POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງປະຊຸມໃຫຍ່ສະມາຊິກພັກ ຄັ້ງທີIX ຂອງໜ່ວຍພັກໂຮງພິມກົດລັບ
ເວລາອອກຂ່າວ: 2024-05-27 09:25:10 | ຜູ້ຂຽນ : admin2 | ຈຳນວນຄົນເຂົ້າຊົມ: 1112 | ຄວາມນິຍົມ:

ວັນທີ23 ພຶດສະພາ 2024 ນີ້, ໜ່ວຍພັກໂຮງພິມກົດລັບໄດ້ເປີດກອງປະຊຸມໃຫຍ່ສະມາຊິກພັກຄັ້ງທີ IX ຂຶ້ນ, ໂດຍການເປັນປະທານຂອງ ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຄະນະພັກອົງການກົມໃຫຍ່ ຫົວໜ້າກົມ49 ກົມໃຫຍ່ເສນາທິການກອງທັບ, ມີຄະນະໜ່ວຍພັກ, ແຂກຖືກເຊີນ, ສະມາຊິກພັກສົມບູນ-ສໍາຮອງເຂົ້າຮ່ວມ. ສະຫາຍ ພັນໂທ ເກີດ ແກ້ວວົງວິຈິດ ເລຂາໜ່ວຍພັກໂຮງພິມກົດລັບ ໄດ້ຂຶ້ນຜ່ານບົດລາຍງານທັງ 2 ພາກ ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ໄລຍະ 5 ປີຜ່ານມາຄະນະໜ່ວຍໄດ້ຖືສໍາຄັນວຽກງານສຶກສາອົບຮົມການເມືອງ-ແນວຄິດໃຫ້ພະນັກງານ-ສະມາຊິກພັກ-ນັກຮົບ ຮັບຮູ້ເຊື່ອມຊຶມ ກໍາແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ, ຮໍ່າຮຽນທິດສະດີມາກ-ເລນິນ, ແນວຄິດປະທານ ໄກສອນ ພົມວິຫານ, ມີທັດສະນະຫຼັກໝັ້ນຊົນຊັ້ນຈໍາແນກມິດ-ສັດຕູຈະແຈ້ງ, ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ, ຢຶດໝັ້ນອຸດົມການສັງຄົມນິຍົມ, ນໍາພາ-ຊີ້ນໍາຈັດຕັ້ງເຄື່ອນໄຫວວຽກງານປັບປຸງກໍ່ສ້າງພັກຕາມ 5 ຫຼັກການ 3 ທິດນໍາ ຂອງພັກ, ເປີດບັ້ນດໍາເນີນຊີວິດການເມືອງ, ສຸມໃສ່ການປັບປຸງກໍ່ສ້າງກົມກອງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຂະບວນການເນື້ອໃນ 7 ຂໍ້ແຂ່ງຂັນຂອງກົມໃຫຍ່ເສນາທິການກອງທັບ, ການກໍ່ສ້າງນັກຮົບ-ກົມກອງວັດທະນະທໍາ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນກົມກອງ, ຄະນະໜ່ວຍພັກໄດ້ຄົ້ນຄວ້າປັບປຸງໂຄງຮ່າງອົບຮົມວິຊາສະເພາະ, ປະຕິບັດສຸມໃສ່ປັບປຸງແບບແຜນວິທີເຮັດວຽກທີ່ຖືກຕ້ອງມີວິທະຍາສາດ, ມີຫົວຄິດປະດິດສ້າງ, ເຮັດວຽກຕາມຫຼັກການລວມສູນປະຊາທິປະໄຕ, ນໍາພາເປັນໝູ່ຄະນະ, ມອບໝາຍໃຫ້ບຸກຄົນຮັບຜິດຊອບ, ແທດເຖິງກັບຕົວຈິງ, ຕິດພັນກັບຂະບວນການວຽກງານດ້ານຕ່າງໆ, ເພີ່ມທະວີຄວາມສາມັກຄີເປັນເອກະພາບພາຍໃນໃຫ້ໜັກແໜ້ນ, ກໍາຈັດແກ້ໄຂປ່ຽນແປງດ້ານອ່ອນ ແລະ ປະກົດການຫຍໍ້ທໍ້ຕ່າງໆ ໃຫ້ທັນເວລາ, ສາມາດສ້າງໄດ້ໜ່ວຍພັກ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ລວມ 5 ສະໄໝຕິດຕໍ່ກັນ, ຕັ້ງເປັນ 1 ໜ່ວຍພັກມີຄະນະພັກ 5 ສະຫາຍ, ມີສະມາຊິກພັກທັງໝົດ 54 ສະຫາຍ, ຍິງ 22 ສະຫາຍ, ສະມາຊິກສໍາຮອງ 3 ສະຫາຍ, ຕີລາຄາແບ່ງປະເພດສະມາຊິກພັກແຂງ 52 ສະຫາຍ ,ສະມາຊິກພັກກາງ 04, ສະມາຊິກພັກໄດ້ຮັບນາມມະຍົດຫຼຽນໄຊພິລະອາດຫານ ຊັ້ນ II ຈໍານວນ 6 ສະຫາຍ, ໄດ້ຮັບຫຼຽນໄຊພິລະອາດຫານ ຊັ້ນ III ຈໍານວນ 4 ສະຫາຍ, ໄດ້ສະເໜີຫຼຽນໄຊແຮງງານຊັ້ນ II ຈໍານວນ 10 ສະຫາຍ, ຊັ້ນ III ຈໍານວນ 13 ສະຫາຍ, ໃບຍ້ອງຍໍລັດຖະບານ 5 ສະຫາຍ, ໃບຍ້ອງຍໍກະຊວງປ້ອງກັນປະເທດ 1 ສະຫາຍ, ໄດ້ນໍາພາສະມາຊິກສູ້ຊົນສ້າງຄັງຫາລາຍໄດ້ໃຫ້ກົມກອງ ຈາກການຜະລິດກະສິກໍາປະເພດຕ່າງໆ ເປັນເງິນ66.420.000 ກີບ, ຈາກນັ້ນ, ບັນດາສະຫາຍສະມາຊິກພັກກໍໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະພັກໜ່ວຍຊຸດໃໝ່, ເຊິ່ງກອງປະຊຸມໄດ້ເປັນເອກະພາບເລືອກເອົາ ພັນໂທ ນາງ ຈັນແສງ ສີສຸຄໍາ ເປັນເລາຂາພັກ, ພັນໂທ ສົມພານ ສອນສຸພາບ ເປັນຮອງເລຂາພັກ, ພັນຕີ ທາ ສີເຮືອງຄໍາ ເປັນກໍາມະການກວດກາ, ພັນໂທ ນາງ ໄພລີ ດາລາແສນ ເປັນກໍາມະການໂຄສະນາ, ພັນໂທ ຄໍາເສົາ ແສງດາລາ ເປັນກໍາມະການ-ການຄັງ. ໂອກາດດັ່ງກ່າວ, ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ໄດ້ໂອ້ລົມຕໍ່ກອງປະຊຸມ, ເຊິ່ງໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດທີ່ກອງປະຊຸມໃຫຍ່ຄັ້ງທີ IX ຂອງໜ່ວຍພັກໂຮງພິມກົດລັບ ທີ່ໄດ້ສໍາເລັດລົງດ້ວຍໝາກຜົນອັນຈົບງາມ, ພ້ອມທັງເນັ້ນໜັກໃຫ້ຄະນະພັກຊຸດໃໝ່ ຈົ່ງພ້ອມກັນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ພະນັກງານສະມາຊິກພັກ-ນັກຮົບແຕ່ລະສະຫາຍ ໃຫ້ໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ເປັນມືອາຊີບທາງດ້ານວິຊາສະເພາະ, ປັບປຸງຂະຫຍາຍພັກໃຫ້ມີຄຸນນະພາບ ແລະຖືເອົາການດຳເນີນຊີວິດການເມືອງເປັນການປັບປຸງປົວແປງພັກ ໃນການຕຳນິກໍ່ສ້າງເຊິ່ງກັນ ແລະ ກັນ, ເຮັດໃຫ້ພະນັກງານ-ນັກຮົບມີຄວາມໜັກແໜ້ນ, ເຂັ້ມແຂງ, ສືບຕໍ່ປະຕິບັດໜ້າທີ່ວິຊາສະເພາະຂອງຕົນທີ່ໄດ້ຮັບການມອບໝາຍຈາກການຈັດຕັ້ງຂັ້ນເທິງໃຫ້ໄດ້ຮັບຜົນດີເປັນກ້າວໆ.

news to day and hot news