ວັນພຸດ, ວັນທີ 11 ກັນຍາ 2024
ປະກາດການສ້າງຕັ້ງກອງຮ້ອຍທີ່ຂຶ້ນກັບກອງບັນຊາການ ທະຫານເມືອງ ແຂວງໄຊຍະບູລີ
ເວລາອອກຂ່າວ: 2024-08-01 09:19:47 | ຜູ້ຂຽນ : admin1 | ຈຳນວນຄົນເຂົ້າຊົມ: 401 | ຄວາມນິຍົມ: 
ພິທີປະກາດການສ້າງຕັ້ງ ກອງຮ້ອຍ ທີ 38 ທີ່ຂຶ້ນກັບກອງບັນຊາການທະຫານເມືອງແກ່ນທ້າວ, ກອງຮ້ອຍ ທີ 39 ຂຶ້ນກັບກອງບັນຊາການ ທະຫານເມືອງບໍ່ແຕນ ແລະ ໝວດ ທີ 35 ຂຶ້ນກັບກອງບັນຊາການທະຫານເມືອງພຽງ ກອງບັນຊາການທະຫານແຂວງໄຊຍະບູລີ ໄດ້ຈັດຂຶ້ນ ໃນວັນທີ 26 ກໍລະກົດ 2024 ນີ້, ທີ່ ກອງບັນຊາການທະຫານ ແຂວງໄຊຍະບູລີ, ໂດຍການເປັນປະທານ ຂອງສະຫາຍ ພັນເອກ ດາວນ້ອຍ ບຸດບົວທອງ ຫົວໜ້າການເມືອງ ກອງບັນຊາການທະຫານແຂວງໄຊຍະບູລີ, ມີ ສະຫາຍ ພັນເອກ ບຸນເພັງ ເທບພະພອນ ຮອງຫົວໜ້າກົມກຳລັງພົນ ກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາ ອົງການ 5 ຫ້ອງ, ຫົວໜ້າພະແນກ-ຮອງພະແນກ, ແຂກຖືກເຊີນ ແລະ ພະນັກງານຫຼັກແຫຼ່ງເຂົ້າຮ່ວມ.
ສະຫາຍ ພັນເອກ ໄວຍາກອນ ເພັດສະລາດ ຫົວໜ້າຫ້ອງເສນາທິການ ກອງບັນຊາການທະຫານແຂວງໄຊຍະບູລີ ໄດ້ຜ່ານຂໍ້ຕົກລົງ ຂອງກົມໃຫຍ່ເສນາທິການກອງທັບ ວ່າດ້ວຍການສ້າງຕັ້ງກອງຮ້ອຍ ທີ 38 ຂຶ້ນກັບກອງບັນຊາການທະຫານ ເມືອງແກ່ນທ້າວ, ການສ້າງຕັ້ງກອງຮ້ອຍ ທີ 39 ທີ່ຂຶ້ນກັບກອງບັນຊາການທະຫານ ເມືອງບໍ່ແຕນ ແລະ ການສ້າງຕັ້ງໝວດ ທີ 35 ຂຶ້ນກັບກອງບັນຊາການທະຫານເມືອງພຽງ ກອງບັນຊາການທະຫານແຂວງໄຊຍະບູລີ. ຈາກນັ້ນ, ສະຫາຍ ພັນໂທ ບຸນມີ ໄຊສັນຕິ ຫົວໜ້າພະແນກພະນັກງານ ກອງບັນຊາການທະຫານແຂວງໄຊຍະບູລີ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງໄຊຍະບູລີ ວ່າດ້ວຍການແຕ່ງຕັ້ງຄະນະກອງຮ້ອຍ ທີ 38 ແລະ 39 ທີ່ຂຶ້ນກັບ
ກອງບັນຊາການທະຫານເມືອງແກ່ນທ້າວ ແລະ ຂຶ້ນກັບກອງບັນຊາການທະຫານເມືອງບໍ່ແຕນ ກອງບັນຊາກການທະຫານແຂວງໄຊຍະບູລີ ເຊິ່ງໄດ້ຕົກລົງແຕ່ງຕັ້ງ ສະຫາຍ ພັນຕີ ບຸນລ້ຳ ແກ້ວວົງສາ ເປັນຫົວໜ້າການເມືອງ ກອງຮ້ອຍທີ 38, ສະຫາຍ ຮ້ອຍເອກ ອານົງ ແກ້ວກັນຍາ ເປັນຫົວໜ້າການທະຫານກອງຮ້ອຍ ທີ 38, ສະຫາຍ ຮ້ອຍໂທ ສອນສຸດາ ຄຳພູວົງ ເປັນຮອງການເມືອງ ກອງຮ້ອຍ ທີ 38, ສະຫາຍ ຮ້ອຍຕີ ກົມມະລີ ຫອມຈັນ ເປັນຮອງການທະຫານ ກອງຮ້ອຍ
ທີ 38, ສະຫາຍ ພັນຕີ ບຸນແພງ ແສງມະນີ ເປັນຫົວໜ້າການເມືອງ ກອງຮ້ອຍ ທີ 39, ສະຫາຍ ພັນຕີ ສົມບັດ ສີທຳມະລາດ ເປັນຫົວໜ້າການທະຫານ ກອງ
ຮ້ອຍ ທີ 39, ສະຫາຍ ຮ້ອຍເອກ ສົມດີ ດວງພະຈັນ ເປັນຮອງການເມືອງ ກອງຮ້ອຍທີ 39, ສະຫາຍ ຮ້ອຍຕີ ແຟນຕ໋າ ຈັນທະລັກ ເປັນຮອງຫົວໜ້າການທະຫານ ກອງຮ້ອຍ ທີ 39.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
