ວັນພຸດ, ວັນທີ 11 ກັນຍາ 2024
ປາຖະກະຖາ ວັນສ້າງຕັ້ງສະຫະພັນແມ່ຍິງລາວ ຄົບຮອບ 69 ປີ
ເວລາອອກຂ່າວ: 2024-07-31 10:32:01 | ຜູ້ຂຽນ : admin1 | ຈຳນວນຄົນເຂົ້າຊົມ: 444 | ຄວາມນິຍົມ: 
ໃນບໍ່ດົນຜ່ານມານີ້, ພະແນກສະຫະພັນແມ່ຍິງ ກອງບັນຊາການທະຫານແຂວງຈຳປາສັກ ໄດ້ຈັດຕັ້ງປາຖະກະຖາມູນເຊື້ອ ວັນສ້າງຕັ້ງສະຫະພັນແມ່ຍິງລາວ ຄົບຮອບ 69 ປີ, ໂດຍການເປັນປະທານຂອງ ສະຫາຍ ພັນເອກ ສິດປະເສີດ ນວນມະນີວົງ ຫົວໜ້າການທະຫານ ກອງບັນຊາການທະຫານແຂວງຈຳປາສັກ, ມີສະຫາຍ ພັນໂທ ນາງ ສີຫາ ກັນ ຍາວົງ ຄະນະບໍລິຫານງານສະຫະ ພັນແມ່ຍິງແຂວງ, ຫົວໜ້າພະແນກສະຫະພັນແມ່ຍິງກອງບັນ ຊາການທະຫານແຂວງຈຳປາສັກ, ມີຄະນະພັກ-ຄະນະບັນຊາອົງການ, ກົມກອງອ້ອມຂ້າງ, ພະ ນັກງານອາວຸໂສບຳນານ, ອາດີດການນຳແມ່ຍິງທະຫານແຂວງ ຕະຫຼອດຮອດ ສະມາຊິກແມ່ຍິງເຂົ້າຮ່ວມ.
ໂອກາດນີ້, ສະຫາຍ ພັນເອກ ສິດປະເສີດ ນວນມະນີວົງ ໄດ້ທົບທວນຫວນຄືນ ມູນເຊື້ອວັນສ້າງຕັ້ງສະຫະພັນແມ່ຍິງລາວ, ໄດ້ຍົກໃຫ້ເຫັນການກຳເນີດເຕີບໃຫຍ່ຂະຫຍາຍຕົວ, ລວມທັງຜົນ ງານອັນພົ້ນເດັ່ນ ຂອງອົງການ ຈັດຕັ້ງສະຫະພັນແມ່ຍິງລາວຕະ ຫຼອດໄລຍະ 69 ປີຜ່ານມາ, ເຊິ່ງເອື້ອຍນ້ອງແມ່ຍິງລາວໃນເມື່ອກ່ອນ ແມ່ນໄດ້ປະກອບສ່ວນອຸທິດເຫື່ອແຮງ, ສະຕິປັນຍາເຂົ້າໃນພາລະກິດຕໍ່ສູ້ກູ້ຊາດ, ຄຽງບ່າຄຽງໄຫຼ່ກັບເພດຊາຍ ດ້ວຍຄວາມອົງອາດກ້າຫານ, ແມ່ຍິງລາວຈຳນວນບໍ່ໜ້ອຍ ຖືກສັດຕູຈັບຄຸມຂັງ, ທຸບຕິທໍລະມານ, ຖືກບັງຄັບໃຫ້ໄຂຄວາມລັບ ແຕ່ແມ່ຍິງເດັດຂາດບໍ່ຍອມຈຳນົນ, ບໍ່ຍອມໄຂຄວາມລັບ, ເດັດດ່ຽວຕໍ່ສູ້ຢ່າງພິລະອາດຫານ, ທໍລະຫົດອົດທົນ. ພາຍຫຼັງປະເທດຊາດໄດ້ຮັບການປົດປ່ອຍ ແມ່ຍິງລາວບັນດາເຜົ່າ ໄດ້ສືບຕໍ່ເສີມຂະຫຍາຍມູນເຊື້ອຂອງສະຫະພັນແມ່ຍິງແຕ່ລະຮຸ້ນ, ຕັ້ງໜ້າປະ ກອບສ່ວນເຂົ້າໃນພາລະກິດປົກ ປັກຮັກສາ ແລະ ສ້າງສາພັດທະ ນາປະເທດຊາດ, ປະຕິບັດພາລະບົດບາດ ແລະ ໜ້າທີ່ການເມືອງຂອງຕົນ, ພ້ອມທັງຜັນຂະຫຍາຍມະຕິກອງປະຊຸມໃຫຍ່ຂອງຜູ້ແທນແມ່ຍິງລາວແຕ່ລະຄັ້ງ ໄດ້ຮັບຜົນສຳເລັດເປັນກ້າວໆມາ. ການປາຖະກະຖາໃນຄັ້ງນີ້, ກໍເພື່ອເປັນການສຶກສາອົບຮົມ ເຮັດໃຫ້ສະມາຊິກແມ່ຍິງ ໄດ້ເຊື່ອມຊຶມກຳແໜ້ນຕື່ມ ມູນເຊື້ອຂອງສະຫະພັນແມ່ຍິງລາວແຕ່ລະຮຸ່ນ ພ້ອມທັງຜັນຂະຫຍາຍມູນເຊື້ອດັ່ງກ່າວ ເຂົ້າໃນພຶດຕິກຳຕົວຈິງ, ເປັນພື້ນຖານບ່ອນອີງໃນການເຝິກຝົນຫຼໍ່ຫຼອມຕົນເອງ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ແລະ ປະກອບສ່ວນຢ່າງຕັ້ງໜ້າ ເຂົ້າໃນການປະຕິບັດໜ້າທີ່ວຽກງານດ້ານຕ່າງໆ ຂອງກົມກອງ.
ໂດຍ: ສົມພອນ ພົງສະຫວັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
