POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ກທອ ສະຫຼຸບວຽກງານຮອບດ້ານ ປະຈຳ 6 ເດືອນຕົ້ນປີ 2024
ເວລາອອກຂ່າວ: 2024-08-01 09:23:41 | ຜູ້ຂຽນ : admin1 | ຈຳນວນຄົນເຂົ້າຊົມ: 439 | ຄວາມນິຍົມ:

ວັນທີ 26 ກໍລະກົດ 2024 ນີ້, ກອງບັນຊາການທະຫານອາກາດ (ກທອ) ໄດ້ສະຫຼຸບວຽກງານຮອບດ້ານປະຈຳ 6 ເດືອນຕົ້ນປີ ແລະ ວາງທິດທາງແຜນການທ້າຍປີ 2024 ໂດຍການເປັນປະທານຂອງ ສະຫາຍ ພັນເອກ ຄຳຫຼ້າ ສິມມະວົງ ຮອງຫົວໜ້າກອງບັນຊາການ, ຫົວໜ້າຫ້ອງການເມືອງ ກອງບັນຊາການທະຫານອາກາດ, ມີຄະນະພັກ-ຄະນະບັນຊາອົງການ 6 ຫ້ອງ, ກອງພັນໃຫຍ່ 702, 703 ແລະ ກົມກອງຮາກຖານເຂົ້າຮ່ວມ. ສະຫາຍ ພັນໂທ ລຸນທອງ ຍອດອາລຸນ ຫົວໜ້າພະແນກແຜນ ການ-ສັງລວມ ຫ້ອງການ ແລະ ບໍລິຫານ ກອງບັນຊາການທະ ຫານອາກາດ ໄດ້ຍົກໃຫ້ເຫັນຜົນ ງານຫຼາຍດ້ານທີ່ສ້າງມາໄດ້ເປັນ ຕົ້ນແມ່ນວຽກງານຮັບປະກັນເຮັດໃຫ້ສະພາບມີຄວາມສະຫງົບ, ວຽກງານການຊີ້ນຳ-ນຳພາ, ວຽກງານອົບຮົມ-ຫັດແອບການ ບິນ ແລະ ວຽກງານອື່ນໆ ທີ່ປິ່ນ ອ້ອມໜ້າທີ່ການເມືອງຂອງກົມ ກອງ. ໃນນັ້ນໄດ້ດຳເນີນຊີວິດ ການເມືອງເປັນປະຈຳ, ຈັດຕັ້ງຄະ ນະປະຈຳການ, ສິດປະຈຳການ ແລະ ກຳລັງປະຈຳການກຽມ ພ້ອມສູ້ຮົບ ແລະ ກອບກູ້ໄພພິບັດຕະຫຼອດ 24 ຊົ່ວໂມງ ເພື່ອຕິດ ຕາມ, ເກັບກຳສະພາບການກຸ່ມຄົນບໍ່ຫວັງດີທີ່ຫວັງທຳລາຍມ້າງ ເພ ແລະ ກໍ່ຄວາມບໍ່ສະຫງົບ, ສະກັດກັ້ນປະກົດການຫຍໍ້ທໍ້ຢູ່ພາຍໃນໃຫ້ມີຄວາມສະຫງົບໂດຍພື້ນຖານ, ເອົາໃຈໃສ່ໃກ້ສິດຕິດແທດຊຸກຍູ້ອົງການຈັດຕັ້ງມະຫາຊົນຊາວໝຸ່ມ-ແມ່ຍິງເປັນກຳລັງແຮງສັງລວມຂອງກົມກອງ ແລະ ປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງ; ສະ ເພາະວຽກງານອັນພົ້ນເດັ່ນທີ່ກົມກອງສ້າງມາໄດ້ໃນ 6 ເດືອນຕົ້ນ ປີ 2024 ນີ້ ແມ່ນວຽກງານແຜນ ການບິນ, ສື່ສານ, ຄຸ້ມຄອງການ ບິນ, ວຽກງານກຽມພ້ອມສູ້ຮົບ ແລະ ວຽກງານກໍ່ສ້າງນັກບິນ ຮັບຜິດຊອບ MI-17 ຈຳນວນ 4 ສະຫາຍ, Z-9 ຈຳນວນ 4 ສະຫາຍ, AN -26 ຈຳນວນ 1 ສະຫາຍ, ກໍ່ສ້າງ ແລະ ຮຽນປ່ຽນຊະນິດເຮືອບິນ K-8 ຈຳນວນ 8 ສະຫາຍ ເພື່ອຮັບປະກັນໃຫ້ວຽກງານການບິນ ແລະ ວິຊາສະເພາະ ໃຫ້ມີຜົນສຳເລັດເປັນຢ່າງດີ; ການລຳລຽງຂົນສົ່ງການບິນຕົວຈິງໄດ້ 2.681 ຖ້ຽວ, 1.223 ຊົ່ວໂມງ 50 ນາທີ, ໂດຍສານ 12.020, ນ້ຳໜັກ 294.980 ກິໂລກຣາມ. ນອກນັ້ນ, ຍັງໄດ້ຊີ້ນຳຄະນະພັກ- ຄະນະບັນຊາແຕ່ລະຂັ້ນສຸມ ໃສ່ວຽກງານຮັບປະກັນສ້າງພະລາ ທິການ ແລະ ຮັບປະກັນເຕັກນິກວິຊາສະເພາະພາກພື້ນດິນ ຕາມທ່າແຮງບົ່ມຊ້ອນຂອງກົມກອງ ເພື່ອຍົກສູງນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໃນນັ້ນ ສາມາດສ້າງລາຍຮັບເຂົ້າກົມ ກອງໄດ້ 516.766.000 ກີບ ແລະ ສ້ອມແປງ, ກວດກາພາຫະ ນະເຕັກຕ່າງໆ ໃຫ້ມີຄວາມຮັບ ປະກັນດີ; ວຽກງານການພົວພັນ ແລະ ຮ່ວມມືກັບຕ່າງປະເທດ ແມ່ນໄດ້ປະຕິບັດຕາມແນວທາງນະໂຍບາຍການຕ່າງປະເທດຂອງພັກໂດຍສະເພາະແມ່ນປະ ເທດເພື່ອນມິດຍຸດທະສາດ ເພື່ອນຳເອົາບົດຮຽນເຕັກນິກການບຳ ລຸງສ້ອມແປງ ແລະ ການບິນ ມາ ປັບປຸງພັດທະນາກົມກອງໃຫ້ເຂັ້ມ ແຂງກ້າວສູ່ແບບແຜນທັນສະໄໝ. ໂດຍ: ການ້ອຍ

news to day and hot news