ວັນອາທິດ, ວັນທີ 27 ເມສາ 2025
ກອງພົນທີ 4 ມອບເງິນອຸດໜູນໃຫ້ຄອບຄົວພະນັກງານ-ນັກຮົບ ທີ່ເສຍຊີວິດ
ເວລາອອກຂ່າວ: 2024-06-13 08:14:25 | ຜູ້ຂຽນ : admin1 | ຈຳນວນຄົນເຂົ້າຊົມ: 395 | ຄວາມນິຍົມ: 
ວັນທີ 11 ມິຖຸນາ 2024, ຢູ່ທີ່ຫ້ອງປະຊຸມ ກອງພົນທີ 4 ໄດ້ ມອບເງິນອຸດໜູນໃຫ້ຄອບຄົວພະນັກງານທີ່ເສຍຊີວິດ ງວດທີ 2 ປະຈຳປີ 2024, ໂດຍການເປັນປະທານ ຂອງສະຫາຍ ພັນເອກ ຈັນແດງ ຂຸນຍຸລາດ ຫົວໜ້າຫ້ອງການເມືອງ ກອງພົນທີ 4, ມີພະແນກການທີ່ກ່ຽວຂ້ອງ ພ້ອມດ້ວຍຕາງໜ້າຄອບຄົວພະນັກງານຜູ້ທີ່ເສຍຊີວິດ ເຂົ້າຮ່ວມ.
ສະຫາຍ ພັນໂທ ຄຳພິທູນ ບຸນມາລາ ຫົວໜ້າພະແນກປະກັນສັງຄົມ ຫ້ອງການເມືອງ ກອງພົນທີ 4 ໄດ້ກ່າວວ່າ: ການຄິດໄລ່ເງິນອຸດໜູນໃຫ້ແກ່ພະນັກງານ-ນັກຮົບທີ່ເສຍຊີວິດນີ້ ໂດຍປະຕິບັດຕາມຄຳສັ່ງແນະນຳ ຂອງກະຊວງປ້ອງກັນປະເທດ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍ ການປະກັນສັງຄົມ ແລະ ອີງໃສ່ພາລະບົດບາດ, ໜ້າທີ່ການເມືອງຂອງກອງທັບປະຊາຊົນລາວ. ສຳລັບການມອບເງິນອຸດໜູນເສຍຊີວິດໃນຄັ້ງນີ້ ປະກອບດ້ວຍພະນັກງານເສຍຊີວິດ 9 ສະຫາຍ, ເມຍຂອງພະນັກງານ ເສຍຊີວິດ 2 ສະຫາຍ ແລະ ລູກຂອງພະນັກງານເສຍຊີວິດ 1 ສະ ຫາຍ ລວມເປັນເງິນທັງໝົດ 825.858.719 ກີບ.
ໂອກາດນີ້, ສະຫາຍ ພັນເອກ ຈັນແດງ ຂຸນຍຸລາດ ໄດ້ໂອ້ລົມຕໍ່ຄອບຄົວພະນັກງານ-ນັກຮົບ ທີ່ເສຍຊີວິດ ໃຫ້ຮັບຮູ້ເຊື່ອມຊຶມ ແລະ ເຂົ້າໃຈຢ່າງເລິກເຊິ່ງ ຕໍ່ແນວທາງນະໂຍບາຍຂອງພັກ-ລັດ ກໍຄືແນວທາງນະໂຍບາຍຂອງກະຊວງປ້ອງກັນປະເທດທີ່ມີຕໍ່ນາຍ ແລະ ພົນທະຫານທົ່ວກອງທັບປະຊາຊົນລາວ ເວົ້າລວມ, ເວົ້າສະເພາະ ແມ່ນຄວາມເປັນຫ່ວງເປັນໃຍ ຂອງຄະນະພັກ-ຄະນະບັນຊາ ກອງພົນທີ 4 ທີ່ມີຕໍ່ຄອບຄົວພະນັກງານທີ່ເສຍຊີວິດເຊິ່ງແຕ່ລະສະຫາຍມີຄຸນງາມ
ຄວາມດີ, ມີຜົນງານທີ່ດີເດັ່ນ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ສ້າງກຳລັງໃນກອງທັບໃຫ້ມີຄວາມເຕີບໃຫຍ່ເຂັ້ມແຂງໃນຕະຫຼອດໄລຍະທີ່ດຳລົງຊີວິດຢູ່ໃນກົມກອງຂອງຕົນ ພ້ອມທັງຮຽກຮ້ອງໃຫ້ຄອບຄົວພະນັກງານ-ນັກຮົບ ທີ່ເສຍຊີວິດ ຈົ່ງພ້ອມກັນນຳໃຊ້ເງິນຈຳນວນດັ່ງກ່າວເຂົ້າໃນວຽກງານທີ່ຈຳເປັນຂອງຄອບຄົວເພື່ອປັບປຸງແກ້ໄຂຊີວິດການເປັນຢູ່ຂອງຄອບ ຄົວໃຫ້ນັບມື້ດີຂຶ້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
