POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ສະຫຼຸບຖອດຖອນບົດຮຽນ ການຮ່ວມມືກວດກູ້ລະເບີດບໍ່ທັນແຕກ ລາວ-ຣັດເຊຍ ສົກປີ 2023-2024
ເວລາອອກຂ່າວ: 2024-05-15 15:09:20 | ຜູ້ຂຽນ : admin2 | ຈຳນວນຄົນເຂົ້າຊົມ: 1132 | ຄວາມນິຍົມ:

ໃນວັນທີ15 ພຶດສະພາ 2024 ນີ້, ຫ້ອງການກົມໃຫຍ່ເສນາທິການກອງທັບ ໄດ້ຈັດກອງປະຊຸມສະຫຼຸບຖອດຖອນບົດຮຽນ ການຮ່ວມມືກວດກູ້ລະເບີດບໍ່ທັນແຕກ ລາວ-ຣັດເຊຍ ສົກປີ 2023-2024 ຢູ່ເມືອງກາສີ ແຂວງວຽງຈັນ, ໂດຍການເປັນປະທານຂອງ ສະຫາຍ ພົນຈັດຕະວາ ສົມພອນ ມິດຕະພອນ ຮອງຫົວໜ້າ ກົມໃຫຍ່ເສນາທິການກອງທັບ, ຫົວໜ້າຄະນະຊີ້ນໍາ ການຮ່ວມມືກວດກູ້ລະເບີດບໍ່ທັນແຕກລາວ-ຣັດເຊຍ, ມີຄະນະຊີ້ນໍາ, ຄະນະຮັບຜິດຊອບ, ອານຸກຳມະການ, ກອງເລຂາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ, ຄະນະຊີ້ນຳ ການຮ່ວມມືກວດກູ້ ແລະ ທຳລາຍລະເບີດບໍ່ທັນແຕກ ລາວ-ຣັດເຊຍ ໄດ້ສະຫຼຸບວຽກງານຮອບດ້ານໃນການຮ່ວມມືກວດກູ້ລະເບີດບໍ່ທັນແຕກ ທີ່ຍັງຕົກຄ້າງ ເພື່ອມະມຸດສະທຳ ສະຫວ່າງ ກອງທັບປະຊາຊົນລາວ ກັບ ກອງທັບ ແຫ່ງ ສ ຣັດເຊຍ ຢູ່ເມືອງກາສີ ແຂວງວຽງຈັນ ຜ່ານການຈັດຕັ້ງປະຕິບັດຕົວຈິງຕະຫຼອດໄລຍະເວລາ 5 ເດືອນກວ່າ, ກຳລັງຂອງສອງກະຊວງປ້ອງກັນປະເທດ ລາວ-ຣັດເຊຍ ໄດ້ຮ່ວມກັນກວດກູ້ລະເບີດໃນ 5 ສະໜາມ ຢູ່ເມືອງກາສີ, ແຂວງວຽງຈັນ ສໍາເລັດໃນເນື້ອທີ່ທັງໝົດ 234,246 ຕາແມັດ (23,42 ເຮັກຕາ) ໃນນີ້, ໄດ້ຈັດແບ່ງໃຫ້ສອງກໍາລັງກວດກູ້ຄື: ກໍາລັງກວດກູ້ມິນສາກົນ ກະຊວງປ້ອງກັນປະເທດ ແຫ່ງ ສ ຣັດເຊຍ ສາມາດກວດກູ້ລະເບີດບໍ່ທັນແຕກ ອອກຈາກເນື້ອທີ່ທັງໝົດ 118,212 ຕາແມັດ (11,82 ເຮັກຕາ), ກວດພົບລະເບີດປະເພດຫົວລູກປືນ ແລະ ລະເບີດລູກຫວ່ານ ລວມທັງໝົດ 1,135 ໜ່ວຍ, ສະເກັດລະເບີດ 222,155 ຊິ້ນສ່ວນ, ເສດໂລຫະຕ່າງໆ 206,035 ຊິ້ນສ່ວນ, ກໍາລັງກອງຮ້ອຍ 58 ແລະ ກອງພັນ 561 ກອງພົນທີ 1 ກອງທັບປະຊາຊົນລາວ ສາມາດກວດກູ້ໃນເນື້ອທີ່ທັງໝົດ 116,034 ຕາແມັດ (11,6 ເຮັກຕາ) ກວດພົບລະເບີດປະເພດຫົວລູກປືນ ແລະ ລະເບີດລູກຫວ່ານ ລວມທັງໝົດ 96 ໜ່ວຍ, ສະເກັດລະເບີດ 43,599 ຊິ້ນສ່ວນ, ເສດໂລຫະຕ່າງໆ 37,884 ຊິ້ນສ່ວນ. ສໍາລັບລະເບີດທີ່ກວດພົບ ໄດ້ນໍາໄປທຳລາຍຢູ່ສະໜາມທຳລາຍ ປະກອບມີ ລະເບີດລູກຫວ່ານ BLUE 24 ຈໍານວນ 9 ໜ່ວຍ, ຫົວລູກປືນໃຫຍ່ 626 ລູກ, ຫົວລູກປືນຄົກ 118 ລູກ, ລະເບີດປາຍປືນ 95 ລູກ, ລູກຈະຫຼວດ 19 ລູກ, ມີນ 1 ໜ່ວຍ, ແກັບແຕກຕ່າງໆ 363 ແກັບ, ຍ້ອນການຮ່ວມມືກັບເພື່ອນ ຣັດເຊຍ ມີແລກປ່ຽນປະສົບການ ແລະ ບົດຮຽນນໍາກັນກ່ອນທຸກຄັ້ງ ຈຶ່ງເຮັດໃຫ້ການຈັດຕັ້ງປະຕິບັດ ການທຳລາຍລະເບີດແຕ່ລະຄັ້ງມີຄວາມປອດໄພ 100%. ສ່ວນວຽກງານຮັບປະກັນດ້ານອື່ນໆ ກໍສາມາດຮັບປະກັນໄດ້ສຳເລັດຕາມແຜນການ. ນອກນັ້ນ, ກະຊວງປ້ອງກັນປະເທດ ແຫ່ງ ສ ຣັດເຊຍ ຍັງໄດ້ຈັດຕັ້ງຄູຈຳນວນ 2 ສະຫາຍ ຈາກສູນກວດກູ້ມີນສາກົນ ມາເຝີກອົບຮົມໃນຫຼັກສູດຫົວໜ້າໝູ່ກວດກູ້ ແລະ ທໍາລາຍລະເບີດບໍ່ທັນແຕກ ເພື່ອມະນຸດສະທຳ ໃຫ້ກໍາລັງຂອງເຫຼົ່າຮົບຊ່າງແສງ ກອງທັບປະຊາຊົນລາວ ເປັນເວລາ 80 ວັນຕື່ມອີກ. ຈາກນັ້ນ, ບັນດາສະຫາຍຄະນະຊີ້ນໍາ, ຄະນະຮັບຜິດຊອບ, ອານຸກຳມະການ ດ້ານຕ່າງໆ ກໍໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາໃສ່ບົດສະຫຼຸບ ເຊິ່ງໄດ້ຍົກໃຫ້ເຫັນຈຸດດີ ທີ່ຕ້ອງເສີມຂະຫຍາຍ ແລະ ຈຸດອ່ອນຂໍ້ຄົງຄ້າງ ທີ່ຈະສືບຕໍ່ປັບປຸງແກ້ໄຂ ເພື່ອເຮັດໃຫ້ການຮ່ວມມືກວດກູ້ລະເບີດບໍ່ທັນແຕກໃນຄັ້ງຕໍ່ໄປ ມີຜົນສໍາເລັດດີຂຶ້ນກວ່າເກົ່າ.

news to day and hot news