ວັນສຸກ, ວັນທີ 06 ທັນວາ 2024
ຫ້ອງເຕັກນິກ ສໍາເລັດບັ້ນດໍາເນີນຊີວິດການເມືອງ ແລະ ທາບທາມບຸກຄະລາກອນລົງສະໝັກເຂົ້າໃນຄະນະພັກຊຸດໃໝ່
ເວລາອອກຂ່າວ: 2024-05-15 14:46:01 | ຜູ້ຂຽນ : admin2 | ຈຳນວນຄົນເຂົ້າຊົມ: 1076 | ຄວາມນິຍົມ: 
ໃນວັນທີ13 ພຶດສະພາ 2024 ນີ້ ຄະນະພັກຮາກຖານຫ້ອງເຕັກນິກກອງບັນຊາການທະຫານແຂວງ ສະຫວັນນະເຂດ ໄດ້ເປີດກອງປະຊຸມບັ້ນດໍາເນີນຊີວິດການເມືອງ ທ້າຍສະໄໝ ແລະ ທາບທາມເອົາບຸກຄະລາກອນທີ່ຈະລົງສະໝັກເຂົ້າໃນຄະນະພັກຊຸດໃໝ່ ໂດຍການເປັນປະທານຂອງ ສະຫາຍ ພົນຈັດຕະວາ ສີ ທະວີໄຊ ຄະນະປະຈໍາພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ,ມີສະຫາຍ ພັັນເອກ ສຸກສະໝອນ ສີພັນດອນ ຄະນະພັກກອງບັນຊາການ ເລຂາຄະນະພັກຮາກຖານຫົວໜ້າຫ້ອງເຕັກນິກກອງບັນຊາການທະຫານແຂວງພ້ອມຄະນະ,ມີພະແນກຈັດຕັ້ງພັກ ພະນັກງານແລະ ສະມາຊິກພັກສົມບູນພາຍໃນຮາກຖານພັກຫ້ອງເຕັກນິກເຂົ້າຮ່ວມ.
ສະຫາຍ ພັັນເອກ ສຸກສະໝອນ ສີພັນດອນ ຄະນະພັກກອງບັນຊາການ ເລຂາຄະນະພັກຮາກຖານ ຫົວໜ້າຫ້ອງເຕັກນິກກອງບັນຊາການທະຫານແຂວງ ໄດ້ຂື້ນຜ່ານບົດສໍາຫຼວດການຊີ້ນໍາ-ນໍາພາລວມຂອງຄະນະພັກຮາກຖານຫ້ອງເຕັກນິກ ໄລຍະ5ປີ ນັບແຕ່ 2019-2024 ເຊິ່ງຍົກໃຫ້ເຫັນວ່າ:ຄະນະພັກຮາກຖານພວກເຮົາໄດ້ເອົາໃຈໃສ່ຊີ້ນໍາ-ນໍາພາ ແລະ ຈັດຕັ້ງປະຕິບັດເນື້ອໃນວ່າດ້ວຍການກໍ່ສ້າງຮາກຖານການເມືອງ ຕິດພັນກັບວຽກງານ3ສ້າງ ຕາມ4ເນື້ອໃນ,4ຄາດໝາຍ. ພ້ອມທັງຖືເອົາການສຶກສາອົບຮົມການເມືອງ-ນໍາພາແນວຄິດຂອງພະນັກງານ-ສະມາຊິກພັກ,ນາຍ ແລະ ພົົນທະຫານ ເພື່ອແນໃສ່ການປັບປຸງກໍ່ສ້າງພັກ,ກໍ່ສ້າງກໍາລັງໃຫ້ມີຄວາມເຂັມແຂງ ໂດຍຍຶດໝັ້ນຕາມແນວທາງກໍ່ສ້າງພັກຢ່າງສະເໝີຕົ້ນສະເໝີປາຍ ບົ້ນພື້ນຖານຕ້ອງກໍາແໜ້ນ5ຫຼັກການ 3 ທິດນໍາໃນການກໍ່ສ້າງພັກ ປະຈຸບັນຄະນະພັກຮາກຖານຫ້ອງເຕັກນິກປະກອບມີ3ໜ່ວຍພັກ,ມີສະມາຊິກພັກ61ສະຫາຍ,ຍິງ15ສະຫາຍ,ແບ່ງຄຸນນະພາບຂອງສະມາຊິກພັກແຂງຮອບດ້ານມີ21ສະຫາຍ,ຍິງ3ສະຫາຍ,ແຂງ35ສະຫາຍ,ຍິງ11ສະຫາຍ,ກາງ5ສະຫາຍ ແລະ ຍິງ1ສະຫາຍ.ນອກຈາກນັ້ນຄະນະພັກຍັງໄດ້ຖືເອົາການຂະຫຍາຍສະມາຊິກພັກຕາມລະບຽບການຂອງພັກຢ່າງຖືກຕ້ອງ ໃນການຂະຫຍາຍມະຫາຊົນເຂົ້າພັກ ໂດຍການຖືເອົາການຝຶກຝົນຫຼໍ່ຫຼອມຕົນເອງໃນຂະບວນການວຽກງານຕົວຈິງ,ຜ່ານມາໄດ້ຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ,ໜັກແໜ້ນຢ່າງຕໍ່ເນື່ອງ,ໄດ້ຮັບໃບຢັ້ງຢືນຊາວໝຸ່ມ4ບຸກ ໄດ້3ສະໄໝ,ໃບຢັ້ງຢືນແມ່ຍິງ3ດີ ໄດ້4ສະໄໝ
ພາບ-ຂ່າວ:ວິລະພົງ ເທບໂພ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
