານມາດຖານເງື່ອນໄຂຜູ້ທີ່ສະໝັກເລືອກຕັ້ງເຂົ້າໃນຄະນະພັກກອງພັນໃຫຍ່301 ສະໄໝທີV ຮອບທີ2, ເຊິ່ງຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ, ຢຶດໝັ້ນອຸດົມການສັງຄົມນິຍົມ, ມີຄຸນສົມບັດສິນທຳປະຕິວັດ, ມີທັດສະນະຫຼັກໝັ້ນການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດ, ຕໍ່ປະຊາຊົນ, ເປັນແບບຢ່າງນຳໜ້າໃນການປະຕິບັດ ກົດລະບຽບຂອງພັກ,ກົດໝາຍຂອງລັດ, ມີຄວາມຮູ້ຄວາມສາມາດອັນແນ່ນອນ, ມີແບບແຜນວິທີອັນເຮັດວຽກທີ່ຖືກຕ້ອງ, ຄົບລົບ ແລະ ປະຕິບັດຫຼັກການລວມສູນປະຊາທິປະໄຕ,ມີສຸຂະພາບສົມບູນແຂງແຮງດີ, ພ້ອມນີ້ສະຫາຍຍັງໄດ້ແນະນຳ ແລະ ອະທິບາຍກ່ຽວກັບວິທີໃຊ້ສິດໃນການປ່ອນບັດໃຫ້ຖືກຕ້ອງຕາມລະບຽບຫຼັກການຂອງພັກ, ໂດຍຢຶດໝັັ້ນຕາມແນວທາງຂອງພັກ, ຖືເອົາ 5 ຫຼັກການ 3 ທິດນຳຂອງພັກ ເປັນໄມ້ຫຼາວັດແທກທາງດ້ານຄຸນທາດການເມືອງ. ໂອກາດນີ້, ສະຫາຍ ພົນຈັດຕະວາ ໄຊຍະວົງ ໄຊນາມທິລາດ ເລຂາຄະນະພັກຫົວໜ້າການທະຫານກອງພົນທີ3 ກໍ່ໄດ້ເນັ້ນໜັກຫຼາຍບັນຫາສຳຄັນໃຫ້ຄະນະພັກ-ຄະນະບັນຊາ, ພະນັກງານທີໄດ້ຮັບໜ້າທີໃໝ່ ແລະ ໄດ້ຮັບການເລື່ອນຊັ້ນໃໝ່ໃນຄັ້ງນີ້ໃຫ້ຍົກສູງພາລະບົດບາດໃນການຊີ້ນຳ-ນຳພາກົມກອງ, ມີແບບແຜນວິທີເຮັດວຽກທີທັນສະໄໝ, ຕ້ອງມີການໄຈ້ແຍກເບິງທັກສະນະຄວາມຮູ້, ຄວາມສາມາດໃນການນຳພາ-ບັນຊາກົມກອງ, ມີຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກທີ່ດີ, ເຮັດວຽກເປັນໝູ່ຄະນະບຸກຄົນຮັບຜິດຊອບບົນພື້ນຖານປະຕິບັດຫຼັກການລວມສູນປະຊາທິປະໄຕ, ເຮັດສຳເລັດໜ້າທີ່ການເມືອງຂອງຕົນທີການຈັດຕັ້ງກົມກອງມອບໝາຍໃຫ້ ເພື່ອແນ່ໃສ່ເຮັດໃຫ້ການຄັດເລືອກຄະນະພັກຊຸດນີ້ດຳເນີນໄປຢ່າງຖືກຕ້ອງຕາມກົດລະບຽບຫຼັກການຂອງພັກ, ກໍ່ຄືທິດທາງແຜນການເຄື່ອນໄຫວກະກຽມທາບທາມເອົາບຸກຄະລາກອນເພື່ອເປັນເປົາໝາຍລົງຮັບສະໝັກເລືອກຕັ້ງເປັນຄະນະພັກກອງພັນໃຫຍ່301 ໃນສະໄໝກອງປະຊຸມໃຫຍ່ຄັ້ງທີV ທີ່ຈະໄຂຂຶ້ນໃນຕໍ່ໜ້າໃຫ້ໄດ້ຮັບໝາກຜົນສູງ. ຈາກນັ້ນຜູ້ແທນສົມບູນກໍ່ໄດ້ໃຊ້ສິດຂອງຕົນປ່ອນບັດທາບທາມເອົາບຸກຄະລາກອນທີ່ສະໝັກເລືອກຕັ້ງເຂົ້າໃນຄະນະພັກກອງພັນໃຫຍ່301 ສະໄໝທີV ຮອບທີ2 ໄດ້ສໍາເລັດຕາມແຜນການ.ໂອກາດທີລົງມາເຄື່ອນໄຫວເຮັດວຽກໃນຄັ້ງນີ້ກອງພົນທີ3 ຍັງໄດ້ມອບເຄື່ອງກິລາ, ອຸປະກອນກິລາ ແລະ ຜ້າຫົ່ມໃຫ້ກອງພັນໃຫຍ່301 ແລະ ກອງພັນນ້ອຍ, 414ຕື່ມອີກ. ຂຽນໂດຍ: ຈອມແສງ ແສງມະນີ.

news to day and hot news