ວັນເສົາ, ວັນທີ 07 ທັນວາ 2024
ມອບ-ຮັບເຕົາອາຍນ້ຳຊຸດທີ1 ລະຫວ່າງກົມໃຫຍ່ພະລາທິການກອງທັບໃຫ້ບັນດາແຂວງ-ກອງພັນໃຫຍ່ຢູ່ເຂດພາກເໜືອ
ເວລາອອກຂ່າວ: 2024-05-17 12:29:58 | ຜູ້ຂຽນ : admin2 | ຈຳນວນຄົນເຂົ້າຊົມ: 1780 | ຄວາມນິຍົມ: 
ກົມໃຫຍ່ພະລາທິການກອງທັບນຳໂດຍ ສະຫາຍ ພົນຈັດຕະວາ ຈັນດີ ສຸລິວົງສັກ ຄະນະພັກກະຊວງ ຮອງຫົວໜ້າກົມໃຫຍ່ພະລາທິການກອງທັບ, ພ້ອມດ້ວຍຫົວໜ້າກົມ, ຮອງກົມອຸປະໂພກ-ບໍລິໂພກ ໄດ້ນຳເອົາເຕົາອາຍນ້ຳ ຈຳນວນ 11 ເຄື່ອງ ມາມອບໃຫ້ບັນດາແຂວງ-ກອງພັນໃຫຍ່ ເຂດພາກເໜືອທິດຕາເວັນອອກ ໃນວັນທີ16 ພຶດສະພາ 2024 ນີ້ ຢູ່ທີ່ສະໂມສອນຫ້ອງພະລາທິການທະຫານແຂວງຊຽງຂວາງ ໂດຍມີ ພັນເອກ ບຸນຊູ ໄຊລາສີ ຫົວໜ້າການທະຫານກອງບັນຊາການທະຫານແຂວງຊຽງຂວາງ, ມີຄະນະພັກ-ຄະນະບັນຊາກອງບັນຊາການທະຫານແຂວງຫົວພັນ, ໄຊສົມບູນ, ກອງພັນໃຫຍ່643, 584, ຫົວໜ້າຫ້ອງພະລາທິການ, ພະແນກການທີ່ກ່ຽວຂ້ອງ ແລະ ຜູ້ເຮັດວຽກງານອຸປະໂພກ-ບໍລິໂພກເຂົ້າຮ່ວມ.
ສະຫາຍ ພັນໂທ ຈັນທະວົງ ອຸປະດີ ຮອງກົມອຸປະໂພກ-ບໍລິໂພກ ກົມໃຫຍ່ພະລາທິການກອງທັບ ໄດ້ຜ່ານບົດບັນທຶກການມອບ-ຮັບເຕົາອາຍນໍ້າ(ຊຸດທີ1) ລະຫວ່າງກົມໃຫຍ່ພະລາທິການ ກັບບັນດາແຂວງ-ກອງພັນໃຫຍ່ ຢູ່ເຂດພາກເໜືອທິດຕາເວັນອອກ ເລກທີ 525/ກພລ ລົງວັນທີ14 ພຶດສະພາ 2024 ໂດຍປະຕິບັດຕາມທິດຊີ້ນໍາຂອງກະຊວງປ້ອງກັນປະເທດ ວ່າດ້ວຍການປະກອບເຕົາຫຸງຕົ້ມດ້ວຍ ອາຍຮ້ອນໃຫ້ບັນດາກົມກອງທະຫານນັບທັງກຳລັງຫຼວງ ແລະ ກຳລັງທ້ອງຖິ່ນໃຫ້ຄົບຖ້ວນຕາມແຜນການ, ການຕິດຕັ້ງຂອງວິຊາການໂຮງງານເສັ້ນດ້າຍ ແລະ ເກີບໜັງເລກ1 ກອງທັບ. ຈຳນວນເຕົາຫຸງຕົ້ມດ້ວຍອາຍຮ້ອນທີ່ນຳມາມອບໃນຄັ້ງນີ້ ມີ 11 ເຄື່ອງ ໃນນີ້ ມອບໃຫ້ກອງບັນຊາການທະຫານແຂວງຊຽງຂວາງ 3 ເຄື່ອງ, ຫົວພັນ 3 ເຄື່ອງ, ໄຊສົມບູນ 2 ເຄື່ອງ, ກອງພັນໃຫຍ່ 643: 2 ເຄື່ອງ, ກອງພັນໃຫຍ່ 584: 1 ເຄື່ອງ. ລວມມູນຄ່າ 1.595.000.000 ກີບ. ໃຫ້ກຽດກ່າວມອບໂດຍ ສະຫາຍ ພົນຈັດຕະວາ ຈັນນດີ ສຸລິວົງສັກ ຄະນະພັກກະຊວງ ຮອງຫົວໜ້າກົມໃຫຍ່ພະລາທິການກອງທັບ.
ສະຫາຍ ພັນໂທ ສົມໃຈ ວິລິວົງ ຫົວໜ້າພະແນກອຸປະໂພກ-ບໍລິໂພກ ຫ້ອງພະລາທິການ ທະຫານແຂວງຊຽງຂວາງ ກໍໄດ້ຕາງໜ້າໃຫ້ບັນດາແຂວງ ແລະ ກອງພັນໃຫຍ່ ກ່າວສະແດງຄວາມຂອບອົກຂອບໃຈ ມາຍັງກົມໃຫຍ່ພະລາທິການກອງທັບ ທີ່ເຫັນໄດ້ຄວາມໝາຍຄວາມສຳຄັນ ແລະ ຄວາມເປັນຫ່ວງເປັນໄຍ ໃນການກິນຢູ່ຂອງພະນັກງານ-ນັກຮົບ ແລະ ໃຫ້ຄຳໝັ້ນສັນຍາວ່າຈະປົກປັກຮັກສາ ແລະ ນໍາໃຊ້ໃຫ້ໄດ້ຍາວນານ.
ຂ່າວ: ວັດທະນາ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
