ວັນພຸດ, ວັນທີ 11 ກັນຍາ 2024
ທະຫານແຂວງໄຊຍະບູລີ ຊ່ວຍເຫຼືອນັກທຸລະກິດຊາວຈີນລ້ຽງປາກະຊັງ
ເວລາອອກຂ່າວ: 2024-08-01 09:13:36 | ຜູ້ຂຽນ : admin1 | ຈຳນວນຄົນເຂົ້າຊົມ: 381 | ຄວາມນິຍົມ: 
ໃນວັນທີ 26 ກໍລະກົດ 2024, ກອງບັນຊາການທະຫານແຂວງໄຊຍະບູລີ ໄດ້ຈັດຕັ້ງກຳລັງພະນັກງານ-ນັກຮົບ ຈຳນວນ 20 ສະຫາຍ ລົງຊ່ວຍເຫຼືອນັກທຸລະກິດຊາວຈີນ ທີ່ລ້ຽງປາກະຊັງ ຢູ່ ບ້ານທ່າເດື່ອ ເມືອງ ແລະ ແຂວງໄຊຍະບູລີ ເພື່ອປ້ອງກັນບໍ່ໃຫ້ຖືກຜົນກະທົບຈາກໄພທຳມະຊາດ, ໂດຍການນຳພາຂອງ ສະຫາຍ ພັນເອກ ປອ ບຸນຍອງ ດວງດີ ຫົວໜ້າການທະຫານ ກອງບັນ ຊາການທະຫານແຂວງໄຊຍະບູລີ.
ການລົງຊ່ວຍເຫຼືອໃນຄັ້ງນີ້, ເພື່ອຕອບສະໜອງຕາມການຂໍຄວາມຊ່ວຍເຫຼືອຈາກນັກທຸລະກິດຊາວຈີນ ທີ່ລ້ຽງປາກະຊັງ ທີ່ຄາດວ່າ ອາດຈະໄດ້ຮັບຜົນກະທົບຈາກໄພທຳມະຊາດ ເພາະໃນບໍລິເວນດັ່ງກ່າວແມ່ນມີໄມ້ທີ່ໄຫຼມາຈາກທາງພາກເໜືອຂອງລາວມາເຕົ້າກັນຢູ່ເປັນຈຳນວນຫຼວງຫຼາຍ. ດັ່ງນັ້ນ, ນັກທຸລະກິດຊາວຈີນ ຈຶ່ງໄດ້ປະສານຂໍຄວາມຊ່ວຍເຫຼືອນຳກຳລັງພະນັກງານ-ນັກຮົບ ກອງບັນຊາການທະຫານແຂວງໄຊຍະບູລີ ລົງໄປຊ່ວຍເຫຼືອ ໃນເບື້ອງຕົ້ນກຳລັງພະນັກງານ-ນັກຮົບ ໄດ້ພ້ອມກັນເວນຍາມ ໃຊ້ໄມ້ຍູ້ໄມ້ທີ່ໄຫຼມາອອກຈາກກະຊັງລ້ຽງປາ ເພື່ອເຮັດໃຫ້ໄມ້ດັ່ງກ່າວບໍ່ສາມາດເຂົ້າມາປ້ານຖົມກະຊັງລ້ຽງປາ ແລະ ບໍ່ກໍ່ໃຫ້ເກີດຜົນເສຍຫາຍຕາມມາໄດ້.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
