POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ກອງພົນທີ1 ມອບເງິນອຸດໜູນ ແລະ ເງິນຊົດເຊີຍ ໃຫ້ພະນັກງານພັກການຮັບເບ້ຍບຳນານ
ເວລາອອກຂ່າວ: 2024-05-16 15:12:17 | ຜູ້ຂຽນ : admin2 | ຈຳນວນຄົນເຂົ້າຊົມ: 1773 | ຄວາມນິຍົມ:

ໃນວັນທີ15 ພຶດສະພາ 2024 ນີ້, ກອງພົນທີ1 ໄດ້ຈັດພິທີມອບເງິນອຸດໜູນບຳນານ ແລະ ເງິນຊົດເຊີຍໃຫ້ພະນັກງານທີ່ພັກການຮັບເບ້ຍບຳນານ ໂດຍການເປັນປະທານຂອງ ສະຫາຍ ພົນ ຈັດຕະວາ ວົງຈັນ ພັນຈັນທະມານ ເລຂາຄະນະພັກ ຫົວໜ້່າການເມືອງ ກອງພົນທີ1, ມີບັນດາຄະນະພັກ-ຄະນະບັນຊາແຕ່ລະອົງການ, ພະແນກການ ແລະ ພະນັກງານຮັບເບ້ຍບຳນານເຂົ້າຮ່ວມ. ສະຫາຍ ພັນໂທ ວຽງສະຫວັນ ໄຊສະຫວັນ ຫົວໜ້າພະແນກພະນັກງານໄດ້ຂຶ້ນຜ່ານຂໍ້ຕົກລົງວ່າດ້ວຍອະນຸມັດໃຫ້ນາຍທະຫານພັກການ ຮັບເບ້ຍບຳນານ ອີງຕາມກົດໝາຍວ່າດ້ວຍກອງທັບປະຊາຊົນລາວ ( ສະບັບປັບປຸງ ) ເລກທີ 43/ສພຊ, ລົງວັນທີ 14.06.2018, ໝວດ 1 ມາດຕາ 33 ແລະ 34, ອີງຕາມກົດໝາຍວ່າດ້ວຍປະກັນສັງຄົມ ສະບັບປັບປຸງເລກທີ 54/ສພຊ, ລົງວັນທີ 27.06.2018 ແລະ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1758/ຫສນຍ, ລົງວັນທີ 28. 11. 2022. ປະຕິບັດເງິນອຸດໜູນຄ່າຄອງຊີບ ຈໍານວນ 150.000 ກີບ. ອີງຕາມການຄົ້ນຄວ້າ ແລະ ການນຳສະເໜີຂອງກົມໃຫຍ່ການເມືອງກອງທັບ. ກະຊວງປ້ອງກັນປະເທດຕົກລົງ ແລະ ເຫັນດີໃຫ້ນາຍທະຫານຢູ່ກອງພົນທີ1 ພັກການຮັບເງິນອຸດໜູນບຳນານແຕ່ ງວດ 2 ສົກປີ 2024 ເປັນຕົ້ນໄປ ຈຳນວນ 8 ສະຫາຍລະອຽດມີລາຍຊື່ດັ່ງນີ້: 1/. ພັນໂທ ວົງສີ ພົມມະສອນ, 2/. ພັນໂທ ນາງ ຄຳພອນ ວັນນະວົງສີ, 3/. ພັນໂທ ຄຳເພັດ ແກ້ວອຸດົມ, 4/. ພັນໂທ ຈາຫຼັດ ເທບປັນຍາ, 5/. ພັນໂທ ສຸລິວົງ ທຳມະເກັງ, 6/ ພັນໂທ ພົງສະຫວັນ ມະນີວົງ, 7/. ພັນຕີ ຄຳຜຸຍ ພົມມະຈັນທະວົງ, 8/. ພັນຕີ ຄໍາພຸດ ດວງອາລຸນ. ແລະ ອະນຸມັດໃຫ້ນາຍທະຫານ ຢູ່ກອງພົນທີ1 ພັກການ ເພື່ອກຽມຮັບເບ້ຍບຳນານ ແລະ ພັກການເພື່ອປິ່ນປົວສຸຂະພາບອີກຈຳນວນໜຶ່ງ. ໃນພິທີດັ່ງກ່າວ, ສະຫາຍປະທານຍັງໄດ້ຍ້ອງຍໍຊົມເຊີຍ ແລະ ຂອບໃຈໃນໄລຍະຜ່ານມາ ບັນດາສະຫາຍໄດ້ອຸທິດເຫືອແຮງ, ຈິດໃຈ, ສະຕິປັນຍາ, ຄວາມຮູ້ຄວາມສາມາດຂອງຕົນເຂົ້າໃນການປະຕິບັດໜ້າທີ່ຢູ່ໃນກົມກອງ, ປະກອບສ່່ວນເຂົ້າໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດມາ, ພ້ອມຝາກຄວາມຫວັງວ່າສະຫາຍຈະຕັ້ງໜ້າປະກອບສ່ວນຢູ່ຮາກຖານ, ສືບຕໍ່ເສີມຂະຫຍາຍບົດບາດຄວາມເປັນແບບຢ່າງ ໃນການປົກປັກຮັກສາອຸດົມການ ແລະ ທາດແທ້ຂອງການປະຕິວັດ, ຍົກສູງນ້ຳໃຈເປັນເຈົ້າຂອງປະເທດຊາດ, ກອງພົນທີ1 ຈະໄດ້ໃຫ້ການຊຸກຍູ້ ແລະ ຊ່ວຍເຫຼືອທາງດ້ານວັດຖຸ ແລະ ຈິດໃຈໃຫ້ແກ່ພະນັກງານອາວຸໂສບຳນານຕາມຄວາມສາມາດແລະເງື່ຶອນໄຂຕົວຈິງ. ຂຽນໂດຍ: ຄຳພຸດ ພານຸວົງ.

news to day and hot news