ວັນພະຫັດ, ວັນທີ 12 ກັນຍາ 2024
ໂຮງຮຽນການທະຫານທ້ອງຖິ່ນແຂວງຫຼວງພະບາງ ປິດຊຸດຮຽນກໍ່ສ້າງນາຍສິບ ຊຸດທີ IX
ເວລາອອກຂ່າວ: 2024-08-01 09:15:09 | ຜູ້ຂຽນ : admin1 | ຈຳນວນຄົນເຂົ້າຊົມ: 382 | ຄວາມນິຍົມ: 
ພິທີປິດຊຸດຮຽນກໍ່ສ້າງນາຍສິບ ຊຸດທີ IX ສົກຮຽນ 2023–2024 ຂອງໂຮງຮຽນການທະຫານທ້ອງຖິ່ນ ກອງບັນຊາການທະຫານແຂວງຫຼວງພະບາງ ໄດ້ຈັດຂຶ້ນໃນວັນທີ 26 ກໍລະກົດ 2024, ໂດຍການເປັນປະທານຂອງ ສະຫາຍ ພັນເອກ ຄຳສອນ ໂພທິວັນ ຫົວໜ້າຫ້ອງເສນາທິການ ທະຫານແຂວງຫຼວງພະບາງ, ມີຄະນະພັກ-ຄະນະບັນຊາ ອົງການ 6 ຫ້ອງ, ພະແນກການກ່ຽວຂ້ອງ, ຄະນະອຳນວຍການໂຮງຮຽນ, ພະນັກງານຄູ-ອາຈານ ແລະ ນັກຮຽນກໍ່ສ້າງນາຍສິບ ເຂົ້າຮ່ວມ.
ສະຫາຍ ພັນໂທ ຄຳວອນ ທຳມະວົງ ຫົວໜ້າການທະຫານໂຮງຮຽນການທະຫານທ້ອງຖິ່ນ ໄດ້ຜ່ານບົດສະຫຼຸບຕີລາຄາຜ່ານການຮຽນ-ການສອນໄລຍະ 1 ປີຜ່ານມາ ມີນັກຮຽນນາຍສິບ ຊຸດທີ IX ມີທັງໝົດ 152 ສະຫາຍ, ກຳນົດເວລາຮຽນມີ 341 ວັນ, ເນື້ອໃນການອົບຮົມປະກອບມີວິຊາການເມືອງ, ພາສາອັງກິດ, ຄອມພິວເຕີ, ພະລາທິການ, ເສນາທິການ, ກິລາ, ສິລະປະຍຸດ ແລະ ຍຸດທະວິທີ. ຜ່ານການອົບຮົມສາ ມາດສະເລ່ຍຜົນໄດ້ຮັບບັນລຸໄດ້ 99,9%. ໃນໂອກາດດັ່ງກ່າວ ຍັງໄດ້ມອບໃບປະກາສະນີຍະບັດ ແລະ ປະດັບຊັ້ນໃຫ້ ນັກຮຽນກໍ່ສ້າງ
ນາຍສິບ ຊຸດທີ IX ຢ່າງສົມກຽດ.
ສະຫາຍ ພັນເອກ ຄຳສອນ ໂພທິວັນ ໄດ້ຮຽກຮ້ອງໃຫ້ ຄະນະພັກ-ຄະນະອຳນວຍການ ພ້ອມດ້ວຍຄູ-ອາຈານ ເພີ່ມທະວີປັບປຸງຫຼັກສູດການຮຽນ-ການສອນ
ໃຫ້ດີຂຶ້ນກວ່າເກົ່າ; ສຳລັບນັກຮຽນນາຍສິບ ພາຍຫຼັງກັບຄືນກົມກອງໃຫ້ສືບຕໍ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິ
ວັດ, ຍົກສູງສະຕິຕໍ່ການຈັດຕັ້ງ, ເປັນແບບຢ່າງນຳໜ້າເຄົາລົບກົດໝາຍລັດ, ປະຕິບັດຂໍ້ກຳນົດ, ກົດລະບຽບຂອງກອງທັບ ໃຫ້ເຂັ້ມງວດ ເພື່ອສ້າງເງື່ອນໄຂໃຫ້ຕົນເອງກາຍເປັນພະນັກງານຜູ້ສືບຖອດທີ່ດີຂອງພັກ, ຂອງກອງທັບ.
ໂດຍ: ສົມພອນ ສຸວັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
