ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ເລີ່ມ​ສຶກ​ສາ​ຄວາມ​ເປັນ​ໄປ​ໄດ້ໃນການ​ສ້າງ​ຄັງແຮສຳຮອງ ນ້ຳ​ມັນ​ເຊື້ອ​ໄຟ ຢູ່ ສປປ ​ລາວ
ເວລາອອກຂ່າວ: 2024-06-21 09:08:15 | ຜູ້ຂຽນ : admin3 | ຈຳນວນຄົນເຂົ້າຊົມ: 93 | ຄວາມນິຍົມ:



ພິທີ​ເຊັນ​ບົດ​ບັນທຶກ​ຄວາມ​ເຂົ້າໃຈ (MOU) ກ່ຽວ​ກັບ​ໂຄງ ການ​ສຶກ​ສາ​ຄວາມ​ເປັນ​ໄປ​ໄດ້ ໃນ​ ການ​ສ້າງ​ຄັງ​ແຮ​ສຳຮອງ​ນ້ຳມັນ​ເຊື້ອ​ໄຟ ລະຫວ່າງ ລັດຖະບານ ແຫ່ງ ​ສປປ ລາວ ຕາງໜ້າ​ໂດຍ ກະຊວງ ອຸດສາຫະກຳ ແລະ ການ ​ຄ້າ ກັບ ກຸ່ມ​ບໍລິສັດ ດີ​ເອັມ​ພາຍ ຈຳ ກັດ ຈັດ​ຂຶ້ນ​ໃນ​ວັນ​ທີ 17 ມິຖຸນາ 2024 ໂດຍ​ການ​ຮ່ວມ​ລົງ​ນາມ ລະຫວ່າງ ທ່ານ ບົວ​ວັນ ວິລາ​ວົງ ຫົວໜ້າ​ຫ້ອງການ​ ກະຊວງ​ອຸດ ສາຫະກຳ ແລະ ການ​ຄ້າ ແລະ ທ່ານ ນາງ ສຸລິນ​ດາ ມະໂນທຳ ຜູ້ອຳ ນວຍການ ກຸ່ມ​ບໍລິສັດ ດີ​ເອັມ​ພາຍ ຈຳກັດ, ມີ ທ່ານ ບຸນ​ເຖິງ ດວງ​ສະ ຫວັນ ຮອງ​ລັດຖະມົນຕີ ກະຊວງ​ ອຸດສາຫະກຳ ແລະ ການ​ຄ້າພ້ອມ​ ດ້ວຍ​ພາກສ່ວນ​ກ່ຽວຂ້ອງ ຂອງ​ ທັງ​ສອງ​ຝ່າຍ ເຂົ້າ​ຮ່ວມເປັນ​ສັກ ຂີ​ພະຍານ. ທ່ານ ທະນູສອນ ພົນ​ອາມາດ ປະທານ​ກຸ່ມ​ບໍລິສັດ ດີ​ເອັມ​ພາຍ ຈໍາກັດ ໄດ້​ໃຫ້​ຮູ້​ວ່າ: ການ​ສຶກ​ສາ​ ຄວາມ​ເປັນ​ໄປ​ໄດ້ ໃນ​ການ​ສ້າງ​ ຄັງ​ແຮ​ສຳຮອງ​ນ້ຳມັນ​ເຊື້ອ​ໄຟ ແນໃສ່ສ້າງ​ຄັງ​ສຳຮອງ​ນ້ຳມັນ​ເຊື້ອ​ໄຟ ຍຸດ​ທະ​ສາດ ຂອງ​ລັດຖະ ບານ ເຊິ່ງ​ຈະ​ເປັນ​ຄັງ​ສຳຮອງ​ນ້ຳ ມັນ​ເຊື້ອ​ໄຟ​ຂະໜາດ​ໃຫຍ່ ທີ່​ຈະ​ຕັ້ງ​ຢູ່​ເຂດ​ເສດຖະກິດ​ພິເສດ ຫຼື ເຂດ​ປອດ​ພາສີ, ສິນຄ້າ​ທີ່​ຂົນສົ່ງ​ເຂົ້າ​ໄປ​ໃນ​ເຂດ​ນີ້ ບໍ່​ມີ​ພັນທະ​ໃນ​ການ​ແຈ້ງ​ພາສີ​ອາກອນ​ໃດໆ, ອາກອນ ​ຈະ​ຖືກ​ຄິດໄລ່ ແລະ ຊຳລະ ພາຍ ຫຼັງ​ທີ່​ມີ​ການ​ຊື້​ຈາກ​ຜູ້​ໃຫ້​ບໍລິການ​ນ້ຳມັນ​ເຊື້ອ​ໄຟ​ທ້ອງຖິ່ນ ແລະ ຖືກ​ຂົນສົ່ງ​ອອກ​ຈາກ​ເຂດ​ປອດ​ພາສີ. ການ​ສ້າງ​ຄັງ​ແຮ​ສຳຮອງ​ນ້ຳ ມັນ​ເຊື້ອ​ໄຟ ດັ່ງກ່າວ, ແມ່ນ​ການ ​ຮ່ວມ​ມື​ລະຫວ່າງ ກຸ່ມ​ບໍລິສັດ ດີ​ເອັມ​ພາຍ ຈໍາກັດ ແລະ ລັດຖະ ບານ ​ສປປ ລາວ ໂດຍ​ນຳ​ໃຊ້ ​ໂກ​ຕ້າ​ການ​ນຳ​ເຂົ້າ​ນ້ຳມັນເຊື້ອ ໄຟ ພາຍ​ໃຕ້​ການຄຸ້ມ​ຄອງ ແລະ ຊີ້​ນຳ​ ຂອງ​ລັດຖະບານ ​ສປປ ລາວ. ໂຄງການ​ດັ່ງກ່າວ, ຈະ​ຊ່ວຍ​ຫຼຸດ ຜ່ອນ​ຄວາມ​ສ່ຽງ​ຂອງ​ປະເທດ ຈາກ​ໄພ​ຂົ່ມຂູ່ ຂອງ​ການ​ສະໜອງ​ ນ້ຳມັນ, ວິ​ກິດ​ການ​ຂາດແຄນ​ນໍ່້​​າ​ ມັນ, ການ​ຫຍຸ້ງຍາກ​ໃນ​ການ​ແລກ ປ່ຽນ​ເງິນຕາ ແລະ ການ​ຂາດເງິນ ຕາ​ຕ່າງປະເທດ ໃນ​ການ​ຊື້​ຂາຍ ນໍ່້​​າ​ມັນ​ເຊື້ອ​ໄຟ​ຈາກ​ຕ່າງປະເທດ. ທັງ​ນີ້, ​ເພື່ອຮັບປະກັນ ການ​ສະ ໜອງ​ດ້ານ​ພະລັງງານ​ນ້ຳມັນ​ເຊື້ອ​ ໄຟ ໃຫ້​ພຽງພໍ ແລະ ໝັ້ນຄົງ ຕໍ່​ຄວາມ​ຕ້ອງການ​ພາຍ​ໃນ​ຂອບ​ເຂດ​ທົ່ວ​ປະເທດ. ການ​ສຶກ​ສາ​ຄວາມ​ເປັນ​ໄປ​ ໄດ້​ຂອງ​ໂຄງການ ດັ່ງກ່າວ,ຄາດ ຄະເນວ່າ ຈະ​ໃຫ້​ສຳເລັດ​ພາຍ​ໃນ 6 ເດືອນ,ພາຍຫຼັງ​ສຳເລັດ​ການ ເຊັນ​ບົດ​ບັນທຶກ ສຶກ​ສາ​ຄວາມ​ເປັນ​ ໄປ​ໄດ້​ຮ່ວມ​ກັນ ຈະ​ໄດ້​ລົງ​ເລິກ​ ວຽກ​ງານ​ຕ່າງໆ​ຮອບ ດ້ານ ແນໃສ່​ ໃຫ້​ເຫັນ​ເຖິງ​ການ​ມີ​ສັກກະຍະ​ ພາບ​ໃນ​ການຈັດຕັ້ງ​ປະຕິບັດ, ການ​ຄຸ້ມ​ຄອງ​ວຽກ​ງານ​ໂຄງການ​ ດັ່ງກ່າວ​ຮ່ວມ​ກັນ ໃຫ້​ມີ​ປະ​ສິດທິ​ຜົນ, ພ້ອມ​ທັງ​ໃຫ້​ສອດຄ່ອງ​ກັບ​ລະບຽບ​ຫຼັກການ, ຫຼຸດຜ່ອນ​ຄວາມ​ສ່ຽງ ແລະ ຜົນ​ກະທົບ​ຕໍ່​ຕະ ຫຼາດ​ພາຍ​ໃນ, ລະບົບ​ດຳເນີນ​ການ ​ຄຸ້ມ​ຄອງ​ທີ່​ທັນ​ສະໄໝ ສາມາດ​ຕິ ດຕາມ ແລະ ກວດ​ສອບ​ໄດ້ ແນໃສ່ ເພື່ອ​ຄວາມ​ໂປ່ງ​ໃສ, ການ​ສ້າງ​ ລາຍ​ຮັບ ແລະ ຫຼຸດຜ່ອນ​ບັນຫາ​ວິ​ ກິດ​ການ​ຂາດແຄນ​ນ້ຳມັນ​ເຊື້ອ​ໄຟ ຂອງ​ປະເທດ​ລາວ, ຊ່ວຍ​ແກ້​ ໄຂ​ຄວາມ​ຫຍຸ້ງຍາກ​ໃນ​ການ​ແລກ ປ່ຽນ​ເງິນຕາ, ການ​ຂາດ​ເງິນຕາ​ ຕ່າງປະເທດ ໃນ​ການ​ຊື້-ຂາຍ​ ນ້ຳມັນ​ເຊື້ອ​ໄຟ ຈາກ​ຕ່າງປະເທດ ແລະ ອື່ນໆ. ການ​ສຶກ​ສາ​ຄວາມ​ເປັນ​ໄປ​ໄດ້​ຂອງ​ໂຄງການ​ດັ່ງກ່າວ, ຈະ​ນຳ​ໃຊ້​ຊ່ຽວຊານ​ຈາກ​ຕ່າງປະເທດ ຜູ້​ທີ່​ມີ​ຄວາມ​ສາມາດ, ປະສົບ​ການ ແລະ ຊຳນານ​ງານ ເຂົ້າ​ມາ​ສຶກ​ສາ​ ອອກ​ແບບ​ຊ່ວຍ ເພື່ອ​ໃຫ້ການ​ດຳ ເນີນ​ໂຄງການ ເປັນ​ໄປ​ຕາມ​ຂັ້ນ​ຕອນ​ດຳເນີນ​ງານ ທີ່​ມີ​ປະ​ສິດທິ​ຜົນ​ ທຽບ​ເທົ່າ​ລະດັບ​ສາກົນ. ໂດຍ: ທະນູ​ທອງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ