ກອງທັບປະຊາຊົນລາວ
 
ວັນຈັນ, ວັນທີ 24 ມິຖຸນາ 2024

  

ກອງບັນຊາການທະຫານນະຄອນຫຼວງວຽງຈັນປາຖະກະຖາ 5 ວັນປະຫວັດຊາດ
ເວລາອອກຂ່າວ: 2024-05-22 15:15:55 | ຜູ້ຂຽນ : admin2 | ຈຳນວນຄົນເຂົ້າຊົມ: 449 | ຄວາມນິຍົມ:



ໃນຕອນເຊົ້າວັນທີ22 ພຶດສະພາ 2024 ນີ້, ກອງບັນຊາການທະຫານນະຄອນຫຼວງວຽງຈັນປາຖະກະຖາ5ວັນປະຫວັດຊາດຄື ວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳພັກ ແລະ ແນວລາວຮັກຊາດຄົບຮອບ 64 ປີ, ວັນຜ່າວົງປິດລ້ອມຂອງກອງພັນທີ2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ, ວັນເກີດປະທານໂຮ່ຈິມິນ ຄົບຮອບ 134 ປີ, ວັນໄຊຊະນະບັ້ນຮົບດຽນບຽນຟູ ຄົບຮອບ 70 ປີ ແລະ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 69 ປີ ຂຶ້ນໂດຍການເປັນປະທານ ແລະ ກ່າວປາຖະກະຖາຂອງ ສະຫາຍ ພົນຈັດຕະວາ ໂສພາວັນ ທຳມະເທວາ ຫົວໜ້າການເມືອງກອງບັນຊາການທະຫານນະຄອນຫຼວງວຽງຈັນ, ມີຄະນະພັກ-ຄະນະບັນຊາ, ຫົວໜ້າພະແນກ-ຮອງພະແນກຈາກອົງການ 05 ຫ້ອງ, ຕະຫຼອດຮອດຄະນະບັນຊາຈາກກົມກອງອ້ອມຂ້າງ ແລະ ພັກງານຫຼັກແຫຼ່ງທົ່ວກອງບັນຊາການທະຫານນະຄອນຫຼວງວຽງຈັນເຂົ້າຮ່ວມຮັບຟັງ. ໃນໂອກາດນີ້, ສະຫາຍ ພົນຈັດຕະວາ ໂສພາວັນ ທຳມະເທວາ ຫົວໜ້າການເມືອງ ກອງບັນຊາການທະຫານນະຄອນຫຼວງວຽງຈັນ ກໍ່ໄດ້ຫວນຄືນມູນເຊື້ອວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳພັກ ແລະ ແນວລາວຮັກຊາດ ຄົບຮອບ 63 ປີ( 24/05/1960-24/05/2024), ວັນຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 64 ປີ( 18/05/1959-18/05/2024), ວັນເກີດປະທານໂຮ່ຈິມິນ ຄົບຮອບ 134 ປີ (19/05/1890-19/05/2024), ວັນໄຊຊະນະບັ້ນຮົບດຽນບຽນຟູຄົບຮອບ 70 ປີ( 07/05/1954-07/05/2024) ແລະວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 69 ປີ( 14/04/1955-14/04/2024) ເຊິ່ງສະຫາຍໄດ້ຍົກໃຫ້ເຫັນເຖິງຜົນງານການເຄື່ອນໄຫວກດັ່ງກ່າວເຊິ່ງເປັນການຕໍ່ສູ້ກູ້ຊາດ, ການຊີ້ນຳ-ນຳພາຂອງຜູ້ນຳໃນແຕ່ລະໄລຍະທີ່ສາມາດຍາດເອົາໄຊຊະນະອັນຍິ່ງໃຫຍ່ ແລະ ຄວາມອົງອາດກ້າຫານເດັດດ່ຽວໜຽວແໜ້ນ, ບໍ່ຄອນແຄນຕໍ່ການນາບຂູ່ຫຼອກລວງຂອງສັດຕູ, ມີນໍ້າໃຈສູ້ຮົບຢ່າງພິລະອາດຫານ, ມີໄຫວພິບໃນການຕໍ່ສູ້ກູ້ຊາດຂອງທ່ານຜູ້ນຳກໍ່ຄືການນຳພາຂອງພັກ ອັນເປັນແວ່ນແຍງແຮງກ້າໃຫ້ແກ່ຂະບວນການປະຕິວັດ ເພື່ອຕີເອົາຊະນະກັບພວກຈັກກະພັດອາເມລິກາ ແລະ ລູກແຫຼ້ງຕີນມືຂອງສັດຕູຢ່າງສະຫຼາດສ່ອງໃສເຮັດໃຫ້ໄຊຊະນະອັນໃຫຍ່ຫຼວງຂອງກຳລັງປະກອບອາວຸດໃນແຕ່ລະຂົງເຂດ ເປັນເຫດການປະຫວັດສາດສຳຄັນຂອງຊາດ-ຂອງພັກ, ຂອງກອງທັບເຮົາ ແລະ ເປັນບົດຮຽນອັນລໍ້າຄ່າໃຫ່ແກ່ຂະບວນການຕໍ່ສູ້ຂອງກອງທັບ ແລະ ປະຊາຊົນບັນດາເຜົ່າ, ພ້ອມດຽວກັນນັ້ນກໍ່ເຮັດໃຫ້ກຳລັງປະກອບອາວຸດນັບມື້ເຕີບໃຫຍ່ຂະຫຍາຍຕົວເຮັດໃຫ້ຊື່ສຽງຂອງກຳລັງຝ່າຍປະເທດລາວ(ແນວລາວຮັກຊາດ) ນັບມື້ພົ້ນເດັ່ນໃນເວທີພາກພື້ນແລະສາກົນ. ການຈັດຕັ້ງປາຖະກະຖາໃນຄັ້ງນີ້ກໍ່ເພື່ອເຮັດໃຫ້ພະນັກງານ, ສະມາຊິກພັກທົ່ວ ກອງບັນຊາການທະຫານນະຄອນຫຼວງວຽງຈັນໄດ້ຮັບຮູ້ແລະເຂົ້າໃຈ, ກຳແໜ້ນບັນດາມູນເຊື້ອວັນປະຫວັດສາດຂອງຊາດ, ຂອງພັກ, ກໍ່ຄືຂອງກອງທັບເພື່ອເປັນເຂັມທິດເຍືອງທາງນຳໄປຈັດຕັ້ງຜັນຂະຫຍາຍຢູ່ພາຍໃນກົມກອງຂອງຕົນເຮັດໃຫ້ພະນັກງານ-ນັກຮົບຮຸ່ນຫຼັງສືບທອດພາລະກິດປະຕິວັດມີນໍ້າໃຈເສຍສະຫຼະອັນສູງສົ່ງເພື່ອປະເທດຊາດ, ເພື່ອປະຊາຊົນບັນດາເຜົ່າແລະປະກອບສ່ວນອັນສຳຄັນເຂົ້າໃນວຽກງານປົກປັກຮັກສາ ແລະສ້າງສາພັດທະນາປະເທດຊາດໃຫ້ມີຄວາມຍືນຍົງຈະເລີນກ້າວໜ້າຕະຫຼອດໄປ. ຂ່າວພາບໂດຍ: ຮອ ວຽງສີ ແກ້ວກອງສຸດາ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ