ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ກອງພັນ​ໃຫຍ່ 302 ກອງ​ພົນ​ທີ 3 ສະຫຼຸບ​ຖອດ​ຖອນ​ບົດຮຽນ ວຽກ​ງານ​ພະລາທິການ-ການ​ເງິນ ປະຈຳ​ປີ 2023
ເວລາອອກຂ່າວ: 2024-06-13 08:24:42 | ຜູ້ຂຽນ : admin1 | ຈຳນວນຄົນເຂົ້າຊົມ: 234 | ຄວາມນິຍົມ:



ໃນ​ບໍ່​ດົນ​ມາ​ນີ້, ກອງພັນ​ໃຫຍ່ 302 ກອງ​ພົນ​ທີ 3 ໄດ້​ສະຫຼຸບ​ຖອດ​ຖອນ​ບົດຮຽນ​ວຽກ​ງານ​ພະລາທິການ-ການ​ເງິນ ປະຈຳ​ປີ 2023 ແລະ ວາງ​ທິດ​ທາງ​ແຜນການ​ ປະຈຳ​ປີ 2024 ຢູ່​ທີ່​ສະໂມສອນ​ກອງພັນ​ໃຫຍ່ 302, ໂດຍ​ການ​ເປັນ​ປະທານ ຂອງ​ສະຫາຍ ພັນ​ເອກ ຄຳ​ສອນ ໄຊ​ສົງຄາມ ເລຂາ​ຄະນະ​ພັກ, ຫົວໜ້າ​ການ​ທະຫານ ກອງພັນ​ໃຫຍ່ 302, ມີ​ສະຫາຍ ​ພັນ​ໂທ ສົມ​ຄິດ ເງິນ​ງານ ກໍາມະການຄະນະ​ພັກ​ກອງພັນ​ໃຫຍ່, ຫົວໜ້າ​ພະ​ແນກ​ພະລາທິການ ກອງ ພັນ​ໃຫຍ່ 302, ມີ​ຄະນະ​ພັກ-ຄະນະ​ບັນຊາ​ກອງພັນ​ໃຫຍ່, ພະແນກການ, ກອງພັນ, ກອງຮ້ອຍ, ໝວດ​ເອກະລາດ, ພ້ອມ​ດ້ວຍ​ພະ ນັກງານ​ຫຼັກ​ແຫຼ່ງ​ທົ່ວ​ພະ​ແນກ​ພະ ລາທິການ ເຂົ້າ​ຮ່ວມ. ສະຫາຍ ພັນ​ໂທ ຄຳ​ພູ ອຸດ​ທະ​ວົງ ຫົວໜ້າ​ຂະແໜງການ​ເງິນ ກອງພັນ​ໃຫຍ່ 302 ໄດ້​ຜ່ານ​ບົດ​ສະຫຼຸບ​ວຽກ​ງານ​ການ​ເງິນ​ທົ່ວ​ກອງພັນ​ໃຫຍ່ 302 ປະຈຳ​ປີ 2023 ແລະ ວາງ​ທິດທາງ​ແຜນການ ປະຈຳ​ປີ 2024 ໃນ​ໄລຍະ 1 ປີຜ່ານມາ ​ໄດ້​ນຳພາ​ພະນັກງານ​ທີ່​ເຮັດ​ວຽກ​ງານ​ວິຊາ​ສະເພາະ​ການ​ເງິນ​ໄດ້​ປະຕິບັດ​ຕາມ​ພາລະ​ບົດບາດ ແລະ ສິດ​ໜ້າທີ່​ຂອງ​ຕົນ​ຕາມ​ລະບຽບ​ການ​ຢ່າງ​ເຂັ້ມ​ງວດ, ແບ່ງ​ໜ້າທີ່​ຄວາມ​ຮັບຜິດຊອບ​ຢ່າງ​ຈະແຈ້ງ, ມີ​ຄວາມ​ເປັນ​ເອກະ​ພາບ​ກັນ​ທາງ​ດ້ານ​ວິຊາ​ສະເພາະ ເປັນ​ເສນາ​ທິ​ການ​ຄຸ້ມ​ຄອງ​ລາຍ​ຮັບ-ລາຍ​ຈ່າຍ​ຄິດໄລ່​ເງິນເດືອນ ແລະ ເງິນ​ເຄື່ອນ​ໄຫວ​ເຮັດ​ວຽກ​ດ້ານ​ຕ່າງໆ, ທັງ​ຖື​ເອົາ​ວຽກ​ງານ​ກວດກາ​ເປັນ​ບັນຫາ​ສຳຄັນ ແລະ ມີ​ການ​ສະຫຼຸບ​ລາຍ​ງານ​ເພື່ອ​ເຮັດ​ໃຫ້​ມີ​ຄວາມ​ໂປ່ງ​ໃສ່​ຖືກຕ້ອງ​ວ່ອງ ໄວ ແລະ ທັນ​ສະໄໝ. ຈາກ​ນັ້ນ, ຜູ້​ເຂົ້າ​ຮ່ວມ​ກອງ​ປະຊຸມ ​ໄດ້​ຜັດປ່ຽນ​ກັນ​ປະກອບ​ຄຳ​ຄິດ​ເຫັນ​ໃສ່​ບົດ​ສະຫຼຸບ ແລະ ບົດ​ທິດ​ທາງ​ແຜນການ. ໃນ​ພິທີ ຍັງ​ໄດ້​ມອບ​ໃບ​ຍ້ອງຍໍ​ຂອງ​ຄະນະ​ພັກ-ຄະນະ​ບັນຊາ ກອງ​ພົນ​ທີ 3 ໃຫ້ 2 ກອງພັນ 403 ແລະ ກອງພັນ 416 ທີ່​ມີ​ຜົນງານ​ດີເດັ່ນ​ໃນ​ການ​ປັບປຸງ​ກໍ່ສ້າງ​ເຄຫາ​ສະຖານທີ່​ຄ້າຍ​ຄູ ຢ່າງ​ສົມ​ກຽດ. ໂດຍ: ພອນ​ແກ້ວ ວິໄລ​ສັກ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ