ກອງທັບປະຊາຊົນລາວ
 
ວັນເສົາ, ວັນທີ 13 ກໍລະກົດ 2024

  

ສະຫຼຸບການນຳພາວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີຂອງກົມການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ
ເວລາອອກຂ່າວ: 2024-06-25 11:20:40 | ຜູ້ຂຽນ : admin2 | ຈຳນວນຄົນເຂົ້າຊົມ: 223 | ຄວາມນິຍົມ:



ກອງປະຊຸມສະຫຼຸບການນຳພາວຽກງານຮອບດ້ານ 6 ເດືອນຕົ້ນປີແລະທິດທາງແຜນການ 6 ເດືອນທ້າຍປີຂອງກົມການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ໄຂຂຶ້ນວັນທີ 24 ມິຖຸນາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ຮສ ປອ ສົມພອນ ສີສຸວັນນະ ຮອງຫົວໜ້າການເມືອງ ຫົວໜ້າກົມການເມືອງ ວປກ, ມີຄະນະພັກ-ຄະນະບັນຊາ, ພະແນກການ, ພ້ອມດ້ວຍພະນັກງານ-ນັກຮົບທົ່ວກົມການເມືອງ ວປກ ເຂົ້າຮ່ວມ. ສະຫາຍ ພັນໂທ ຈັນດາ ໄຊຈະເລີນ ຮອງຫົວໜ້າກົມການເມືອງ ວປກ ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດໜ້າທີ່ວຽກງານ 6 ເດືອນຕົ້ນປີແລະທິດທາງແຜນການ 6 ເດືອນທ້າຍປີ 2024, ເຊິ່ງສະຫາຍໄດ້ຍົກໃຫ້ເຫັນດ້ານດີ, ດ້ານອ່ອນແລະຂໍ້ຄົງຄ້າງ. ເຊິ່ງໄລຍະຜ່ານມາຄະນະພັກ-ຄະນະບັນຊາ ກົມການເມືອງ ວປກ ໄດ້ເອົາໃຈໃສ່ຊີ້ນໍາໂດຍກົງຮອບດ້ານກ່ຽວກັບຂົງເຂດວຽກງານສຶກສາອົບຮົມການເມືອງແນວຄິດໃຫ້ພະນັກງານ-ນັກຮົບໃຫ້ມີຄວາມອຸ່ນອ່ຽນທຸ່ນທ່ຽງເຊື່ອໝັ້ນຕໍ່ການນໍາພາຂອງພັກ, ມີສະຕິຕື່ນຕົວສູງຕອບຕ້ານຕໍ່ກົນອຸບາບຫັນປ່ຽນໂດຍສັນຕິຂອງສັດຕູ, ເອົາໃຈໃສ່ຍົກສູງລະດັບຄວາມຮູ້, ຄວາມສາມາດດ້ານວິຊາສະເພາະໃຫ້ແກ່ພະນັກງານ-ນັກຮົບໃຫ້ມີຄວາມຊໍານິຊໍານານຄ່ອງແຄ້ວຮັບປະກັນເຮັດສຳເລັດໜ້າທີ່ຕໍ່ກັບວຽກງານ, ຄະນະພັກ-ຄະນະບັນຊາກົມການເມືອງຕ້ອງໄດ້ເອົາໃຈໃສ່ຈັດຕັ້ງພະນັກງານລົງກໍ່ສ້າງຮາກຖານການເມືອງໜັກແໜ້ນ ມີຄວາມຕື່ນຕົວປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ, ຕອບຕ້ານປະກົດການຫຍໍ້ທໍ້ຕ່າງໆ, ລົງກໍ່ສ້າງຮາກຖານປະຊາຊົນຕາມກຸ່ມບ້ານ, ຕາມການມອບໝາຍ ໂດຍຕິດພັນກັບການໂຄສະນາໃຫ້ເຂົາເຈົ້າເຊື່ອມຊຶມກໍາແໜ້ນແນວທາງນະໂຍບາຍຂອງພັກ-ລັດ ໃນໄລຍະໃໝ່ເອົາໃຈໃສ່ສືກສາອົບຮົມການເມືອງນໍາພາແນວຄິດໃຫ້ພະພັກງານ-ນັກຮົບມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິບັດ, ມີແນວຄິດອຸ່ນອ່ຽນທຸ່ນທ່ຽງເຊື່ອໝັ້ນຕໍ່ການນໍາພາຂອງພັກ-ລັດ, ປະຕິບັດຂໍ້ກໍານົດກົດລະບຽບຂອງກອງທັບວາງອອກຢ່າງເຂັ້ມງວດ, ຈັດຕັ້ງກໍາລັງປ້ອງກັນທີ່ຕັ້ງເຮັດໜ້າທີ່ເວນຍາມ, ເຄື່ອນໄຫວກວດກາຕາມຂອບເຂດຮັບຜິດຊອບໃຫ້ມີຄວາມສະຫງົບ, ປະຕິບັດມະຕິຄໍາສັ່ງຂອງຂັ້ນເທິງ, ມີລະບົບປະຈໍາການຕະຫຼວດ 24 ຊົ່ວໂມງ. ຈາກນັ້ນຜູ້ເຂົ້າຮ່ວມກອງປະຊຸມຍັງໄດ້ພ້ອມພາກັນຂຶ້ນປະກອບຄໍາຄິດ-ຄິດເຫັນໃສ່ບົດສະຫຼຸບແລະທິດທາງແຜນການຢ່າງກົງໄປກົງມາ, ເພື່ອພ້ອມພາກັນສຸມໃສ່ຈັດຕັ້ງປະຕິບັດແຜນການ 6 ເດືອນທ້າຍປີ 2024 ໃຫ້ເປັນຮູບປະທໍາຕົວຈິງມີຜົນສໍາເສັດຕາມລະດັບຄາດໝາຍອີກດ້ວຍ. ໂອກາດນີ້, ສະຫາຍ ພົນຈັດຕະວາ ຮສ ປອ ສົມພອນ ສີສຸວັນນະ ຍັງໄດ້ຍ້ອງຍໍຊົມເຊີຍຕໍ່ຜົນງານຂອງນາຍ ແລະ ພົນທະຫານທົ່ວ ກົມການເມືອງ ວປກ ສາມາດສ້າງໄດ້ຜົນງານ 6 ເດືອນຜ່ານມາ, ພ້ອມນັ້ນຍັງເນັ້ນໜັກໃຫ້ ຄະນະພັກ-ຄະນະບັນຊາກົມການເມືອງ ວປກ ໃຫ້ສືບຕໍ່ຊີ້ນໍາ-ນໍາພາກົມກອງເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບ ກໍ່ຄືກົມກອງວາງອອກ ເພື່ອຈັດຕັ້ງຜັນຂະຫຍາຍເຂົ້າໃນການປະຕິດບັດໜ້າທີ່ການເມືອງຂອງຕົນໃຫ້ເກີດດອກອອກຜົມ, ເອົາໃຈໃສ່ປັບປຸງກໍ່ສ້າງພະນັກງານໃຫ້ໜັກແໜ້ນເຂັ້ມແຂງ, ກໍາແໜ້ນໜ້າທີ່ການເມືອງຂອງຕົກແລະກອງທັບແຕ່ລະໄລຍະ, ປັບປຸງກໍ່ສ້າງແບບແຜນວິທີເຮັດວຽກງານກຽມພ້ອມເຮັດສໍາເລັດທຸກໜ້າທີ່ວຽກງານຕາມການມອບໝາຍຂອງຂັ້ນເທິງ. ພາບ-ຂ່າວ: ເຂັງພອນ ແກ້ວຄໍາລຽງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ