POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 25 ເມສາ 2025

ກົມໃຫຍ່ເຕັກນິກກອງທັບ ເຂົ້າຊົມງານວາງສະແດງຮູບພາບ ສະເຫຼີມສະຫຼອງວັນໄຊຊະນະ ບັ້ນຮົບດຽນບຽນຝູ ຄົບຮອບ 70 ປີ
ເວລາອອກຂ່າວ: 2024-05-23 09:22:10 | ຜູ້ຂຽນ : admin1 | ຈຳນວນຄົນເຂົ້າຊົມ: 581 | ຄວາມນິຍົມ:

ວັນທີ 21 ພຶດສະພາ 2024 ນີ້, ກົມໃຫຍ່ເຕັກນິກກອງທັບ ໄດ້ນຳພາສະມາຊິກຊາວໜຸ່ມ-ແມ່ຍິງ ຈຳນວນ 25 ສະຫາຍເຂົ້າຮັບຊົມງານວາງສະແດງຮູບພາບ ເນື່ອງໃນໂອກາດສະເຫຼີມສະຫຼອງວັນໄຊຊະນະ ບັ້ນຮົບດຽນບຽນຝູ ຄົບຮອບ 70 ປີ (7 ພຶດສະພາ 1954-7 ພຶດສະພາ 2024) ຢູ່ທີ່ຫໍພິພິທະພັນປະຫວັດສາດກອງທັບປະຊາຊົນລາວ, ນຳພາໂດຍ ສະຫາຍ ພັນເອກ ສາຍຄຳ ພົມມະວົງ ຮອງຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ ພ້ອມດ້ວຍສະມາຊິກຊາວໜຸ່ມ-ແມ່ຍິງເຂົ້າຮ່ວມ. ຈຸດປະສົງ ຂອງການເຂົ້າຮັບຊົມງານວາງສະແດງຮູບພາບໃນຄັ້ງນີ້ ເພື່ອເປັນການສ້າງຂະບວນການເນື່ອງໃນໂອກາດສະເຫຼີມສະຫຼອງວັນໄຊຊະນະບັ້ນຮົບດຽນບຽນຝູ ຄົບຮອບ 70 ປີ ໃຫ້ເຕັມໄປດ້ວຍບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍຄວາມສຳຄັນ ແລະ ຖືເອົາໂອກາດນີ້ເປັນການປຸກລະດົມແນວຄິດຈິດໃຈຂອງພະນັກງານ-ນັກຮົບໄດ້ຮຽນຮູ້ເຖິງມູນເຊື້ອທາງດ້ານປະຫວັດສາດ, ມູນເຊື້ອຮ່ວມສຳພັນສູ້ຮົບກັບບັນດາປະເທດເພື່ອນມິດຍຸດທະສາດ ແລະ ຜົນງານໄຊຊະນະບັ້ນຮົບດຽນບຽນຝູ, ໄຊຊະນະດຽນບຽນຟູບໍ່ພຽງແຕ່ແມ່ນໄຊຊະນະຂອງປະຊາຊົນຫວຽດນາມເທົ່ານັ້ນ; ແຕ່ຍັງແມ່ນໄຊຊະນະຂອງປະຊາຊົນລາວ ແລະ ປະຊາຊົນກຳປູເຈຍ ທີ່ໄດ້ຮ່ວມສຳພັນສູ້ຮົບ, ຮ່ວມຂຸມຄອງຕ້ານກັບສັດຕູໂຕດຽວກັນເພື່ອ ປົດປ່ອຍຕົນເອງ ໄຊຊະນະດັ່ງກ່າວໄດ້ດັບມອດເຈດຈຳນົງ ແລະ ການຮຸກຮານ ຂອງລັດທິລ່າເມືອງຂຶ້ນແບບເກົ່າ, ບັງຄັບໃຫ້ລັດຖະບານຝຣັ່ງຈຳຕ້ອງຍອມເຊັນສັນຍາເຊີແນວກ່ຽວກັບອິນດູຈີນ, ຮັບຮູ້ຄວາມເປັນເອກະລາດແຫ່ງຊາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງຫວຽດນາມ, ລາວ ແລະ ກຳປູເຈຍ. ສຳລັບປະເທດລາວ, ໄຊຊະນະດຽນບຽນຟູ ໄດ້ມີຄວາມສຳຄັນໃນການສາມັກຄີພິເສດ, ຮ່ວມ ສຳພັນສູ້ຮົບລະຫວ່າງລາວ-ຫວຽດນາມ, ເປັນໄຊຊະນະຕ້ານສັດຕູຕົວດຽວກັນ, ປະສານສົມທົບ ແລະ ຊ່ວຍໜູນ ເຊິ່ງກັນ ແລະ ກັນ ເພາະວ່າດຽນບຽນຝູ ຢູ່ໃກ້ກັບແຂວງຜົ້ງສາລີ ແລະ ຫົວພັນ, ສະນັ້ນ ຕີຊະນະຝຣັ່ງຢູ່ດຽນບຽນຝູຈຶ່ງທັບມ້າງແຫຼ່ງທີ່ໝັ້ນສຳຄັນຂອງສັດຕູ. ໂອກາດດັ່ງກ່າວ, ສະຫາຍ ພັນເອກ ສາຍຄຳ ພົມມະວົງ ໄດ້ສະແດງຄວາມຮູ້ສຶກຕໍ່ການເຂົ້າຊົມຮູບພາບໃນຄັ້ງນີ້ວ່າ: ຮູບພາບລະນຶກວັນໄຊຊະນະບັ້ນຮົບດຽນບຽນຝູ ຄົບຮອບ 70 ປີ ສ່ອງແສງໃຫ້ເຫັນເຫດການຕ່າງໆໃນປະຫວັດສາດ ເປັນຕົ້ນການຕໍ່ສູ້ອັນດຸເດືອດ ຂ້ຽວຂາດທີ່ສຸດໃນພາລະກິດຕໍ່ສູ້ກູ້ຊາດຂອງກອງທັບປະຊາຊົນຫວຽດນາມ ເພື່ອຕໍ່ສູ້ປົດປ່ອຍຊາດ ຕ້ານການຮຸກຮານຂອງພວກລ່າເມືອງຂຶ້ນຝຣັ່ງ ແລະ ການແຊກແຊງຊ່ວຍໜູນຂອງພວກຈັກກະພັດອາເມຣິກາ, ທັງສະທ້ອນໃຫ້ເຫັນເຖິງຄວາມສາມັກຄີ, ອົດທົນຜ່ານຜ່າບໍ່ຍອມຈຳນົນຕໍ່ສັດຕູຂອງບັນດານັກຮົບໃນບັ້ນຮົບດຽນບຽນຝູຈົນສາມາດຍາດໄດ້ໄຊຊະນະສູ່ປະເທດຊາດໄດ້ເຖິງທຸກວັນນີ້. ໂດຍ: ສຸເວດ ສີດາຄຳ

news to day and hot news