ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ແລກປ່ຽນ​ວັດທະນະທຳ ກິລາ 4 ຝ່າຍ ລາວ, ຈີນ, ມຽນ​ມາ ແລະ ໄທ
ເວລາອອກຂ່າວ: 2024-06-25 09:35:33 | ຜູ້ຂຽນ : admin1 | ຈຳນວນຄົນເຂົ້າຊົມ: 115 | ຄວາມນິຍົມ:



ວັນ​ທີ 19 ມິຖຸນາ 2024 ນີ້, ແຂວງ​ບໍ່​ແກ້ວ ໄດ້​ເປັນ​ເຈົ້າພາບ​ຈັດ​ງານ​ພົບ​ປະ​ແລກປ່ຽນ​ວັດທະນະທຳ ກິລາ​ພະນັກງານ ​ປະຕິບັດ​ກົດໝາຍ ແລະ ລາດຕະ ເວ​ຮ່ວມ​ທາງນ້ຳ ຕາມ​ລຳ​ແມ່ນ້ຳ​ຂອງ 4 ປະເທດ (ຈີນ, ລາວ, ມຽນ​ມາ,ໄທ). ຝ່າຍ​ປະເທດ​ລາວ ນຳ​ໂດຍ ສະຫາຍ ພັນ​ເອກ ຄຳ​ເຫຼັກ ສາຍ​ຄຳ​ພວນ ຫົວໜ້າ​ຫ້ອງ​ການເມືອງ ກອງ​ບັນຊາ​ການ ທະຫານ​ແຂວງ​ຫຼວງ​ນ້ຳ​ທາ, ຝ່າຍ​ຈີນ ນຳພາ​ໂດຍ ສະຫາຍ ພົນ​ໂທ ຢວນ​ຢ້າ​ພິງ ຫົວໜ້າ​ກອງ​ບັນຊາ​ການ​ຕຳຫຼວດ​ລາດຕະເວນ​ທາງນໍ້າ ແຂວງ​ຢູນ​ນານ ​ສປ ຈີນ, ຝ່າຍ​ໄທ ນຳພາ​ໂດຍ ທ່ານ ພົນ​ໂທ ພານຸ​ວັດ ບົວ​ຊາຕິ ຫົວໜ້າ​ຕຳຫຼວດ​ພູທອນ​ພາກ 5, ຝ່າຍ ມຽນ​ມາ ນຳພາ​ໂດຍ ທ່ານ ພັນ​ໂທ ອ່ອງ​ຈໍ​ໂມ ຫົວໜ້າ​ກອງ​ບັນຊາ​ການ​ຕຳຫຼວດ​ນ້ຳ​ວັງ​ປຸງ. ພ້ອມ​ດ້ວຍ​ຄະນະ​ທີມ​ງານ​ນັກ​ກິລາ​ທັງ 4 ຝ່າຍ​ເຂົ້າ​ຮ່ວມ. ຈຸດປະສົງ​ໃນ​ການ​ຈັດການ​ແຂ່ງຂັນ​ກິລາ​ຄັ້ງ​ນີ້, ແມ່ນ​ເພື່ອ​ຕ້ອນຮັບ​ທີມ​ງານ​ລາດຕະເວນ 4 ຝ່າຍ ຕາມ​ລຳ​ແມ່ນ້ຳ​ຂອງ​ຕອນ​ເໜືອ ໃຫ້​ມີ​ຂະ​ບວນ​ການ​ຟົດຟື້ນ​ມ່ວນຊື່ນ ແລະ ເຕັມ​ໄປ​ດ້ວຍ​ຄວາມ​ໝາຍ​ຄວາມ​ສຳຄັນ ພ້ອມ​ດຽວ​ກັນ​ນັ້ນ, ກໍ​ເພື່ອ​ຮັດ​ແໜ້ນ​ຄວາມ​ສາມັກຄີ​ຮ່ວມ​ມື ໃຫ້​ນັບ​ມື້​​ແໜ້ນ​ແຟ້ນ​ຂຶ້ນ​ເລື້ອຍໆ. ການ​ແຂ່ງຂັນ​ກິລາ​ໃນ​ຄັ້ງ​ນີ້ ມີ​ທີມ​ນັກ​ກິລາ​ທັງ​ໝົດ 20 ທີມ ປະກອບ​ມີ 5 ປະເພດ​ກິລາ​ ຄື: ກິລາ ​ບານເຕະ, ກິລາ​ກະຕໍ້, ກິລາ​ ດອກ​ປີກ​ໄກ່ ຄູ່, ກິລາ​ ດອກ​ປີກ​ໄກ່​ ດ່ຽວ ແລະ ກິລາ​ ດຶງເຊືອກ. ການ​ແຂ່ງຂັນ​ຕົວ​ຈິງ​ສາມາດ​ສະຫຼຸບ​ໄດ້​ຄື: ກິລາ ​ບານເຕະ ທີມ​ນັກ​ກິລາ​ໄທ ສາມາດ​ຍາດ​ໄດ້ ອັນ​ດັບ​ທີ 1, ທີ 2 ມຽນ​ມາ, ທີ 3 ຮ່ວມ ລາວ-ຈີນ, ກິລາ ​ກະຕໍ້ ມຽນ​ມາ ສາມາດ​ຍາດ​ໄດ້ ອັນ​ດັບ​ທີ 1, ທີ 2 ໄທ, ທີ 3 ຮ່ວມ ລາວ-ຈີນ, ກິລາ​ ດອກ​ປີກ​ໄກ່ ​ຄູ່​ ຈີນ​ສາມາດ​ຍາດ​ໄດ້ ອັນ​ດັບ​ທີ 1, ທີ 2 ລາວ, ທີ 3 ຮ່ວມ​ມຽນມາ-ໄທ, ກິລາ ​ດອກ​ປີກ​ໄກ່​ດ່ຽວ ຈີນ​ສາມາດ​ຍາດ​ໄດ້​ອັນ​ດັບ​ທີ 1, ທີ 2 ​ລາວ, ທີ 3 ຮ່ວມ​ມຽນ​ມາ-ໄທ, ກິລາ​ດຶງເຊືອກ ຈີນ ອັນ​ດັບ​ທີ 1, ທີ 2 ລາວ, ທີ 3 ຮ່ວມ​ມຽນ​ມາ-ໄທ. ໂດຍ: ນາງ ນີ່ ທຳ​ມະ​ວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ