ວັນເສົາ, ວັນທີ 18 ມັງກອນ 2025
ໜ່ວຍພັກ ກອງປະຕິບັດງານ 214 ດຳເນີນກອງປະຊຸມໃຫຍ່ສະມາຊິກພັກ ຄັ້ງທີ II
ເວລາອອກຂ່າວ: 2024-05-23 09:15:20 | ຜູ້ຂຽນ : admin1 | ຈຳນວນຄົນເຂົ້າຊົມ: 491 | ຄວາມນິຍົມ: 
ໃນວັນທີ 15 ພຶດສະພາ 2024, ໜ່ວຍພັກ ກອງປະຕິບັດງານ 214 ກອງບັນຊາການທະ ຫານແຂວງຫຼວງພະບາງ ໄດ້ເປີດກອງປະຊຸມໃຫຍ່ ຄັ້ງທີ ll, ໂດຍການເປັນປະທານ ຂອງສະຫາຍ ພັນຕີ ສິດທອງດີ ວອນສົມໄຈ ເລຂາໜ່ວຍພັກ ກອງປະຕິບັດງານ 214, ມີສະຫາຍ ພັນເອກ ທອງລາ ໄຊຍະວົງສັກ ຫົວໜ້າຫ້ອງພະລາທິການ ກອງບັນຊາການທະຫານແຂວງຫຼວງພະບາງ, ມີຜູ້ຕາງໜ້າພະແນກການທີ່ກ່ຽວຂ້ອງ, ແຂກທີ່ຖືກເຊີນ ຕະຫຼອດຮອດ ສະມາຊິກພັກ ເຂົ້າຮ່ວມ.
ສະຫາຍ ພັນຕີ ສິດທອງດີ ວອນສົມໄຈ ໄດ້ຜ່ານບົດລາຍງານການເມືອງທັງ 2 ພາກ ເພື່ອສະຫຼຸບຕີລາຄາໃນການຈັດຕັ້ງປະຕິບັດໜ້າທີ່ວຽກງານແຕ່ລະດ້ານ ໃນໄລຍະ 5 ປີຜ່ານມາ ເຫັນໄດ້ວ່າ: ຄະນະໜ່ວຍພັກ ໄດ້ມີຜົນ ສຳເລັດທີ່ພົ້ນເດັ່ນ ແລະ ບັນລຸຕາມການແຜນການທີ່ວາງໄວ້. ພ້ອມທັງ, ໄດ້ຜ່ານບົດສຳຫຼວດຕີລາຄາການນຳພາລວມ ຂອງຄະນະໜ່ວຍພັກ; ໂອກາດດຽວກັນນີ້, ຍັງໄດ້ຜ່ານມາດຖານເງື່ອນໄຂ ແລະ ປ່ອນບັດເລືອກຕັ້ງເອົາຄະນະພັກຊຸດໃໝ່ ເລືອກເອົາ ສະຫາຍ ພັນຕີ ສິດທອງດີ ວອນສົມໄຈ ເປັນເລຂາ, ສະຫາຍ ຮ້ອຍເອກ ເພັດສະໝອນ ສອນສະຫວັນ ເປັນຮອງເລຂາ ແລະ ສະຫາຍ ຮ້ອຍເອກ ສີພອນ ຊ່ອງສະຫວັນ ເປັນກຳມະການກວດກາ ໜ່ວຍພັກ ກອງປະຕິບັດງານ 214 .
ຂ່າວຍັງໃຫ້ຮູ້ຕື່ມວ່າ: ໃນວັນດຽວກັນນີ້້, ກອງປະຕິບັດງານ 214 ຍັງໄດ້ປະກາດການແຕ່ງຕັ້ງ ສະຫາຍ ຮ້ອຍເອກ ເພັດສະໜອນ ສອນສະຫວັນ ເປັນຮອງຫົວໜ້າການທະຫານ ກອງປະຕິບັດງານ 214 ກອງບັນຊາການທະຫານແຂວງຫຼວງພະບາງ ຕື່ມອີກ.
ໂດຍ: ເພັດສະໝອນ ສອນສະຫວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
