ກອງທັບປະຊາຊົນລາວ
 
ວັນອາທິດ, ວັນທີ 14 ກໍລະກົດ 2024

  

ຜົນສຳເລັດການ​ພິຈາລະນາ​ວຽກ​ງານ​ ຂອງ​ລັດຖະບານ ກ່ຽວ​ກັບ​ການຈັດຕັ້ງ​ປະຕິບັດແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ
ເວລາອອກຂ່າວ: 2024-06-21 09:09:49 | ຜູ້ຂຽນ : admin3 | ຈຳນວນຄົນເຂົ້າຊົມ: 111 | ຄວາມນິຍົມ:



ໃນ​ວັນ​ທີ 19 ມິຖຸນາ 2024 ນີ້, ທ່ານ ສົມ​ມາດ ພົນ​ເສນາ ກຳມະ ການ​ສູນ​ກາງ​ພັກ, ຮອງ​ປະທານ​ ສະພາ​ແຫ່ງ​ຊາດ ​ໄດ້​ຖະແຫຼງການ​ ກ່ຽວ​ກັບ​ຜົນ​ການ​ພິຈາລະນາ​ວຽກ​ງານ ​ຂອງ​ລັດຖະບານ​ໃນ​ ການຈັດຕັ້ງ​ປະຕິບັດ​ແຜນ​ພັດ ທະນາ​ເສດຖະກິດ-ສັງຄົມ​ແຫ່ງ​ຊາດ, ແຜນ​ງົບປະມານ​ແຫ່ງ​ລັດ ແລະ ແຜນ​ເງິນຕາ ທີ່​ຕິດ​ພັນ​ກັບ​ການຈັດຕັ້ງ​ປະຕິບັດ ສອງ​ວາລະ​ແຫ່ງ​ຊາດ ໄລຍະ 6 ເດືອນ​ຕົ້ນ​ປີ ແລະ ແຜນການ 6 ເດືອນ​ທ້າຍ​ປີ 2024 ແລະ ຜົນ​ການ​ພິຈາລະນາ ບົດ​ລາຍ​ງານ ຂອງ​ອົງການ​ກວດ​ສອບ​ແຫ່ງ​ລັດ ກ່ຽວ​ກັບ​ການ​ແກ້​ໄຂ​ຜົນ​ການ​ກວດ​ສອບ ປະຈຳ​ປີ 2023 ຕາມ​ມະຕິ​ ຂອງ​ສະພາ​ແຫ່ງ​ ຊາດ ເລກ​ທີ 114/​ສພຊ, ລົງ​ວັນ​ທີ 21 ພະຈິກ 2024 ໃນ​ກອງ​ປະ ຊຸມ ສະໄໝ​ສາມັນ ເທື່ອ​ທີ 7 ຂອງ​ສະພາ​ແຫ່ງ​ຊາດ ຊຸດ​ທີ IX. ທ່ານ ສົມ​ມາດ ພົນ​ເສນາ ໄດ້​ຖະແຫຼງການ​ວ່າ: ພາຍຫຼັງ​ທີ່​ ໄດ້​ຮັບ​ຟັງ ການ​ລາຍ​ງານ​ຂອງ​ລັດ ຖະບານ​ແລ້ວ ບັນດາ​ທ່ານສະ ມາຊິກ​ສະພາ​ແຫ່ງ​ຊາດ ໃນ​ຖານະ​ທີ່​ເປັນ​ຕົວ​ແທນ​ແຫ່ງ​ສິດ ແລະ ຜົນ​ ປະໂຫຍດ ຂອງ​ປະຊາຊົນ​ບັນດາ ເຜົ່າ ໄດ້​ສຸມ​ໃສ່​ຄົ້ນຄວ້າ ແລະ ປະກອບ​ຄວາມ​ເຫັນ​ຢ່າງ​ກວ້າງ ຂວາງ, ເລິກເຊິ່ງ, ໄດ້​ມີ​ການ​ຊັກ​ ຖາມ ຕໍ່​ລັດຖະບານ ເຊິ່ງ​ສະມາ ຊິກ​ລັດຖະບານ ກໍ​ໄດ້​ຊີ້​ແຈງ​ໃຫ້​ຄວາມ​ກະຈ່າງ​ແຈ້ງ ຕໍ່​ຄຳ​ຊັກ​ຖາມ ແລະ ຕໍ່​ບັນຫາ​ຕ່າງໆ ທີ່​ສະມາຊິກ​ສະພາ​ແຫ່ງ​ຊາດ ໄດ້​ຍົກ​ຂຶ້ນ ຢ່າງ​ ກົງ​ໄປ​ກົງ​ມາ. ພິເສດ​ກອງ​ປະຊຸມ ຍັງ​ໄດ້​ຮັບ​ຟັງ​ການອະທິບາຍ​ຊີ້ ແຈງ ຂອງ​ທ່ານນາຍົກລັດຖະມົນ ຕີ ແລະ ປະທານ​ສະພາ​ແຫ່ງຊາດ ໄດ້​ມີ​ຄຳ​ເຫັນ​ສະຫຼຸບ​ສັງ​ລວມ. ເຊິ່ງ ​ຂ້າພະເຈົ້າ​ຂໍ​ສັງ​ລວມ​ຫຍໍ້ ດັ່ງນີ້: ຕໍ່​ການ​ປະຕິບັດ​ແຜນການ 6 ເດືອນ ​ຕົ້ນ​ປີ 2024, 1.) ການ​ເຕີບ ​ໂຕ​ເສດຖະກິດ ໃນ​ໄລຍະ 6 ເດືອນ​ ຕົ້ນ​ປີ 2024 ສາມາດ​ບັນລຸ​ໄດ້ ໃນ​ລະດັບ 4,7%. GDP ຄາດ​ຄະເນ 6 ເດືອນ ຕົ້ນ​ປີ 2024 ຈະ​ບັນລຸ 148.043 ຕື້​ກີບ ຫຼື ເທົ່າ​ກັບ 50,4% ຂອງ​ແຜນການ; 2.) ການ​ຈັດ​ເກັບ​ລາຍ​ຮັບ​ທຽບ ໃສ່​ໄລຍະ​ດຽວ​ກັນ​ຂອງ​ປີ​ກາຍ ເພີ່ມ​ຂຶ້ນ 64% ອັນ​ພົ້ນ​ເດັ່ນ​ແມ່ນ​ ລັດຖະບານ ໄດ້​ມອບ​ຫົວໜ່ວຍ​ ວິ​ສາ​ຫະ​ກິດ ທີ່​ສູນ​ກາງ​ຄຸ້ມ​ຄອງ ໃຫ້​ທ້ອງຖິ່ນ​ເປັນ​ຜູ້​ຄຸ້ມຄອງ ເຮັດ​ ໃຫ້ ມີ 1 ແຂວງ ສາມາດ​ປະຕິ ບັດ​ລາຍ​ຮັບ​ໄດ້​ເກີນ 100% ແລະ ມີ 5 ແຂວງ ສາມາດ​ປະຕິບັດ​ໄດ້ ຫຼາຍ​ກວ່າ 70% ຂຶ້ນ​ໄປ ແຕ່ ​ເມືອ​ທຽບໃສ່​ກັບ​ອັດຕາ​ເງິນ​ເຟີ້​ແລ້ວ​ ລາຍ​ຮັບ​ແມ່ນ​ຍັງ​ຫຼຸດ​ລົງ; 3.) ລັດຖະບານ ໄດ້​ມີ​ຄວາມ​ພະ ຍາຍາມ​ການ​ແກ້​ໄຂ​ອັດຕາ​ເງິນ ​ເຟີ້, ແກ້​ໄຂ​ການ​ແລກປ່ຽນ​ນອກ ​ລະບົບ, ຄຸ້ມ​ຄອງ​ເງິນຕາ​ຕ່າງປະ ເທດ ໂດຍ​ມີ​ການຈັດຕັ້ງ​ປະຕິ ບັດ​ນະໂຍບາຍ ເງິນຕາ ທີ່​ຮັດກຸມ, ຄຸ້ມ​ຄອງ​ອັດຕາ​ແລກປ່ຽນ​ບໍ່​ໃຫ້​ ຜັນ​ຜວນ​ແຮງ, ລະດົມ​ເງິນຕາ​ຕ່າງ ປະເທດ​ເຂົ້າ​ສູ່ລະບົບ​ທະນາຄານ ແລະ ປັບປຸງ​ນິຕິ​ກຳ​ທີ່​ກ່ຽວຂ້ອງ ແລະ ຊຸກຍູ້​ສົ່ງເສີມ ນະໂຍບາຍ​ສິນ​ເຊື້ອ​ຫຼາຍ​ຂຶ້ນ; ຄຸ້ມ​ຄອງ​ການ​ນຳ​ເຂົ້າ-ສົ່ງ​ອອກ​ຜ່ານ​ລະບົບ​ທະ ນາຄານ, ຄັງ​ສຳຮອງ​ເງິນຕາ​ຕ່າງ ປະເທດ ສາມາດ​ກຸ້ມ​ການ​ນຳ​ເຂົ້າ​ ໄດ້​ຢູ່ 4,2 ເດືອນ; 4.) ໄດ້​ເອົາ ໃຈໃສ່​ປັບປຸງ​ການ​ຮຽນ​ການ​ສອນ ​ທຸກ​ຊັ້ນ​ຮຽນ ຕິດ​ພັນ​ກັບການ ແກ້​ໄຂ​ບັນຫາ​ຄູ​ອາສາ​ສະໝັກ ການ​ຂາດແຄນ​ຄູ​ສອນ ແລະ ການ ​ຂາດ​ຮຽນ​ຂອງ​ນັກຮຽນ​ໃນ​ເຂດ ຊົນນະບົດ ຕາມ 5 ນະໂຍບາຍ, ປັດຈຸບັນ ໄດ້​ປະຕິບັດ​ເງິນ​ນະໂຍ ບາຍ​ສຳລັບ​ຄູ​ອາສາ​ສະໝັກ​ຄື​ກັບ ​ຄູ​ທີ່​ເປັນ​ລັດຖະກອນ​ແລ້ວ; ສືບຕໍ່ ດຳເນີນການ​ຫັນ​ໂຮງໝໍ​ກຸ້ມ​ຕົນ​ເອງ​ ຂອງ 3 ໂຮງໝໍ​ສູນ​ກາງ ແລະ ສືບຕໍ່​ພັດທະນາ​ຕາ​ໜ່າງ​ການ​ບໍລິ ການ ສາທາລະນະ​ສຸກ​ໃນ​ທົ່ວ​ປະ ເທດ; 5.) ໄດ້​ໂຈະ​ໂຄງການ​ທົດ ​ລອງ ແລະ ຫັນ​ໄປ​ສູ່​ຮູບ​ການ​ປົກ ກະຕິ, ໂຈະ​ການ​ພິຈາລະນາ​ອະນຸ ມັດ​ໂຄງການ​ໃໝ່​ກ່ຽວ​ກັບ​ໂຄງ ການ​ຂຸດ​ຄົ້ນ​ແຮ່​ທາດ ເພື່ອ​ດຳເນີນ​ການ​ປະ​ເມີນ​ຄືນ ເຊິ່ງ​ໂຄງການ​ໃດ​ທີ່​ຈັດ​ຢູ່​ໃນ​ປະເພດ C+ ແລະ C ຈະ​ໄດ້​ມີ​ການ​ດຳເນີນ ຕາມ​ຂັ້ນ​ຕອນ​ທີ່​ກຳນົດ ໄວ້​ໃນ​ກົດໝາຍ; 6.) ລັດຖະບານ ໄດ້​ສະເໜີ​ໃຫ້​ ຄະນະ​ປະຈຳ​ສະພາ​ແຫ່ງ​ຊາດ ອອກ​ມະຕິຮັບຮອງ ການ​ຮັບ​ຮູ້​ ສິດ​ນຳ​ໃຊ້​ທີ່​ດິນໃນ​ເຂດ​ທີ່​ດິນ​ປ່າ ໄມ້ ຂອງ​ປະຊາຊົນ ເພື່ອ​ຂຶ້ນ​ທະ ບຽນ​ອອກ​ໃບ​ຕາດິນ ໃຫ້​ປະຊາ ຊົນ​ທີ່​ອາໄສ ແລະ ທຳ​ການ​ຜະລິດ ຢູ່​ໃນ 3 ປະເພດ​ປ່າ ເພື່ອ​ຮັບປະກັນ​ ການ​ອອກ​ໃບ​ຕາດິນ​ຢ່າງ​ແຂງ ແຮງ; ຕໍ່​​ທິດ​ທາງ​ແຜນການ 6 ເດືອນ​ທ້າຍ​ປີ 2024, ສະພາ​ແຫ່ງ​ຊາດ ໄດ້​ມອບ​ໃຫ້​ລັດຖະບານ ເພີ່ມ​ ຄວາມ​ເອົາໃຈໃສ່ ໃນ​ການ​ຜັນ​ຂະ ຫຍາຍມະຕິ​ ຂອງ​ກົມ​ການເມືອງ ​ສູນ​ກາງ​ພັກ ສະບັບ​ເລກ​ທີ 04/​ກມສພ, ລົງ​ວັນ​ທີ 11 ເມສາ 2024 ວ່າ​ດ້ວຍ​ການ​ສ້າງ​ເສດ ຖະກິດເອກະລາດ ເປັນ​ເຈົ້າ​ຕົນ ​ເອງ ໃນ​ໄລຍະ​ໃໝ່ ເຂົ້າ​ໃນ​ການ ຈັດຕັ້ງ​ຜະ​ຕິ​ບັດ ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ, ແຜນ​ງົບປະມານ​ແຫ່ງ​ລັດ ແລະ ແຜນ​ເງິນຕາ ແລະ ສືບຕໍ່​ປະຕິບັດ​ທິດ​ທາງ, ເປົ້າ​ໝາຍ​ລວມ ແລະ ແຜນ​ວຽກ​ຈຸດ​ສຸມ ຂອງ​ລັດຖະ ບານ ຕາມ​ທີ່​ໄດ້​ກຳນົດ​ໄວ້​ໃນ ມະຕິ ​ກອງ​ປະຊຸມ​ສະພາ​ແຫ່ງ​ຊາດ ໃຫ້​ບັນລຸ​ຕາມ​ແຜນການ; ສືບຕໍ່​ສຸມ​ໃສ່​ການ​ແກ້​ໄຂ​ບັນຫາ​ເຄັ່ງຮ້ອນ​ດ້ານ​ເສດຖະກິດ-ການ​ເງິນ ໂດຍ​ສະເພາະ ແກ້​ໄຂ​ບັນຫາ​ການ ເໜັງ​ ຕີງ​ ຂອງ​ອັດຕາ​ແລກປ່ຽນ, ການ​ເໜັງ​ຕີງ​ຂອງ​ລາຄາ​ສິນຄ້າ, ຢັບ​ ຢັ້ງ​ສະພາບ​ເງິນ​ເຟີ້​ບໍ່​ໃຫ້​ເພີ່ມ​ຂຶ້ນ ​ສູງ ແລະ ບັນຫາ​ໜີ້​ສິນ​ຕ່າງປະ ເທດ ດ້ວຍ​ການ​ບັງຄັບ​ໃຊ້​ບັນດາ​ມາດ​ຕະການ ທີ່​ໄດ້​ວ່າງ​ອອກ​ຢ່າງ​ ເຂັ້ມ​ງວດ; ຄົ້ນ​ຄວ້​​າ​ເພີ່ມເງິນ​ນະ ໂຍບາຍ, ເງິນ​ອຸດ​ໜູນ​ຄ່າ​ຄອງ​ຊີບ ໃຫ້​ແກ່​ພະນັກງານ-ລັດຖະກອນ, ທະຫານ, ຕຳຫຼວດ ແລະ ພະ ນັກງານ​ບຳນານ ໄປ​ພ້ອມ​ກັບ​ການ ປັບ​ຄ່າ​ແຮງ​ງານ​ຕ່ຳ​ສຸດ ໃຫ້​ໄປ​ຕາມ​ສະພາບ​ເສດຖະກິດ ແລະ ຄ່າ ຄອງ​ຊີບ ໃນ​ປັດຈຸ​ບັນ; ປັບປຸງ​ສະ ພາບ​ແວດ​ລ້ອມ ຂອງ​ການ​ລົງ ທຶນ ແລະ ການ​ດຳເນີນ​ທຸລະກິດ ຢູ່​ສປປ ລາວໃຫ້​ໂລ່ງ​ລ່ຽນຂຶ້ນ, ຕັດ​ ຂັ້ນ​ຂອດ​ທ່ີ​ອຸດ​ຕັນ​ອອກ​ໃຫ້ໄດ້, ສຸມ​ໃສ່​ແກ້​ໄຂ​ບັນຫາ​ການ​ສະ ໜອງ​ພະລັງງານ​ໄຟຟ້າ ບໍ່​ພຽງ ພໍ​ກັບ​ຄວາມ​ຕ້ອງການ, ພັດທະນາ ​ພະລັງງານ​ລົມ, ພະລັງງານ​ແສງ​ ອາທິດ ທີ່​ສາມາດ​ກໍ່ສ້າງ​ໄວ ໂດຍ ສະເພາະ ພະລັງງານ​ແສງ​ອາທິດ ໃນ​ເຂດ​ອ່າງ​ນໍ້້​​າ​ໜ້າ​ເຂື່ອນ​ໄຟຟ້າ, ເຂດ​ທີ່​ດິນ​ປອກ​ໂລ້ນ, ດິນ​ຫີນ​ແຮ່​ ທີ່​ບໍ່​ເໝາະ​ສົມ​ແກ່​ການ​ພັດທະ ນາ​ກະສິກຳ; ສືບຕໍ່​ສູ້​ຊົນ​ສຸມ​ໃສ່​ ການ​ເກັບ​ລາຍ​ຮັບ​ງົບປະມານ ປີ 2024 ໃຫ້​ໄດ້​ຕາມ​ແຜນ ຫຼື ເກີນ​ ແຜນ, ສຸມ​ໃສ່​ຂະຫຍາຍ​ຖານ​ລາຍ​ ຮັບ​ໃໝ່ ໃຫ້​ເພີ່ມ​ຂຶ້ນ, ເກັບ​ລາຍ​ ຮັບ​ຈາກ​ຖານ​ທີ່​ມີ​ຢູ່​ແລ້ວ​ໃຫ້​ຄົບ ​ຖ້ວນ, ເລັ່ງ​ການ​ຫັນ​ການ​ເກັບ​ລາຍ ​ຮັບ​ໃຫ້​ເປັນ​ທັນ​ສະໄໝ​ໃຫ້​ກວ້າງ ແລະ ກວມ​ເອົາ​ຫຼາຍ​ຂົງເຂດ ໂດຍ​ ສະເພາະ​ການ​ເກັບ​ລາຍ​ຮັບ​ຢູ່​ດ່ານ, ການ​ເກັບ​ລາຍ​ຮັບ​ຈາກ​ຄ່າ​ ທຳນຽມ, ຄ່າ​ບໍລິການ ແລະ ອື່ນໆ; ສືບຕໍ່​ພັດທະນາ​ພື້ນຖານ​ ໂຄງ​ລ່າງ​ການ​ກໍ່ສ້າງ​ປັບປຸງ​ເສັ້ນ ທາງ​ໃຫ້​ໄດ້​ຄຸນ​ນະ​ພາບ, ຖືກຕ້ອງ​ ຕາມ​ມາດຕະຖານ​ເຕັກນິກ ແລະ ໃຫ້​ສຳເລັດ​ຕາມ​ແຜນທີ່​ກຳນົດ​ໄວ້, ພ້ອມ​ທັງ​ປັບປຸງ​ລະບົບ​ຂົນ ສົ່ງ​ຕ່າງໆ​ໃຫ້​ມີ​ຄວາມ​ວ່ອງໄວ, ທັນ​ສະໄໝ ສາມາດ​ແຂ່ງຂັນ​ກັບ​ ພາກ​ພື້ນ ແລະ ສາກົນ; ສືບຕໍ່​ໂຄງ ການ​ປ້ອງ​ກັນ​ຕາຝັ່ງ​ຕາມ​ແມ່ນ້ຳ​ ຊາຍ​ແດນ ແລະ ຈັດ​ສັນ​ທຶນຮອນ ທີ່​ເໝາະ​ສົມ ໃຫ້​ວຽກ​ງານດັ່ງ ກ່າວ; ເອົາໃຈໃສ່​ຊຸກຍູ້​ສົ່ງເສີມ ການ​ຜະລິດ ໃຫ້​ແຂງແຮງ​ຂື້ນ​ ກວ່າ​ເກົ່າ ພ້ອມ​ທັງ​ຄົ້ນຄວ້າ​ປະ ​ເມີນ​ຄືນ ບັນດາ​ລາຍການ​ສິນຄ້າ ​ທີ່​ສາມາດ​ຜະລິດ​ໄດ້ ເປັນຕົ້ນ ຝຸ່ນ, ອາຫານ​ສັດ ຮັບປະກັນ​ການ​ສະໜອງ ແລະ ຊົມໃຊ້ ຢູ່​ພາຍ​ໃນ​ໃຫ້​ພຽງພໍ​ກັບ​ຄວາມ​ຕ້ອງການ ພ້ອມ​ທັງ​ມີ​ກົນ​ໄກ​ປະສານ​ສົມທົບ ລະຫວ່າງ ຂະແໜງ ກະສິກຳ ແລະ ປ່າໄມ້ ກັບ ຂະແໜງ​ອຸດສາຫະກຳ ແລະ ການ​ຄ້າ ຄົ້ນຄວ້າ​ກຳນົດ​ມາດ​ຕະການ ຈຳກັດ​ການ​ນຳ​ເຂົ້າ​ສິນຄ້າ ທີ່​ສາມາດ​ຜະລິດ​ໄດ້​ຢູ່​ພາຍ​ໃນ ແລະ ຫຼຸດຜ່ອນ​ການ​ສົ່ງ​ອອກ​ວັດຖຸ​ດິບ​ບາງ​ລາຍການ ທີ່​ຍັງ​ມີ​ຄວາມ​ຕ້ອງການ​ຊົມໃຊ້​ພາຍ​ໃນ ເປັນຕົ້ນ ຂີ້​ເບຍ ແລະ ອື່ນໆ ເພື່ອ​ຮັບປະກັນ​ການ​ຊົມໃຊ້​ພາຍ​ໃນ​ໃຫ້​ພຽງພໍ; ມອບ​ໃຫ້​ລັດຖະບານ ສຸມ​ໃສ່​ປັບປຸງ​ສະພາບ​ການ​ສຶກ​ສາ ແລະ ກໍ່ສ້າງ​ຊັບພະຍາກອນ​ມະນຸດ, ສືບຕໍ່​ປະຕິບັດ​ນະໂຍບາຍ ແລະ ມາດ​ຕະການ ໃນ​ການ​ແກ້​ ໄຂ​ການ​ປະລະ​ການ​ຮຽນ, ບັນຫາ​ການ​ຂາດແຄນ​ຄູ, ການ​ປະຕິບັດ​ນະໂຍບາຍ​ອຸດ​ໜູນ​ຄູ​ອາສາ​ສະ​ໜັກ ແລະ ແພດ​ອາສາ​ສະໝັກ ຕາມ​ມະຕິ​ເລກ​ທີ 09/​ລບ ໃຫ້​ເປັນ​ ຮູບ​ປະ​ທຳ​ຫຼາຍ​ຂຶ້ນ ເຖິງ​ວ່າ​ຍັງ​ມີ​ ຄວາມ​ຫຍຸ້ງຍາກ ທາງ​ດ້ານ​ເສດ ຖະກິດ-ການ​ເງິນ ກໍ​ໃຫ້​ເອົາໃຈໃສ່ ໃນ​ການ​ລົງທຶນເຂົ້າ​ໃນ​ຂະແໜງ​ສຶກ​ສາ​ທິ​ການ ແລະ ສາທາລະນະ​ສຸກ. ຊຸກຍູ້​ສົ່ງເສີມ​ການທ່ອງທ່ຽວ ໃນ​ປີ​ທ່ອງ​ທ່ຽວ​ລາວ ຕິດ​ພັນ​ກັບ​ການ​ເປັນ​ປະທານ​ອາ​ຊຽນ ແລະ ປະທານ​ໄອ​ປາ; ອີງ​ຕາມ​ ວາລະ​ກອງ​ປະຊຸມ ໃນ​ວັນ​ທີ 2 ກໍລະກົດ 2024 ທີ່​ຈະ​ມາ​ເຖິງ​ນີ້, ຜູ້​ແທນ​ກອງ​ປະຊຸມ ​ຈະ​ໄດ້​ລົງ​ຄະແນນ​ຮັບຮອງ ມະ ຕິ​ກອງ​ປະຊຸມ​ສະພາ​ແຫ່ງ​ຊາດ ກ່ຽວ​ກັບ ແຜນ​ພັດທະນາ​ເສດຖະ ກິດ-ສັງຄົມ​ແຫ່ງ​ຊາດ, ແຜນ​ງົບ ປະມານ​ແຫ່ງ​ລັດ ແລະ ແຜນ​ເງິນ ຕາ ໄລຍະ 6 ເດືອນ​ຕົ້ນ​ປີ ແລະ ແຜນການ 6 ເດືອນ​ທ້າຍ​ປີ 2024.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ