POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ປະກາດການແຕ່ງຕັ້ງຄະນະກົມ, ຫ້ອງ, ກອງ ແລະ ສູນ ທີ່ຂຶ້ນກັບກົມໃຫຍ່ການເມືອງກອງທັບ
ເວລາອອກຂ່າວ: 2024-05-16 12:32:10 | ຜູ້ຂຽນ : admin2 | ຈຳນວນຄົນເຂົ້າຊົມ: 1388 | ຄວາມນິຍົມ:

ພິທີປະກາດການແຕ່ງຕັ້ງຄະນະກົມ, ຫ້ອງ, ກອງ ແລະ ສູນ ທີ່ຂຶ້ນກັບກົມໃຫຍ່ການເມືອງກອງທັບໄດ້ຈັດຂຶ້ນໃນວັນທີ 16 ພຶດສະພາ 2024 ນີ້, ໂດຍການເປັນປະທານຂອງສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີ ຄະນະພັກ-ຄະນະບັນຊາ ກົມ, ຫ້ອງການ, ກອງ, ສູນ ແລະ ພະນັກງານຫຼັກແຫຼ່ງທົ່ວອົງການກົມໃຫຍ່ການເມືອງກອງທັບ ເຂົ້າຮ່ວມ. ສະຫາຍ ພັນເອກ ຄໍາເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ຂອງກົມໃຫຍ່ການເມືອງກອງທັບວ່າດ້ວຍການຍົກຍ້າຍ ແລະ ແຕ່ງຕັ້ງປ່ຽນແທນຕໍາແໜ່ງ ຂອງບັນດາອົງການ, ກົມກອງ ທີ່ຂຶ້ນກັບກົມໃຫຍ່ການເມືອງກອງທັບ ໃນນີ້, ກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ຕົກລົງແຕ່ງຕັ້ງ ສະຫາຍ ພົນຈັດຕະວາ ສົມພົງ ແພງປັນຍາ ເປັນຫົວໜ້າກົມກໍ່ສ້າງຮາກຖານ ກົມໃຫຍ່ການເມືອງກອງທັບ, ສະຫາຍ ພັນເອກ ອຳເພັດ ພົມມະກອນ ເປັນຫົວໜ້າອົງການໄອຍະການທະຫານຂັ້ນສູງ, ສະຫາຍ ພັນເອກ ແພງສີ ເສັງວິໄຊ ເປັນຫົວໜ້າຫ້ອງການເມືອງ ກົມໃຫຍ່ການເມືອງກອງທັບ, ສະຫາຍ ພັນເອກ ທິມສາວ ດວງຈໍາປາ ແລະ ສະຫາຍ ພັນໂທ ໄຊຊະນະ ສະເຫຼີມສັກ ເປັນຮອງຫົວໜ້າກົມໂຄສະນາ ກົມໃຫຍ່ການເມືອງກອງທັບ, ສະຫາຍ ພັນເອກ ສຸວັນນີ ດວງປະເສີດ ເປັນຮອງຫົວໜ້າຫ້ອງການເມືອງ ກົມໃຫຍ່ການເມືອງກອງທັບ, ສະຫາຍ ພັນໂທ ສຸລິບັນ ສໍພາບປັນຍາ ເປັນຮອງຫົວໜ້າຫ້ອງການຊາວໜຸ່ມກອງທັບ, ສະຫາຍ ພັນໂທ ອຸດົມ ບຸດຕະວົງ ເປັນຫົວໜ້າການທະຫານກອງສິລະປະກອນກອງທັບ, ສະຫາຍ ພັນໂທ ຈັນທີ ບຸດດາແກ້ວ ເປັນຫົວໜ້າການເມືອງ ກອງສິລະປະກອນກອງທັບ, ສະຫາຍ ພັນໂທ ວັນເຮືອງ ສີວິໄລ ເປັນຫົວໜ້າກອງບັນນາທິການໜັງສືພິມກອງທັບ, ສະຫາຍ ພັນໂທ ຄຳແສນ ສຸວັນນະຜ່ອງໃສ ເປັນຫົວໜ້າກອງວາລະສານກອງກັນຊາດ, ສະຫາຍ ພັນໂທ ນາງ ແສງວຽງ ແນວຮັກພູມສະໄໝ ເປັນຫົວໜ້າການເມືອງ ກອງວິທະຍຸກະຈາຍສຽງກອງທັບ, ສະຫາຍ ພັນໂທ ສອນອຸໄທ ພົມອຸໄທ ເປັນຫົວໜ້າການທະຫານ ກອງໂທລະພາບກອງທັບ, ສະຫາຍ ພັນໂທ ສີສຸມັງ ມີໄຊຜົນ ເປັນອຳນວຍການຫໍພິພິທະພັນປະຫວັດສາດກອງທັບ, ສະຫາຍ ພັນໂທ ໂມງຄຳ ບົວລະວັນ ເປັນຮອງອໍານວຍການຫໍພິພິທະພັນປະຫວັດສາດກອງທັບ, ສະຫາຍ ພັນໂທ ພອນສຸກ ຄັນນະຟັງ ເປັນຫົວໜ້າການເມືອງ ສູນພັດທະນາຜູ້ເສຍອົງຄະ 489, ສະຫາຍ ພັນໂທ ດາວອນ ພົມມະແສນ ເປັນຫົວໜ້າການທະຫານສູນພັດທະນາຜູ້ເສຍອົງຄະ 489, ສະຫາຍ ພັນໂທ ວິໄລພອນ ຈັນທະພົມມາ ເປັນຮອງຫົວໜ້າການເມືອງ ສູນພັດທະນາຜູ້ເສອົງຄະ 489, ສະຫາຍ ພັນຕີ ອຸ່ນຄຳ ວົງພະຈັນ ເປັນຫົວໜ້າການທະຫານ ສູນອົງຄະທຽມ ແລະ ຟື້ນຟູສະມັດທະພາບ 686, ສະຫາຍ ພັນໂທ ຈັນຄໍາ ຈັນບຸນທອງ ເປັນຮອງພະແນກອົບຮົມກໍ່ສ້າງຂະບວນການ ກົມປ້ອງກັນພາຍໃນກອງທັບ, ສະຫາຍ ພັນໂທ ບຸນທ່ຽງ ແສງມະນີ ເປັນຫົວໜ້າການເມືອງ ກອງພັນ 160, ສະຫາຍ ພັນຕີ ສຸກສະໄໝ ນໍລະວົງ ເປັນຫົວໜ້າການທະຫານ ກອງພັນ 160, ສະຫາຍ ພັນໂທ ແຊ່ງຄຳ ມິງສະຫວັດ ເປັນຫົວໜ້າພະແນກວັດທະນະທຳ ກົມໂຄສະນາອົບຮົມ, ສະຫາຍ ພັນໂທ ນາງ ວາດສະໜາ ແດນຈໍາປາ ເປັນຮອງພະແນກວັດທະນະທຳ ກົມໂຄສະນາອົບຮົມ. ນອກນັ້ນ, ຍັງໄດ້ຍົກຍ້າຍ ສະຫາຍ ພັນໂທ ວຽງສະຫວັນ ບຸນສີເມືອງ ຫົວໜ້າການເມືອງ ສູນພັດທະນາຜູ້ເສອົງຄະ 489 ໄປໃຫ້ ອົງການໄອຍະການທະຫານຂັ້ນສູງ, ສະຫາຍ ພັນໂທ ອົ້ມມີໄຊ ພູມທິລາດ ຮອງຫົວໜ້າສູນຜູ້ຮັບຜິດຊອບວຽກງານພະລາທິການ-ເຕັກນິກ ສູນເສຍອົງຄະພິເສດ 790, ສະຫາຍ ພັນໂທ ບຸນຈັນ ດວງພູມີ ຫົວໜ້າການເມືອງກອງພັນ 160 ແລະ ສະຫາຍ ພັນໂທ ສຸພັນ ໄຊຍະສິງ ຫົວໜ້າການທະຫານ ກອງພັນ 160 ໄປໃຫ້ຫ້ອງການເມືອງ ກົມໃຫຍ່ການເມືອງກອງທັບ. ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ໂອລົມຫຼາຍບັນຫາສຳຄັນ ພ້ອມທັງ ເນັ້ນໃຫ້ຜູ້ທີ່ໄດ້ຮັບການມອບໝາຍໜ້າທີ່ໃໝ່ ໃນຄັ້ງນີ້, ຈົ່ງພ້ອມກັນສືບຕໍ່ສຶກສາອົບຮົມການເມືອງ-ນຳພາແນວຄິດ, ເຝິກຜົນຫຼໍ່ຫຼອມຕົນເອງ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີແບບແຜນການດຳລົງຊີວິດທີ່ດີ, ມີແບບແຜນວິທີເຮັດວຽກ ທີ່ມີວິທະຍາສາດ, ເຮັດວຽກເປັນໝູ່ຄະນະ ແບ່ງໃຫ້ບຸກຄົນຮັບຜິດຊອບ, ກ້າເຮັດກ້າຕັດສີນໃຈ ແລະ ຍອມຮັບໃນສິ່ງທີ່ຖືກຕ້ອງ, ພ້ອມກັນພັດທະນາກົມກອງໃຫ້ໜັກແໜ້ນ , ເຂັ້ມແຂງ ເຮັດໃຫ້ທົ່ວອົງການກົມໃຫຍ່ການເມືອງກອງທັບ ນັບມື້ນັບເຕີບໃຫຍ່ເຂັ້ມແຂງ ແລະ ທັນສະໄໝກ້າວຂຶ້ນຢ່າງບໍ່ຢຸດຢັ້ງ.

news to day and hot news