ກອງທັບປະຊາຊົນລາວ
 
ວັນເສົາ, ວັນທີ 13 ກໍລະກົດ 2024

  

ຂະແໜງສະຫະພັນແມ່ຍິງ ກອງພັນ​ໃຫຍ່ 941 ສະຫຼຸບ​ການປະຕິບັດ​ ຂໍ້​ແຂ່ງຂັນ 3 ດີ ແລະ ວຽກ​ງານ​ກຸ່ມ​ທ້ອນ​ເງິນ
ເວລາອອກຂ່າວ: 2024-06-25 09:32:37 | ຜູ້ຂຽນ : admin1 | ຈຳນວນຄົນເຂົ້າຊົມ: 98 | ຄວາມນິຍົມ:



ວັນ​ທີ 18 ມິຖຸນາ 2024 ນີ້, ຂະແໜງສະຫະພັນແມ່ຍິງກອງ ພັນ​ໃຫຍ່ 941 ໄດ້ສະຫຼຸບ​ການຈັດຕັ້ງ​ປະຕິບັດ​ຂໍ້​ແຂ່ງຂັນ 3 ດີ, ວຽກ​ງານ​ກຸ່ມ​ທ້ອນ​ເງິນ ໄລຍະ 4 ປີ (2021-2024) ແລະ ທິດ​ທາງ​ແຜນການ 5 ປີ, ໂດຍ​ການ​ເປັນ​ປະທານ ຂອງ​ສະຫາຍ ພັນ​ເອກ ນາງ ຫຼ້າ ຄຸນ​ນະ​ວົງສາ ຮອງ​ຫົວໜ້າ​ຫ້ອງການສະຫະພັນ​ແມ່ຍິງ​ກອງທັບ,ມີຄະ​ນະ​ພັກ-ຄະນະ​ບັນຊາ, ​ຕາງໜ້າ​ພະແນກການ, ​ກອງພັນ, ຂະແໜງ​ຊາວ​ໜຸ່ມ ແລະ ສະມາຊິກ​ແມ່ຍິງ​ທົ່ວ​ກອງພັນ​ໃຫຍ່ 941 ເຂົ້າ​ຮ່ວມ. ສະຫາຍ ພັນ​ໂທ ນາງ ຈັນ​ສອນ ພັນທະ​ວົງ ຫົວໜ້າ​ຂະແໜງ​ສະຫະພັນ​ແມ່ຍິງ ກອງພັນ​ໃຫຍ່ 941 ໄດ້​ຜ່ານ​ບົດ​ສະຫຼຸບ​ການຈັດຕັ້ງ​ປະຕິບັດ​ຂໍ້​ແຂ່ງຂັນ 3 ດີ ໃນ​ໄລຍະ 4 ປີຜ່ານມາ ແລະ ວາງ​ທິດ​ທາງ​ແຜນການ 5 ປີ​ໃນຕໍ່ໜ້າ, ຂະແໜງ​ສະຫະພັນ​ແມ່ຍິງ ໄດ້​ຮັບ​ການ​ນຳພາ-ຊີ້​ນຳ​ໂດຍ​ກົງ ແລະ ຮອບດ້ານ​ຈາກ​ພະແນກການ​ເມືອງ, ຄະນະ​ພັກ-ຄະນະ​ບັນຊາ​ ກອງພັນ​ໃຫຍ່ 941 ກໍ​ຄື​ ຫ້ອງການ​ສະຫະພັນ​ແມ່ຍິງ​ກອງທັບ ເຊິ່ງ​ໄດ້​ເຄື່ອນ​ໄຫວ​ຕາມ​ພາລະ​ບົດບາດ, ສິດ ແລະ​ໜ້າທີ່​ຂອງ​ຕົນ, ​ການຈັດຕັ້ງ​ປະຕິບັດ​ວຽກ​ງານ​ຂະ​ບວນ​ການ​ຂໍ້​ແຂ່ງຂັນ 3 ດີ ຂອງ​ສະຫະພັນ​ແມ່ຍິງ ໃນ​ໄລຍະ 4 ປີ ຜ່ານມາດຳເນີນ​ພາຍ​ໃຕ້​ບັນຍາກາດ​ທົ່ວ​ພັກ, ທົ່ວ​ກອງທັບ ແລະ ທົ່ວ​ປວງ​ຊົນ​ທັງ​ຊາດ ພວມ​ສຸມ​ໃສ່​ຈັດ​ຕັ້ງ​ຜັນ​ຂະ ຫຍາຍ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ, ມະຕິ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກ ກອງພັນ​ໃຫຍ່ 941, ມະຕິ​ກອງ​ປະຊຸມ​ໃຫຍ່​ຜູ້​ແທນ​ແມ່ຍິງ​ລາວ ຄັ້ງ​ທີ VIII ແລະ ​​8 ແຜນ​ງານ 26 ໂຄງການ. ​ຕະຫຼອດ​ໄລຍະ 4 ປີຜ່ານມາ ໄດ້​ສຸມ​ໃສ່ ໃນ​ດ້ານ​ການ​ນຳພາ-ຊີ້​ນຳ​ການຈັດຕັ້ງ​ປະຕິບັດ​ເນື້ອ​ໃນ​ຄຳ​ຂວັນ ແລະ ຂໍ້​ແຂ່ງຂັນ 3 ດີ ຕິດ​ພັນ​ກັບ​ໜ້າ​ທີ່​ການເມືອງ​ຂອງກົມ​ກອງ, ປຸກລະ​ດົມສະມາຊິກແມ່ຍິງເຂົ້າຮ່ວມຢ່າງເປັນຂະບວນການຟົດຟື້ນ. ຈາກ​ນັ້ນ, ສະຫາຍ ພັນ​ຕີ ນາງ​ ສຸກ​ໄພ​ວັນ ໄຊ​ຍະ​ສິດ ຊ່ວຍ​ວຽກ​ຂະແໜງ​ສະຫະພັນ​ແມ່ຍິງ ກອງພັນ​ໃຫຍ່ 941 ໄດ້​ຜ່ານ​ບົດ​ສະຫຼຸບ​ວຽກ​ງານ​ກຸ່ມ​ທ້ອນ​ເງິນ ປະຈຳ​ປີ 2023 ພ້ອມ ດຽວກັນນີ້, ບັນດາ​ສະຫາຍ​ຕາງໜ້າ ແລະ ສະມາຊິກ​​ແມ່ຍິງ ກໍໄດ້​ປະກອບ​ຄຳ​ຄິດ​ເຫັນ​ໃສ່​ບົດ​ສະຫຼຸບ ແລະ ທິດ​ທາງ​ແຜນການ ເພື່ອເຮັດ​ໃຫ້​ບົດ​ສະຫຼຸບ​ມີ​ເນື້ອ​ໃນຄົບ​ຖ້ວນ​ສົມບູນ. ໂດຍ: ​ ຂັນ​ທະວີ ແກ້ວ​ກາ​ໃຈ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ