ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ສະຫະພັນ​ແມ່ຍິງ ກອງ​ພົນ​ທີ 2 ເປັນ​ເຈົ້າ​ການ ເຄື່ອນໄຫວ​ວຽກ​ງານ​ຕາມ​ພາລະ​ບົດບາດ​ຂອງ​ຕົນ
ເວລາອອກຂ່າວ: 2024-06-13 08:26:13 | ຜູ້ຂຽນ : admin1 | ຈຳນວນຄົນເຂົ້າຊົມ: 243 | ຄວາມນິຍົມ:



ສະຫາຍ ພັນ​ໂທ ນາງ ຄຳ​ຜູ ພັນທະ​ວົງ ຫົວໜ້າ​ພະ​ແນກ​ສະຫະພັນ​ແມ່ຍິງ ກອງ​ພົນ​ທີ 2 ໄດ້​ໃຫ້​ສຳພາດ​ຕໍ່​ສື່​ມວນ​ຊົນ​ກອງທັບ​ວ່າ: ໃນ​ໄລຍະ​ຜ່ານ​ມາ, ພະ​ແນກ​ສະຫະພັນ​ແມ່ຍິງ ກອງພົນ​ທີ 2 ໄດ້​ເປັນ​ເຈົ້າ​ການນຳພາ-ຊີ້ນໍາ ພະນັກງານ-ນັກຮົບ ເຄື່ອນ​ໄຫວ​ວຽກ​ງານ​ຕາມພາລະ​ບົດບາດ​ຂອງ​ສະຫະພັນ​ແມ່ຍິງ, ໄດ້ເອົາ ໃຈໃສ່​ສຶກ​ສາ​ອົບຮົມ​ການ ເມືອງ- ແນວ​ຄິດ ໃຫ້​ສະມາຊິກ​ສະຫະ ພັນ​ແມ່ຍິງ ເຊື່ອມ​ຊຶມ​ກຳ​ແໜ້ນ​ແນວທາງ​ແຜນ​ນະໂຍບາຍ​ຂອງ​ພັກ, ກົດໝາຍ​ຂອງ​ລັດ, ປະ ຕິບັດ​ຂໍ້​ກຳນົດ, ກົດ​ລະບຽບ​ ຂອງ​ກອງ ທັບ ແລະ ກົດ​ລະບຽບຂອງສູນ​ ກາງ​ສະຫະພັນ​ແມ່ຍິງ​ລາວ​ວາງ​ ອອກ, ໄດ້​ນຳພາ​ຈັດ​ຕັ້ງ​ຜັນ​ຂະ ຫຍາຍ​ເນື້ອ​ໃນ​ຂໍ້​ແຂ່ງຂັນ 3 ດີ ຕິດ​ ພັນ​ກັບການ​ຜັນ​ຂະຫຍາຍ 10 ແຜນ​ງານ 65 ໂຄງການແຜນ​ພັດ ທະນາ​ຂອງ​ສູນ​ກາງ​ສະຫະພັນ​ແມ່ຍິງ​ລາວ ກໍ​ຄື 10 ແຜນ​ງານ 54 ໂຄງການ ແຜນ​ພັດທະນາ​ຂອງ​ແມ່ຍິງ​ກອງທັບ ໃນ​ນີ້, ພະ​ແນກ​ສະຫະພັນ​ແມ່ຍິງ​ກອງ​ພົນ ໄດ້​ຜັນ​ຂະຫຍາຍ​ມາ​ເປັນ 10 ແຜນ​ງານ 42 ໂຄງການ ໂດຍ​ໄດ້​ຈັດ​ຕັ້ງ​ຜັນ​ຂະຫຍາຍ​ເຂົ້າ​ສູ່​ວຽກ​ງານ​ຕົວ​ຈິງ ຕິດ​ພັນ​ກັບ ໜ້າ ທີ່​ການເມືອງ​ຂອງ​ກົມ​ກອງ ປະ ກອບສ່ວນ​ເຂົ້າ​ໃນ​ການ​ສ້າງ​ກົມ​ກອງ​ວັດທະນະທຳ, ກອງ 3 ປອດ, ສ້າງ​ໜ່ວຍ​ພັກ ປອດ​ໃສ ເຂັ້ມແຂງ ໜັກ​ແໜ້ນ, ໄດ້​ຊຸກຍູ້​ຂະ​ບວນ​ການຂອງ​ສະຫະພັນແມ່ ຍິງ​ຢ່າງ​ກວ້າງຂວາງ, ຈັດ​ຕັ້ງ​ເຜີຍແຜ່​ເນື້ອ​ໃນ​ຄຳ​ຂວັນ, ຂໍ້​ແຂ່ງ ຂັນ 3 ດີ ແລະ ບັນດາເອກະສານ ​ສຳຄັນ​ຕ່າງໆ ທີ່​ກ່ຽວ​ກັບແມ່ຍິງ ນັບ​ແຕ່​ຂັ້ນ​ສຳນັກງານ​ອົງການ ລົງ​ຮອດ​ກົມ​ກອງ​ຮາກ​ຖານ​ຢ່າງ​ເປັນ​ປົກກະຕິ, ໄດ້​ສ້າງ​ກິດຈະກຳ ຖາມ-ຕອບຄວາມ​ຮູ້​ຮອບ​ຕົວ ຮ່ວມ​ກັບ​ອົງ​ການຈັດ​ຕັ້ງ​ຊາວ ໜຸ່ມ, ຈັດ​ຕັ້ງ​ປາຖະກະຖາເລົ່າ​ ມູນເຊື້ອ​ຂອງ​ແມ່ຍິງລາວ ແລະ ແມ່ຍິງ​ສາກົນ​ໃນ​ທຸກປີ ພ້ອມກັນ ​ນັ້ນ, ກໍ​ໄດ້ປຸກລະດົມຊຸກຍູ້ສະມາ ຊິກ​ແມ່ຍິງໃຫ້​ເອົາໃຈໃສ່​ປະຕິ ບັດ 7 ລະບອບ 18 ວຽກ​ຂອງ​ກອງທັບ, ເຂົ້າ​ຮ່ວມ​ຂະ​ບວນ​ການ​ອົບຮົມ-ຫັດ​ແອບ​ຂອງ​ກົມ​ກອງ, ໄດ້​ຈັດ​ຕັ້ງ​ໄປ​ອວຍພອນ​ການ​ນຳ​ກອງ​ພົນ, ພະນັກງານ​ປະຕິວັດ​ອາວຸໂສ​ບຳນານ, ປະ ຕິບັດ​ນະໂຍບາຍ ແລະ ຊ່ວຍ ເຫຼືອ​ ຄອບຄົວ​ສະມາຊິກ​ແມ່ຍິງ​ໃນ​ເວ ລາ​ເຈັບເປັນ, ພົບ​ຄວາມ​ຫຍຸ້ງຍາກ ແລະ ໄດ້​ໄປ​ມອບ​ເຄື່ອງ​ຊຸກຍູ້​ໃຫ້​ກຳລັງ​ໃຈ ພະນັກງານ-ນັກຮົບ ທີ່​ປະຕິບັດ​ໜ້າທີ່​ອົບຮົມ-ຫັດ​ແອບຢູ່​ພາກ​ສະໜາມ, ສະມາຊິກ​ແມ່ຍິງຍັງ​ໄດ້​ປະຈຳການ​ຕະຫຼອດ 24 ຊົ່ວໂມງ ເພື່ອ​ກຽມພ້ອມ​ສູ້​ຮົບ ຄື​ກັບ​​ເພດ​ຊາຍ ພ້ອມ​ທັງ​ໄດ້​ເປັນ​ເຈົ້າ​ການ​ເຂົ້າ​ຮ່ວມຂະ​ບວນ​ການ​ອອກແຮງ​ງານ​ລວມ ຕາມ​ຂອບ​ເຂດ​ສຳນັກງານ, ອົງການ, ກົມ​ກອງອາທິດ​ລະ​ຄັ້ງ ແລະ ເຂົ້າ​ຮ່ວມ​ຂະ​ບວນ​ການ​ຕ່າງໆ ທີ່​ກົມ​ກອງ​ຈັດ​ຂຶ້ນຢ່າງ​ເປັນ​ຂະ​ບວນ​ການ​ຟົດຟື້ນ. ນອກຈາກ​ນີ້, ພະ​ແນກ​ສະຫະ ພັນ​ແມ່ຍິງ ​ກອງ​ພົນ​ທີ 2 ຍັງ​ໄດ້​ສ້າງ​ກອງ​ທຶນ​ພັດທະນາ​ແມ່ຍິງ ເຊິ່ງ​ມາ​ຮອດປັດຈຸບັນ, ມີ​ກອງ​ທຶນ​ທັງ​ໝົດ 6 ກຸ່ມ, ມີ​ສະມາຊິກ​ກອງ​ທຶນ 1.029 ສະຫາຍ, ມີ​ເງິນ​ຝາກ ທັງ​ໝົດ 2.279.000.000 ກີບ, ສ່ວນ​ເງິນ​ຈຳນວນ​ດັ່ງກ່າວ ໄດ້​ປ່ອຍ​ໃຫ້​ສະມາຊິກ​ກູ້​ຢືມ ໃນ​ອັດຕາ​ດອກ​ເບ້ຍ​ຕ່ຳ ເພື່ອ​ນຳໄປ​ພັດທະນາ​ຄອບຄົວ ແລະ ຫຼີກເວັ້ນ​ການ​ກູ້​ຢືມ​ເງິນ​ນອກ​ລະບົບ ທີ່​ມີ​ອັດຕາ​ດອກ​ເບ້ຍ​ສູງ, ບັນດາ​ໜ່ວຍ​ແມ່ຍິງຍັງ​ໄດ້​ເອົາໃຈໃສ່​ຊອກ​ແຫຼ່ງ​ລາຍ​ຮັບ​ເຂົ້າ​ຄັງ​ລວມ​ຂອງ​ໜ່ວຍ ຈາກ​ການ​ຂາຍເຄື່ອງ​ຍ່ອຍ ແລະ ປູກຝັງ-ລ້ຽງສັດ ເພື່ອ​ໝູນ​ໃຊ້​ເຂົ້າ​ໃນ​ວຽກ​ງານ​ລວມ​ຂອງ​ແມ່ຍິງ. ຜ່ານ​ການເຄື່ອນໄຫວ​ວຽກ​ງານ​ໃນ​ໄລຍະ​ຜ່ານ​ມາ ສາ ມາດ​ຄັດ​ເລືອກ​ໄດ້​ແມ່ຍິງ 3 ດີ ປະເພດ I ມີ 363 ສະຫາຍ, ປະ ເພດ II ມີ 6 ສະຫາຍ, ຄອບຄົວ ​ຕົວ​ແບບ 9 ຄອບຄົວ, ບຸກຄົນ​ຕົວ​ແບບ 5 ສະຫາຍ ແລະ ສະມາ ຊິກ​ແມ່ຍິງ​ໄດ້​ຮັບ​ການ​ຍ້ອງຍໍ​ປະ ເພດ​ຕ່າງໆ ຈາກ​ຂັ້ນ​ເທິງ 253 ສະຫາຍ. ໂດຍ: ສົມ​ຄິດ ພູມ​ມີ​ຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ