ວັນສຸກ, ວັນທີ 06 ທັນວາ 2024
ຄະນະສະເພາະກິດກົມໃຫຍ່ພະລາທິການກອງທັບ ລົງເກັບກໍາຂໍ້ມູນດ້ານຈໍານວນພົນຂອງນາຍ ແລະ ພົນທະຫານ ຢູ່ໂຮງງານເກີບທັນວາກອງທັບ
ເວລາອອກຂ່າວ: 2024-05-27 09:21:32 | ຜູ້ຂຽນ : admin2 | ຈຳນວນຄົນເຂົ້າຊົມ: 810 | ຄວາມນິຍົມ: 
ວັນທີ22 ພຶດສະພາ 2024 ນີ້, ສະຫາຍ ພົນຈັດຕະວາ ຄໍາແຫວນ ຫຼ້າບົວມະຫາໄຊ ກໍາມະການຄະນະພັກອົງການກົມໃຫຍ່ ຫົວໜ້າຫ້ອງການກົມໃຫຍ່ພະລາທິການກອງທັບ ພ້ອມດ້ວຍ ພະແນກກໍາລັງພົນ, ພະແນກພະນັກງານ, ພະແນກປ້ອງກັນພາຍໃນ ແລະ ພະແນກການເງິນກົມໃຫຍ່ພະລາທິການກອງທັບ ໄດ້ລົງເຄື່ອນໄຫວຕິດຕາມ, ກວດກາ, ເກັບກໍາຂໍ້ມູນການຄຸ້ມຄອງດ້ານຈໍານວນພົນຂອງນາຍ ແລະ ພົນທະຫານຢູ່ໂຮງງານເກີບທັນວາກອງທັບ, ໂດຍມີຄະນະພັກ-ຄະນະບັນຊາ, ພະນັກງານ ແລະ ນັກຮົບໃນທົ່ວກົມກອງເຂົ້າຮ່ວມ.
ອີງຕາມ ຄໍາສັ່ງຂອງກະຊວງປ້ອງກັນປະເທດ ວ່າດ້ວຍການຈັດຕັ້ງຜັນຂະຫຍາຍມະຕິກອງປະຊຸມຄົບຄະນະບໍລິຫານງານພັກກະຊວງປ້ອງກັນປະເທດຄັ້ງທີ1 ສະໄໝທີV ຂົງເຂດວຽກງານຄຸ້ມຄອງການຈັດຕັ້ງປະກອບຈຳນວນພົນກອງທັບ, ສະບັບເລກທີ 3670/ກປທ, ລົງວັນທີ24/8/2021, ອີງຕາມຄໍາສັ່ງແນະນໍາຂອງກົມໃຫຍ່ເສນາທິການກອງທັບ ວ່າດ້ວຍໃຫ້ຈັດຕັ້ງກວດກາການຄຸ້ມຄອງກຳລັງພົນອົງການ ແລະ ກົມກອງຂຶ້ນກັບຂັ້ນຕົນ ສະບັບເລກທີ 1171/ກສນ, ລົງວັນທີ29/04/2024, ອີງຕາມ ທິດຊີ້ນໍາຂອງຄະນະພັກອົງການກົມໃຫຍ່ພະລາທິການກອງທັບ ໃນເດືອນ5/2024ເພື່ອຮັບປະກັນວຽກງານການຈັດຕັ້ງຜັນຂະຫຍາຍຄໍາສັ່ງຂອງກົມໃຫຍ່ເສນາທິການກອງທັບວ່າດ້ວຍໃຫ້ຈັດຕັ້ງກວດກາການຄຸ້ມຄອງກຳລັງພົນອົງການ ແລະ ກົມກອງທີ່ຂຶ້ນກັບຂັ້ນຕົນໃຫ້ຖືກຕ້ອງຕາມຫຼັກການ, ຈຸດປະສົງ ຄາດໝາຍເພື່ອສືບຕໍ່ປະຕິບັດຕາມທິດຊີ້ນໍາຂອງກະຊວງປ້ອງກັນປະເທດໃນການກວດກາສະກັດກັ້ນ ແລະ ແກ້ໄຂບັນຫາການໂຕນປະລະໜ້າທີ່ຈາກກົມກອງ, ການຮັກສາບັນຊີລາຍຊື່ຄົນບໍ່ມີໜ້າ, ເພື່ອຮັກສາກໍາລັງຕົ້ນຕໍໃນການປະຕິບັດໜ້າທີ່ກຽມພ້ອມສູ້ຮົບ ແລະ ເຄື່ອນໄຫວສູ້ຮົບປົກປັກຮັກສາຄວາມເປັນເອກະລາດຂອງຊາດ ແລະ ກຽມພ້ອມຊ່ວຍເຫຼືອເວລາເກີດໄພພິບັດສຸກເສີນໃນທົ່ວປະເທດເພື່ອເພີ່ມທະວີການຄຸ້ມຄອງກຳລັງພົນ, ຮັບປະກັນໃນການການອົບຮົມວຽກງານການເມືອງ, ການທະຫານ, ພະລາທິການ-ເຕັກນິກໃຫ້ພະນັກງານນັກຮົບມີຄວາມສຳນິສຳນານໃນການນໍາໃຊ້ອາວຸດຍຸດໂທປະກອນໃນກອງທັບ.
ຂ່າວ: ຄໍາປະສົງ ລາດຊະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
