ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ກອງ​ພົນ​ທີ 2 ສຳເລັດ​ການ​ກວດກາ​ ວຽກ​ງານ​ອົບຮົມ-ຫັດ​ແອບ ປະຈຳ​ໄຕ​ມາດ I
ເວລາອອກຂ່າວ: 2024-06-12 08:32:29 | ຜູ້ຂຽນ : admin1 | ຈຳນວນຄົນເຂົ້າຊົມ: 154 | ຄວາມນິຍົມ:



ໃນຕົ້ນ​ເດືອນມິຖຸນາ 2024 ນີ້, ກອງ​ພົນ​ທີ 2 ສຳເລັດ​ການ​ກວດກາວຽກ​ງານ​ອົບຮົມ-ຫັດ​ແອບ ການ​ທະຫານ, ການເມືອງ, ພະລາທິການ ​ແລະ ເຕັກນິກ ປະ ຈຳ​ປີ 2024  ປະຈຳ​ໄຕ​ມາດ​ທີ I ຢູ່​ບັນດາ​ກົມ​ກອງ​ທົ່ວ​ກອງ​ພົນ​ທີ 2 ເຊິ່ງ​ນຳ​ໂດຍ ສະຫາຍ ພັນ​ໂທ ອຸ່ນ​ເຕົາ ໄຊ​ຍະ​ຄຸນ ຮອງ​ຫົວໜ້າ​ຫ້ອງ​ເສນາ​ທິ​ການ ກອງ​ພົນ​ທີ 2, ມີ​ອະນຸ​ກຳມະການ​ຈາກ​ຫ້ອງ​ເສນາ​ທິ​ການ, ຫ້ອງ​ການເມືອງ, ຫ້ອງ​ພະ​ລາທິການ ແລະ ຫ້ອງ​ເຕັກນິກ ເຂົ້າ​ຮ່ວມ.     ຈຸດປະສົງ​ໃນ​ການ​ກວດກາ​ໃນ​ຄັ້ງ​ນີ້, ​ເພື່ອ​ປະຕິບັດ​ຕາມ​ການ​ອົບຮົມ-ຫັດ​ແອບ​ ຂອງ​ກອງ​ພົນໃນ​ການຈັດຕັ້ງ​ຜັນ​ຂະຫຍາຍ​ເນື້ອ​ໃນ​​ແຜນການ​ອົບຮົມ-ຫັດ​ແອບ ປະຈຳ​ປີ 2024 ຢູ່​ບັນດາ​ອົງການ, ກົມ​ກອງ ເພື່ອ​​ແນ​ໃສ່​ປັບປຸງ​ວຽກ​ງານ​ອົບຮົມ-ຫັດ​​ແອບ ໃຫ້​ມີ​ຄຸນ​ນະ​ພາບ​ສູງ​ ທັງເປັນການ​ກວດກາ​ລະດັບ​ຄວາມ​ຮູ້​ຄວາມ​ເຂົ້າໃຈ ຂອງ​ພະນັກງານ-ນັກຮົບ​ຢູ່​​ແຕ່ລະ​ກົມ​ກອງ, ເປັນ​ການ​ກວດກາ​ການຈັດຕັ້ງ​ເຝິກ ແອບ​ຮໍ່າຮຽນ, ການ​ປະຕິບັດ​ຂໍ້​ກຳນົດ, ກົດ​ລະບຽບ​ຂອງ​ກອງທັບ ພ້ອມ​ທັງ​ກວດກາ​ຄວາມ​ຮັບຜິດຊອບ​ຂອງ​ພະນັກງານ​ນຳພາ-ຊີ້​ນຳ​ແຕ່​ລະ​ຂັ້ນ ຕະຫຼອດ​ຮອດ​ນາຍ ​ແລະ ພົນທະຫານ ຕໍ່​ຂົງເຂດ​ວຽກ​ງານ​ອົບຮົມ-ຫັດແ​​ອບ ຢູ່​ບັນດາ​ອົງການ, ກົມ​ກອງ ເພື່ອ​ຊອກ​ໃຫ້​ເຫັນ​ດ້ານ​ດີ ແລະ ດ້ານ​ອ່ອນ​ທີ່​ຍັງ​ຄົງ​ຄ້າງ ເພື່ອ​ພ້ອມ​ກັນ​ແກ້​ໄຂ​ໃຫ້​ຖືກຕ້ອງ, ເປັນ​ການ​ກວດກາ​ວຽກ​ງານ​ເຝິກຝົນ​ກຳ​ລັງ​​ແຮງ​ກາຍ, ວຽກ​ງານ​ການກຽມພ້ອມ​ສູ້​ຮົບ, ວຽກ​ງານ​ການເມືອງ, ວຽກ​ງານ​ພະລາທິການ ແລະ ເຕັກນິກ ແລະ ການຈັດຕັ້ງ​ປະຕິບັດ​ບັນດາ​ລະບອບ, ລະບຽບ​ການ ແລະ ຂໍ້​ກຳນົດ​ຕ່າງໆ ​ຂອງ​ກອງທັບ​ໃຫ້​ເຂັ້ມ​ງວດ, ຍົກ​ສູງ​ສະຕິ​ການ​ກຽມພ້ອມ​ສູ້​ຮົບ, ເພື່ອ​ຕອບ​ຕ້ານ ແລະ ແກ້​ໄຂ​ໄດ້​ທຸກ​ກໍລະນີ​ທີ່​ຈະ​ເກີດ​ຂຶ້ນ​ໃຫ້​ທັນ​ເວລາ​ຮັບປະກັນ​ໃຫ້​ຂອບ​ເຂດ​ຮັບຜິດຊອບ​ມີ​ຄວາມ​ສະຫງົບ​ປອດ​ໄພ. ໂດຍ: ອາ​ນຸ​ສັກ ອຳ​ພັນ​ວິໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ