ວັນສຸກ, ວັນທີ 06 ທັນວາ 2024
ກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບມອບອຸປະກອນເຄື່ອງມືສ້ອມແປງເຕັກນິກເຫຼົ່າຮົບ ໃຫ້ກອງພົນທີ2
ເວລາອອກຂ່າວ: 2024-05-27 09:23:28 | ຜູ້ຂຽນ : admin2 | ຈຳນວນຄົນເຂົ້າຊົມ: 1079 | ຄວາມນິຍົມ: 
ໃນວັນທີ 23 ພຶດສະພາ 2024 ນີ້, ກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບ ນໍາໂດຍ ສະຫາຍ ພົນຈັດຕະວາ ປະລິນຍາເອກ ຟອງສະໝຸດ ພົນທິລາດ ຫົວໜ້າກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບພ້ອມດ້ວຍຄະນະ ໄດ້ເຄື່ອນໄຫວມອບເຄື່ອງມືອຸປະກອນສ້ອມແປງເຕັກນິກເຫຼົ່າຮົບໂດຍມີ ສະຫາຍ ພັນເອກ ທອງນູ ເຊັ່ງຫວາງ ຄະນະພັກກອງພົນຫົວໜ້າຫ້ອງເຕັກນິກກອງພົນທີ2 ພ້ອມດ້ວຍຄະນະເຂົ້າຮ່ວມ
ອີງຕາມແຜນການຂອງກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບ ວ່າດ້ວຍກການກວດກາເຕັກນິກ ແລະ ມອບອຸປະກອນເຄື່ອງມືຮັບໃຊ້ສ້ອມແປງລົດສູ້ຮົບ ໃຫ້ບັນດາກົມກອງເຫຼົ່າຮົບລົດຕັງ, ລົດຫຸ້ມເກາະທີ່ມີຄວາມຈໍາເປັນ ກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບຈຶ່ງມອບອຸປະກອນເຄື່ອງມືຮັບໃຊ້ສ້ອມແປງສູ້ຮົບໃຫ້ກອງພົນທີ2 ຈໍານວນ 11 ລາຍ ລວມມູນຄ່າ 124.630.000 ກີບ, ປະກອບມີ: ປ້ໍາລົມ 300L, ຈັກອັດຊີດ 580, ຈັກດູດຝຸ່ນ 188 , ຕູ້ສາກໝໍ້ໄຟ 60, ກະລິກ 55 ໂຕ່ນ , ເຄື່ອງປົ່ມກະແລັດ , ຕູ້ກະແຈ ພ້ອມກະແຈ, ເຫຼັກສະແລ່ງ, ລໍ້ນອນ, ຊຸດງັດຢາງ, ຕູ້ສະຕ໋າດນອກລົດ ໂດຍການກ່າວມອບຂອງ ສະຫາຍ ພົນຈັດຕະວາ ປະລິນຍາເອກ ຟອງສະໝຸດ ພົນທິລາດ ຫົວໜ້າກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບ ຕາງໜ້າກ່າວຮັບໂດຍ ສະຫາຍ ພັນເອກ ທອງນູ ເຊັ່ງຫວາງ ຄະນະພັກກອງພົນຫົວໜ້າຫ້ອງເຕັກນິກກອງພົນທີ2 .
ໂອກາດນີ້, ສະຫາຍ ພັນເອກ ທອງນູ ເຊັ່ງຫວາງ ໄດ້ກ່າວສະແດງຄວາມຂອບໃຈຢ່າງສູງຕໍ່ກົມເຕັກນິກເຫຼົ່າຮົບ ກໍ່ຄືກົມໃຫຍ່ເຕັກນິກກອງທັບ ທີ່ເຫັນໄດ້ຄວາມໝາຍຄວາມສໍາຄັນ ແລະ ຄວາມຈໍາເປັນຂອງໜ້າທີ່ວຽກງານເຕັກນິກ ໃນການສ້ອມແປງ, ການບົວລະບັດຮັກສາ ແລະ ຄຸ້ມຄອງພາຫະນະເຕັກນິກທີ່ໄດ້ປະກອບນັບແຕ່ຂັ້ນກອງພົນຈົນເຖິງກົມກອງຮາກຖານທີ່ຂຶ້ນກັບໃຫ້ມີຄວາມພ້ອມຢູ່ຕະຫຼອດເວລາ ເພື່ອຮັບປະກັນໃຫ້ແກ່ກົມກອງໃນການກຽມພ້ອມສູ້ຮົບ ແລະ ເຄື່ອນໄຫວປະຕິບັດໜ້າທີ່ສູ້ຮົບຕົວຈິງໃນທຸກກໍລະນີທີ່ຈະເກີດຂຶ້ນ ໃຫ້ມີຄວາມວ່ອງໄວທັນເວລາ ແລະ ມີປະສິດທິພາບສູງ.
ໂອການດຽວກັນນີ້ , ສະຫາຍຫົວໜ້າກົມເຕັກນິກເຫຼົ່າຮົບ ກົມໃຫຍ່ເຕັກນິກກອງທັບພ້ອມດດ້ວຍຄະນະ ກໍ່ໄດ້ລົງຢ້ຽມຢາມຕິດຕາມກວດການພາຫະນະເຕັກນິກຢູ່ກອງພັນ614 ກອງພົນທີ2 ຕື່ມມອີກ.
ໂດຍ ສຸວັນໂນ ທະລັງສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
