ວັນພຸດ, ວັນທີ 04 ທັນວາ 2024
ຄອບຄົວການນໍາແຂວງໄຊສົມບູນ ລົງຊຸກຍູ້ມອບເຄື່ອງຄອມພິວເຕີ ຢູ່ກອງບັນຊາການທະຫານແຂວງໄຊສົມບູນ
ເວລາອອກຂ່າວ: 2024-05-17 12:41:58 | ຜູ້ຂຽນ : admin2 | ຈຳນວນຄົນເຂົ້າຊົມ: 971 | ຄວາມນິຍົມ: 
ໃນວັນທີ16 ພຶດສະພາ 2024 ນີ້, ຄອບຄົວການນໍາແຂວງໄຊສົມບູນລົງຊຸກຍູ້ ແລະ ມອບເຄື່ອງຄອມພິວເຕີ ຢູ່ທີ່ສະໂມສອນ ກອງບັນຊາການທະຫານແຂວງ, ເຊິ່ງນໍາໂດຍ ສະຫາຍ ສຸກສະຫວາດ ວົງພູມເຫຼັກ ຮອງເຈົ້າແຂວງໄຊສົມບູນ ຜູ້ຊີ້ນໍາວຽກງານເສດຖະກິດ, ຕາງໜ້າຄອບຄົວນໍາເອົາເຄື່ອງຄອມພິວເຕີ ຈໍານວນ 02 ຊຸດ ລົງຊຸກຍູ້ ກອງບັນຊາການທະຫານແຂວງໄຊສົມບູນ, ມູນຄ່າ 25.000.000 ກີບ, ເຊິ່ງສະຫາຍ ໄດ້ກ່າວວ່າ ການລົງຊຸກຍູ້ໃນຄັ້ງນີ້ ກໍ່ເພື່ອອໍານວຍຄວາມສະດວກໃຫ້ແກ່ກົມກອງໃນການຈັດພິມເອກະສານດ້ານຕ່າງໆຮັບໃຊ້ໜ້າທີ່ວຽກງານລວມຂອງກົມກອງໃຫ້ນັບມື້ດີຂຶ້ນເທື່ອລະກ້າວ, ໂອກາດນີ້ ກ່າວຮັບໂດຍ ສະຫາຍ ພົນຈັດຕະວາ ໝອນຄໍາ ດວງສະຫວັນ ກໍາມະການພັກແຂວງ ຮອງເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງໄຊສົມບູນ ພ້ອມດ້ວຍຄະນະ ກໍ່ໄດ້ກ່າວສະແດງຄວາມຂອບອົກຂອບໃຈຢ່າງສູງ ມາຍັງ ສະຫາຍ ສຸກສະຫວາດ ວົງພູມເຫຼັກ ຮອງເຈົ້າແຂວງໄຊສົມບູນ ທີ່ຍາມໃດກໍ່ໃຫ້ຄວາມເປັນຫ່ວງເປັນໃຍ ແລະ ກະຕຸກຊຸກຍູ້ ຕໍ່ກໍາລັງປະກອບອາວຸດ ເວົ້າລວມ ເວົ້າສະເພາະ ກໍ່ຄືການຊ່ວຍເຫຼືອ ກອງບັນຊາການທະຫານແຂວງໄຊສົມບູນ ມາໂດຍຕະຫຼອດ, ພ້ອມທັງໃຫ້ຄໍາໝັ້ນສັນຍາວ່າ: ຈະນໍາເອົາເຄື່ອງດັ່ງກ່າວນີ້ ໄປໝູນໃຊ້ເຂົ້າໃນໜ້າທີ່ວຽກງານລວມຂອງກົມກອງ ໃຫ້ເກີດຜົນປະໂຫຍດສູງສຸດ ແລະ ນໍາໃຊ້ໄດ້ຍາວນານ, ພ້ອມນີ້ ຍັງໄດ້ອວຍພອນໄຊອັນປະເສີດມາຍັງສະຫາຍ ພ້ອມດ້ວຍຄອບຄົວ ຈົ່ງມີສຸຂະພາບແຂງແຮງ ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ສືບຕໍ່ໃກ້ສິດຕິດແທດຊີ້ນໍາ ກອງບັນຊາການທະຫານແຂວງໄຊສົມບູນ ໃຫ້ມີການພັດທະນາກ້າວຂຶ້ນຢ່າງບໍ່ຢັ້ງ.
ພາບ-ຂ່າວ: ສົດ ນາມໄຕ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
