POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ເປີດຊຸດອົບຮົມການນໍາໃຊ້ ແລະ ບົວລະບັດລົດຫຸ້ມເກາະລຸ້ນໃໝ່
ເວລາອອກຂ່າວ: 2024-05-16 11:11:16 | ຜູ້ຂຽນ : admin2 | ຈຳນວນຄົນເຂົ້າຊົມ: 1628 | ຄວາມນິຍົມ:

ພິທີເປີດຊຸດອົບຮົມການນໍາໃຊ້ ແລະ ບົວລະບັດລົດຫຸ້ມເກາະລຸ້ນໃໝ່ ໄດ້ຈັດຂຶ້ນໃນວັນທີ 15 ພຶດສະພາ 2024 ນີ້, ກອງພັນ616 ກອງພົນທະຫານຮາບທີ1 ໂດຍການເປັນປະທານຮ່ວມຂອງ ສະຫາຍ ພົນຈັດຕະວະວາ ປອ ຟອງສະໝຸດ ພົນທິລາດ ຫົວໜ້າກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບ ແລະ ສະຫາຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານກອງພົນທະຫານຮາບທີ1, ມີຄະນະພັກ-ຄະນະບັນຊາກອງພັນ, ພະນັກງານຄູ-ອາຈານທີ່ກ່ຽວຂ້ອງ ແລະ ນັກຝຶກອົບຮົມເຂົ້າຮ່ວມ. ສະຫາຍ ພັນເອກ ທອງພັນ ບຸນສະຫວັດ ຮອງຫົວໜ້າກົມເຕັກນິກເຫຼົ່າຮົບກົມໃຫຍ່ເຕັກນິກກອງທັບ ໄດ້ຂຶ້ນຜ່ານແຜນການອົບຮົມການນໍາໃຊ້ ແລະ ບົວລະບັດເຕັກນິກລົດຫຸ້ມເກາະລຸ້ນໃໝ່ຈໍານວນ 3 ຄັນ ໃຫ້ພະນັກງານວິຊາການເຕັກນິກເຫຼົ່າຮົບ, ໂດຍອີງຕາມທິດຊີ້ນໍາຂອງກົມໃຫຍ່ເຕັກນິກກອງທັບວ່າດ້ວຍການນໍາໃຊ້ ແລະ ບົວລະບັດເຕັກນິກລົດຫຸ້ມເກາະລຸ້ນໃໝ່ຢູ່ກອງພັນ616 ກອງພົນທີ1 ເພື່ອໃຫ້ພະນັກງານເຕັກນິກເຫຼົ່າຮົບນຳໃຊ້ໄດ້ຢ່າງຄ່ອງແຄ້ວ ແລະ ມີປະສິດທິຜົນສູງ. ສໍາລັບເນື້ອໃນທີ່ນໍາມາອົບຮົມໃນຄັ້ງນີ້ປະກອບມີ: ສຶກສາປື້ມຄູ່ມືການນໍາໃຊ້ເຕັກນິກລົດ, ປະຕິບັດຕົວຈິງ, ອົບຮົມວິທີການນໍາໃຊ້ແຕ່ລະພາກສ່ວນໃນລະບົບຕ່າງໆຂອງລົດ, ຮຽນຂັບຂີ່ຕົວຈິງ, ປະຕິບັດຍິງລູກປືນແທ້ເທິງລົດ, ລອຍນໍ້າ ຕົວຈິງ, ການເກັບມ້ຽນຮັກສາລົດໄລຍະສັ້ນ, ໄລຍະຍາວ, ກວດກາເຕັກນິກພາຫະນະກ່ອນອອກ ແລະ ຫຼັງເຄື່ອນໄຫວເຮັດໜ້າທີ່, ສະຫຼຸບກວດກາ, ກໍານົດເວລາອົບຮົມ15 ວັນ. ທັງນີ້ກໍ່ເພື່ອຍົກສູງຄວາມຮູ້ ຄວາມສາມາດໃຫ້ນັກວິຊາສະເພາະຮູ້ທິດສະດີຫຼັກການ ແລະ ພາກປະຕິບັດຕົວໃນການນໍາໃຊ້ນຳລົດລຸ້ນໃໝ່ ແລະ ຮູ້ບຳລຸງຮັກສານຳໃຊ້ໃຫ້ໄດ້ຍາວນານ, ນຳໃຊ້ໃຫ້ຖືກຕ້ອງຕາມຫຼັກການເຕັກນິກ ເພື່ອນຳໃຊ້ເຂົ້າໃນວຽກງານຕົວຈິງໃຫ້ຊຳນິຊຳນານ ແລະ ທັນກັບສະພາບການ. ໂອກາດນີ້, ສະຫາຍປະທານໄດ້ມີຄຳເຫັນໂອ້ລົມ ແລະ ເນັ້ນໜັກໃຫ້ຄະນະພັກ- ຄະນະບັນຊາ, ຄູ-ອາຈານ ຕ້ອງເອົາໃຈໃສ່ຄົ້ນຄວ້າເນື້ອໃນບົດສອນໃຫ້ເຂົ້າໃຈລະອຽດ, ສຸມທຸກສະຕິປັນຍາເພື່ອສົ່ງຄວາມຮູ້ທາງດ້ານທິດສະດີ, ຫຼັກການເພື່ອຖ່າຍທອດໃຫ້ນັກຝຶກອົບຮົມເຂົ້າໃຈຢ່າງຈະແຈ້ງ ແລະ ຕ້ອງເປັນແບບຢ່າງໃນການປະຕິບັດລະບຽບໃນການອົບຮົມຢ່າງເຂັ້ມງວດ ແລະ ຮັບປະກັນຄວາມປອດໄພໃຫ້ໄດ້ 100%. ພ້ອມກັນນັ້ນກໍໄດ້ ຮຽກຮ້ອງໃຫ້ນັກຝຶກອົບຮົມແຕ່ລະສະຫາຍຈົ່ງຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ຕັ້ງໜ້າຄົ້ນຄວ້າຮໍ່າຮຽນ ເພື່ອກໍາແໜ້ນບົດຮຽນທີ່ຄູ-ອາຈານຖ່າຍທອດໃຫ້ນໍາໄປຈັດຕັ້ງປະຕິບັດໃຫ້ຖືກຕ້ອງ. ໃນວັນດຽວກັນນີ້, ກົມເຕັກນິກເຫຼົ່າຮົມ ກົມໃຫຍ່ເຕັກນິກກອງທັບຍັງໄດ້ມອບອຸປະກອນສ້ອມແປງ ເຕັກນິກເຫຼົ່າຮົບໃຫ້ກອງພົນທະຫານຮາບທີ1 ອີກດ້ວຍ.

news to day and hot news