ກອງທັບປະຊາຊົນລາວ
 
ວັນສຸກ, ວັນທີ 19 ກໍລະກົດ 2024

  

ກອງພັນ​ໃຫຍ່ 301 ກອງ​ພົນ​ທີ 3 ຈັດ​ພິທີ​ປູກ​ຕົ້ນໄມ້ ເນື່ອງ​ໃນ​ວັນ​ປູກ​ຕົ້ນໄມ້​ແຫ່ງ​ຊາດ
ເວລາອອກຂ່າວ: 2024-06-12 08:33:50 | ຜູ້ຂຽນ : admin1 | ຈຳນວນຄົນເຂົ້າຊົມ: 136 | ຄວາມນິຍົມ:



ທ້າຍເດືອນພຶດສະພາ 2024 ນີ້​, ກອງພັນ​ໃຫຍ 301 ກອງ​ພົນ​ທີ 3 ໄດ້ປູກ​ຕົ້ນໄມ້ ເນື່ອງ​ໃນ​ໂອກາດ​ວັນ​ປູກ​ຕົ້ນໄມ້​ແຫ່ງ​ຊາດ​ ຄົບຮອບ 44 ປີ (1 ມີ​ຖຸ​ນາ 1980-1 ມິຖຸ​ນາ 2024) ແລະ ​ວັນເດັກນ້ອຍ​ສາກົນ ຄົບຮອບ 100 ປີ (1 ມີ​ຖຸ​ນາ 1924-1 ມິຖຸ​ນາ 2024) ໂດຍມີ ສະຫາຍ ພັນ​ເອກ ແສງ​ທອງ ເພັງ​ຄຳ​ພັນ ເລຂາ​ຄະ ນະ​ພັກ, ຫົວໜ້າ​ການ​ທະຫານ​ກອງພັນ​ໃຫຍ່ 301, ມີ​ຄະນະພັກ-ຄະນະ​ບັນຊາ ຕະຫຼອດ​ຮອດ​ອົງ​ການຈັດຕັ້ງ​ມະຫາຊົນ, ພະນັກງານ-ນັກຮົບ​ພາຍ​ໃນ​ກົມ​ກອງ ເຂົ້າ​ຮ່ວມ. ຕົ້ນໄມ້​ທີ​່ນຳ​ມາ​ປູກ​ໃນ​ຄັ້ງ​ນີ້​ປະກອບ​ມີ ຕົ້ນໄມ້​ໃຫ້​ໝາກ, ຕົ້ນ​ໄມ້ປະດັບ ແລະ ຕົ້ນໄມ້​ອຸດ​ສະຫະ​ກຳ ຈຳນວນ 200 ຕົ້ນ. ການ​ປູກ​ຕົ້ນໄມ້​ໃນ​ຄັ້ງ​ນີ້​ ແມ່ນ​ປູກ​ໃສ່​ເດີ່ນ​ໂຮງໝໍ​ໃໝ່ ເພື່ອ​ໃຫ້​ບ່ອນ​ເນື້ອທີ່​ດິນ​ທີ່​ເປົ່າ​ວ່າງ​ຂອງ​ກົມ​ກອງ​ກາຍເປັນ​ດິນ​ທີ່​ມີ​ຕົ້ນ​ໄມ້ທີ່​ອຸດົມສົມບູນ ແລະ ເປັນ​ການ​ປະ ດັບ​ໃຫ້​ສະຖານທີ່​ດັ່ງ​ກ່າວ ​ເປັນ​ສະຖານທີ່​ຂຽວງາມ ທັງ​ເຮັດ​ໃຫ້​ກົມ​ກອງ​ມີ​ຄວາມ​ສົດຊື່ນ​ຮົ່ມ​ເຢັນ​ເປັນຕາ​ໜ້າ​ຢູ່ ກາຍເປັນ​ຄ້າຍ​ຄູ​ສີຂຽວ, ກົມ​ກອງ​ວັດທະນະທຳ, ພ້ອມ​ທັງ​ເປັນ​ການ​ສ້າງ​ຂະ​ບວນ​ການ​ຂ່ຳນັບ​ຮັບ​ຕ້ອນ​ກ​​ອງ​ປະຊຸມ​ໃຫຍ່ ຄັ້ງ​ທີ 4 ຂອງ​ອົງຄະ​ນະ​ພັກ​ກອງພັນ​ໃຫຍ່ 301 ທີ່​ຈະ​ໄຂຂຶ້ນ​ໃນ​ມໍ່ໆ​ນີ້ ໃຫ້​ມີ​ຂະ​ບວນ​ການ​ອັນ​ຟົດຟື້ນ​ກວ້າງຂວາງ. ໂດຍ: ຈອມ​ແສງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ