ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ຮັບປະກັນ​ໃນ​ການ​ປ້ອງ​ກັນ​ການ​ນຳ​ພັກ-ລັດ ໃຫ້​ມີ​ຄວາມ​ປອດ​ໄພ
ເວລາອອກຂ່າວ: 2024-05-17 08:56:10 | ຜູ້ຂຽນ : admin1 | ຈຳນວນຄົນເຂົ້າຊົມ: 283 | ຄວາມນິຍົມ:



ກອງພັນ 988 ແມ່ນ​ກົມ​ກອງ​ໜຶ່ງ​ພາຍ​ໃຕ້​ການ​ນຳ​ພາ-ຊີ້ນໍາໂດຍ​ກົງ​ຮອບດ້ານ​ຈາກ​ຄະນະ​ພັກ​ອົງການ​ກົມ​ໃຫຍ່​ການເມືອງ​ກອງທັບ ເຊິ່ງ​ແມ່ນ​ກົມ​ກອງ​ວິຊາ​ສະເພາະ ເຮັດ​ໜ້າທີ່​ໃນ​ການ​ປ້ອງ​ກັນ​ການ​ນຳ​ພັກ-ລັດ, ປ້ອງ​ກັນ​ແຂກ​ພາຍ​ໃນ ແລະ ຕ່າງປະເທດ ທີ່​ເດີນທາງ​ມາ​ເຮັດ​ວຽກ ​ຢູ່ ​ສປປ ລາວ ໃຫ້​ມີ​ຄວາມ​ຮັບປະກັນ. ສະຫາຍ ພັນ​ໂທ ສຸດ​ໃຈ ລາດ​ສະ​ສົມບັດ ຫົວໜ້າ​ການ ເມືອງ​ກອງພັນ 988 ໃຫ້​ຮູ້ວ່າ: ໃນ​ໄລຍະ​ຜ່ານ​ມາ, ຄະນະ​ພັກ-ຄະນະ​ບັນຊາແຕ່​ລະ​ຂັ້ນ​ໄດ້​ ເອົາ ໃຈໃສ່​ຊີ້​ນຳ​ແຕ່​ລະ​ພະແນກການ, ກອງຮ້ອຍ​ຈັດ​ຕັ້ງ​ປະຕິບັດໜ້າທີ່​ ການເມືອງ​ຂອງ​ຕົນ​ມີ​ຜົນສຳເລັດ, ຈັດ​ຕັ້ງ​ລະບົບ​ປະຈຳການ, ປ້ອງ​ກັນ​ບັນດາ​ສຳນັກງານ-ອົງການ​ຄ້າຍ​ຄູ, ສາງຄັງ, ວັດຖຸ-ພາຫະ ນະ​ເຕັກນິກ​ມີຄວາມຮັບປະກັນ ແລະ ມີ​ຄວາມສະຫງົບ ​ໂດຍພື້ນ ຖານ ໄປ​ຄຽງ​ຄູ່​ກັບ​ການຖືເອົາ ​ວຽກ​ງານ​ສຶກ​ສາ​ອົບຮົມການ ເມືອງ-ນຳພາ​ແນວ​ຄິດເປັນ​ບັນ ຫາ​ສຳຄັນ ເພື່ອເຮັດໃຫ້ພະນັກ ງານ-ນັກຮົບ ຮູ້​ແຈ້ງ​ຕໍ່​ແນວທາງ​ ນະໂຍບາຍ​ຂອງ​ພັກ, ກົດໝາຍ​ຂອງ​ລັດ ແລະ ບັນດາ​ຂໍ້​ກຳນົດ, ກົດ​ ລະບຽບ​ຂອງ​ກອງທັບ ກໍຄື​ກົມ​ກອງ​ເຮັດ​ໃຫ້​ຖັນ​ແຖວ​ພະນັກ ງານ-ນັກຮົບ ມີ​ຄຸນ​ທາດ​ການ ເມືອງ​ໜັກ​ແໜ້ນ, ມີ​ຄຸນສົມບັດ​ສິນ​ທຳ​ປະຕິວັດ, ມີ​ຄວາມ​ຈົງຮັກ​ ພັກດີ​ຕໍ່​ພັກ, ຕໍ່​ປະເທດ​ຊາດ; ພ້ອມ​ນັ້ນ​, ຍັງ​ໄດ້​ເອົາໃຈໃສ່ປັບປຸງກໍ່ ສ້າງພັກ, ກໍ່ສ້າງພະນັກງານ ແລະ ອົງການຈັດຕັ້ງມະຫາຊົນ ເຮັດ​ໃຫ້​ກົມ​ກອງ​ມີ​ຄວາມ​ສະຫງົບ. ວຽກ​ງານ​ກໍ່ສ້າງ​ຮາກ​ຖານ​ການເມືອງ​ໄດ້​ຫັນ​ເອົາ​ພະນັກງານ​ລົງ​ກໍ່ສ້າງ​ຮາກ​ຖານ​ການເມືອງ ເຄື່ອນ​ໄຫວ​ແກ້​ໄຂ​ໜໍ່​ແໜງ​ທີ່​ກໍ່ ໃຫ້ເກີດ​ຄວາມ​ບໍ່​ສະຫງົບ​ຕາມ​ຂອບ​ເຂດ​ກົມ​ກອງ​ຮັບຜິດຊອບ ປະສານ​ສົມທົບ​ກັບ​ກຳລັງ ​ປກສ ກຸ່ມ​ບ້ານ, ອຳນາດ​ການ​ປົກຄອງ​ທ້ອງຖິ່ນ ໂຄສະນາ​ແນວທາງ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ​ທົ່ວ​ປວງ​ຊົນ​ຮອບດ້ານ ກຳ​ແໜ້ນ​ຮາກ​ຖານ​ປະຊາຊົນ ໄດ້​ເປັນ​ຢ່າງ ​ດີ; ດ້ານ​ວຽກ​ງານ​ວິຊາ​ສະເພາະ ໄດ້​ເອົາໃຈໃສ່​ປັບປຸງ​ກໍ່ສ້າງ​ກຳລັງ​ໂດຍ​ເລັ່ງໃສ່ອົບຮົມ-ຫັດ​ແອບ​ສິລະ​ປະຍຸດ-ຍຸດທະວິທີ, ວິຊາ​ສະເພາະເຫຼົ່າຮົບເປັນປົກກະຕິ  ເພື່ອ​ໃຫ້​ພະນັກງານ-ນັກຮົບ​ມີ​ຄວາມ​ຊຳນານ​ຄ່ອງ​ແຄ່ວ ໃນ​ການ​ເປັນ​ເສນາ​ທິ​ການ​ໃຫ້​ຂັ້ນ​ເທິງ​ວຽກ​ງານ​ປ້ອງ​ກັນ​ການ​ນຳ​ພັກ-ລັດ ໃຫ້​ມີ​ຄວາມ​ປອດ​ໄພ; ພ້ອມ​ດຽວ​ກັນ​ນີ້​ ຍັງ​ໄດ້​ນຳພາ-ຊີ້ນໍາ​ຈັດ​ຕັ້ງ​ລະບົບປະ ຈຳ ການ​ແຕ່​ລະ​ຂັ້ນ​ຕະຫຼອດ 24 ຊົ່ວໂມງ​ບໍ່​ໄດ້​ຂາດ, ປ້ອງ​ກັນ​ທຸກ​ການເຄື່ອນໄຫວ​ຂອງ​ການ​ນຳ​ພັກ-ລັດ, ປ້ອງ​ກັນ ແຂກ​ພາຍໃນ ແລະ ຕ່າງປະເທດ​ມີ​ຄວາມປອດ​ໄພ 100% ຄື: ຕິດຕາມ ແລະ ປ້ອງ​ ກັນ​ຄອບຄົວ​ການ​ນຳຕະຫຼອດ 24 ຊົ່ວໂມງ​ຢ່າງ​ເຂັ້ມ​ງວດ, ປ້ອງ​ກັນ​ກອງ​ປະ ຊຸມ, ງານ​ຊຸມນຸມ​ມິດ​ຕິງ ແລະ ວັນ​ບຸນ​ສຳຄັນ​ຕ່າງໆ ​ຂອງ​ຊາດ, ຂອງ​ພັກ, ຂອງ​ກອງທັບທີ່​ການ​ນຳ​ພັກ-ລັດ​ເຂົ້າ​ຮ່ວມ​ທັງ​ໝົດ 46 ຄັ້ງ ​ມີ 255 ສະຫາຍ, ປ້ອງ​ກັນ ​ການ​ນຳ​ລົງ​ເຮັດ​ວຽກ​ຢູ່​ຕ່າງ​ແຂ​ວງ 125 ຄັ້ງ ​ມີ 192 ສະຫາຍ, ປ້ອງ​ກັນ​ແຂກ​ພາຍ​ໃນ ແລະ ຕ່າງປະເທດ 68 ຄັ້ງ ​ມີ 340 ສະຫາຍ. ວຽກ​ງານ​ການ​ແກ້​ໄຂ​ຊີວິດ​ການ​ເປັນ​ຢູ່​ຂອງ​ກົມ​ກອງ​ເນື່ອງ​ຈາ​ກວ່າ​ເປັນ​ກົມ​ກອງ​ເຮັດ​ໜ້າທີ່​ປ້ອງ​ກັນ ແລະ ຕິດຕາມ​ການ​ນຳ ແຕ່​ເຖິງ​ແນວໃດ​ກໍຕາມ​ຄະນະ​ພັກ-ຄະນະ​ບັນຊາ ກໍ​ໄດ້ ​ຊຸກຍູ້​ພະນັກງານ-ນັກຮົບ​ເອົາໃຈໃສ່​ສ້າງ​ພະລາທິການ​ກັບ​ທີ່​ ເພື່ອ​ແກ້​ໄຂ​ຊີວິດ​ການ​ເປັນ​ຢູ່​ໃຫ້​ນັບ​ມື້​ດີ​ຂຶ້ນ ຕາມ​ເງື່ອນໄຂ​ທ່າແຮງ​ບົ່ມ​ຊ້ອນ​ຂອງ​ຕົນ ໃນ​ການ​ປູກຝັງ- ລ້ຽງສັດ​ໂດຍ​ຖືເອົາ 4 ປູກ 4 ລ້ຽງ​ທີ່​ກົມ​ໃຫຍ່​ພະລາທິການ​ກອງທັບວາງອອກ. ຈາກ​ຜົນງານ​ທີ່​ກ່າວ​ມາ​ຂ້າງ​ເທິງ​ນັ້ນ ​ກົມ​ກອງ​ໄດ້​ຮັບ​ການ​ຍ້ອງຍໍ​ປະເພດ​ຕ່າງໆ ​ດັ່ງນີ້: ຍ້ອງຍໍ​ຜົນງານ 5 ປີ ໃນ​ໂອກາດ​ສະເຫຼີມສະຫຼອງ​ວັນ​ສ້າງຕັ້ງ​ກອງທັບປະຊາຊົນ​ລາວ ຄອບ​ຮອບ 75 ປີ ແລະ ເຫດການ​ອື່ນໆ ຈຳນວນ 103 ສະຫາຍ ໃນ​ນັ້ນ, ​ໄດ້​ຮັບຫຼຽນໄຊ​ປະເພດ​ຕ່າງໆ ​ຈຳນວນ 20 ໜ່ວຍ, ຫຼຽນ​ກາ ຈຳນວນ 49 ໜ່ວຍ, ໃບ​ຍ້ອງຍໍ​ປະເພດ​ຕ່າງໆ ຈຳນວນ 34 ໃບ. ແລະ ກົມ​ກອງ​ລວມ​ໝູ່ 4 ໜ່ວຍ ຢ່າງ​ໜ້າ​ພາກ​ພູມໃຈ. ໂດຍ: ອາ​ຫວຸ້ນ ອິນ​ຫຼວງ​ເຮືອງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ