ກອງທັບປະຊາຊົນລາວ
 
ວັນເສົາ, ວັນທີ 13 ກໍລະກົດ 2024

  

ປະກາດສ້າງຕັ້ງ​ ໝວດ​ທະຫານ​ຮາບ​ປ້ອງ​ກັນ​ພາຍ​ໃນ ຂຶ້ນກັບ ກອງບັນຊາການທະຫານເມືອງ 4 ເມືອງ ໃນແຂວງສະຫວັນນະເຂດກອງ​ບັນຊາ​ການ​ທະຫານ​ແຂວງ​ສະຫວັນ​ນະ​ເຂດ
ເວລາອອກຂ່າວ: 2024-06-25 09:37:16 | ຜູ້ຂຽນ : admin1 | ຈຳນວນຄົນເຂົ້າຊົມ: 161 | ຄວາມນິຍົມ:



ພິທີ​ປະກາດ​ການສ້າງຕັ້ງ​ໝວດ​ທະຫານ​ຮາບ​ປ້ອງ​ກັນ​ພາຍ​ໃນ ກອງ​ບັນຊາ​ການ​ທະຫານ​ເມືອງ​ອາດ​ສະ​ພອນ​, ເມືອງ​ອາດ​ສະພັງ​ທອງ, ເມືອງ​ນອງ ແລະ ເມືອງ​ເຊ​ໂປນ ທີ່​ຂຶ້ນ​ກັບ​ກອງ​ບັນຊາ​ການ​ທະຫານ​ແຂວງ​ສະຫວັນ​ນະ​ເຂດ ໄດ້​ຈັດ​ຂຶ້ນ ໃນ​ກາງເດືອນມິຖຸນາ​​ຜ່ານ​ມາ, ໂດຍ​ມີ ສະຫາຍ ພັນ​ເອກ ຄຳ​ສາ ຮຽມ​ຈຳປາ ຫົວໜ້າ​ຫ້ອງ​ເສນາ​ທິ​ການ ກອງບັນຊາການທະຫານ​ແຂວງ​ສະຫວັນ​ນະ​ເຂດ​ ພ້ອມ​ຄະນະ, ມີ​ຄະນະ​ພັກ-ຄະນະ​ບັນຊາ, ແຂກ​ຖືກ​ເຊີນ, ຕະຫຼອດ​ຮອດ ນາຍ ແລະ ພົນທະຫານ​ພາຍ​ໃນ​ກົມ​ກອງ ເຂົ້າ​ຮ່ວມ. ສະຫາຍ ພັນ​ໂທ ສຸ​ກັນຍາ ດວງ​ປັນຍາ ຮອງ​ຫົວໜ້າ​ພະ​ແນກ​ກຳລັງ​ພົນ ຫ້ອງ​ເສນາ​ທິ​ການ​ ກອງບັນຊາການທະຫານ​ແຂວງ ໄດ້ ຜ່ານ​ຂໍ້​ຕົກລົງ ຂອງກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ສ້າງຕັ້ງ​ໝວດ​ທະຫານ​ຮາບ​ປ້ອງ​ກັນ​ພາຍ​ໃນຂຶ້ນ​ກັບ​ກອງ​ບັນຊາ​ການ​ທະຫານ​ເມືອງ​ອາດ​ສະ​ພອນ, ​​ເມືອງ​ອາດ​ສະພັງ​ທອງ, ​ເມືອງ​ນອງ ແລະ ​ເມືອງ​ເຊ​ໂປນ, ໂດຍ​ອີງ​ຕາມ​ແຜນ​ຍຸດ​ທະ​ສາດ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ປັບປຸງ​ກໍ່ສ້າງ​ກຳລັງ​ດ້ານ​ການຈັດຕັ້ງ ແລະ ການ​ປະກອບ​ຈຳນວນ​ພົນ, ອີງ​ຕາມ​ຂໍ້​ຕົກລົງ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ລະບຽບ​ການ, ຂັ້ນ​ຕອນ ແລະ ສິດ​ອະນຸມັດ ​ກ່ຽວ​ກັບ​ການ​ສ້າງຕັ້ງ, ຍຸບ​ຫົວໜ່ວຍ​ການຈັດຕັ້ງ​ຂອງ​ກອງທັບ ແລະ ຂໍ້​ກຳນົດ​ກ່ຽວ​ກັບ​ທີ່​ຕັ້ງ, ພາລະ​ບົດບາດ, ຂອບ​ເຂດ​ສິດ, ໜ້າທີ່​ການເຄື່ອນໄຫວ. ດັ່ງນັ້ນ, ກົມ​ໃຫຍ່​ເສນາ​ທິ​ການ​ກອງທັບ ຈຶ່ງ​ໄດ້​ຕົກລົງ​ສ້າງຕັ້ງ​ໝວດ​ທະຫານ​ຮາບ ລະຫັດ​ໝາຍ​ເລກ 103 ຂຶ້ນ​ກັບ​ກອງ​ບັນຊາ​ການ​ທະຫານ​ເມືອງ​ອາດ​ສະ​ພອນ, ລະຫັດ​ໝາຍ​ເລກ 109 ຂຶ້ນ​ກັບ​ກອງ​ບັນຊາ​ການ​ທະຫານ​ເມືອງ​ອາດ​ສະພັງ​ທອງ, ລະຫັດ​ໝາຍ​ເລກ 104 ຂຶ້ນ​ກັບ​ກອງ​ບັນຊາ​ການ​ທະຫານ​ເມືອງ​ນອງ ແລະ ລະຫັດ​ໝາຍ​ເລກ 105 ຂຶ້ນ​ກັບ​ກອງ​ບັນຊາ​ການ​ທະຫານ​ເມືອງ​ເຊ​ໂປນ ພ້ອມ​ທັງ, ປະກາດໂຄງ​ປະກອບ​ການຈັດຕັ້ງ, ຕຳ​ແໜງ​ງານ ແລະ ຈຳນວນ​ພົນ. ຈາກ​ນັ້ນ, ກໍ​ໄດ້​ຜ່ານ​ຂໍ້​ຕົກລົງ​ຂອງ​ກອງ​ບັນຊາ​ການ​ທະຫານ​ແຂວງ ວ່າ​ດ້ວຍ​ການ​ແຕ່ງຕັ້ງ​ ຫົວໜ້າ​ໝວດ, ຮອງ​ໝວດ, ຫົວໜ້າ​ໝູ່, ຮອງ​ໝູ່ ແລະ ວິຊາ​ສະເພາະ​ ຂອງ​ໝວດ​ທະຫານ​ຮາບ​ ຕື່ມ​ອີກ. ໂດຍ:ວິລະ​ພົງ ເທບ​ໂພ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ