ວັນພະຫັດ, ວັນທີ 12 ກັນຍາ 2024
ກອງປະຊຸມສາມັນຄົບຄະນະ ຄັ້ງທີ IX ສະໄໝທີ V ຂອງອົງຄະນະພັກກອງບັນຊາການທະຫານແຂວງຜົ້ງສາລີ
ເວລາອອກຂ່າວ: 2024-08-01 11:56:27 | ຜູ້ຂຽນ : admin2 | ຈຳນວນຄົນເຂົ້າຊົມ: 569 | ຄວາມນິຍົມ: 
ໃນວັນທີ 30 ກໍລະກົດ 2024, ອົງຄະນະພັກກອງບັນຊາການທະຫານແຂວງຜົ້ງສາລີ ໄດ້ດໍາເນີນກອງປະຊຸມສາມັນຄົບຄະນະ ຄັ້ງທີ IX ສະໄໝທີ V, ໂດຍການເປັນປະທານຂອງ ສະຫາຍ ສັນຕິ ແກ້ວຍະສານ ກໍາມະການຄະນະປະຈໍາພັກແຂວງ,ຫົວໜ້າຄະນະຈັດຕັ້ງແຂວງຜົ້ງສາລີ, ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ,ຫົວໜ້າການເມືອງກອງບັນຊາການທະຫານແຂວງຜົ້ງສາລີ ມີ ຄະນະພັກແຂວງ, ຄະນະພັກ-ຄະນະບັນຊາ ກອງບັນຊາການທະຫານແຂວງ, ຫ້ອງການຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ, ຄະນະຈັດຕັ້ງແຂວງ, ຄະນະກວດກາພັກ-ລັດ ແຂວງ, ແລະ ພະແນກການກ່ຽວຂ້ອງ ເຂົ້າຮ່ວມ.
ໃນກອງປະຊຸມ, ສະຫາຍ ພັນເອກ ບຸນໄຊ ຫຼ້າສຸວົງ ກໍມະການຄະນະພັກກອງບັນຊາການທະຫານແຂວງ, ຫົວໜ້າຫ້ອງການ ແລະ ບໍລິຫານ ໄດ້ຜ່ານມະຕິຕົກລົງຂອງຄະນະປະຈໍາພັກກອງບັນຊາການທະຫານແຂວງ ວ່າດ້ວຍການອະນຸມັດໃຫ້ອົງຄະນະພັກກອງບັນຊາການທະຫານແຂວງຜົ້ງສາລີ ດໍາເນີນກອງປະຊຸມສາມັນຄົບຄະນະພັກຄັ້ງທີ IX ສະໄໝທີ V ,ຈາກນັ້ນ ສະຫາຍ ພົນຈັດຕະວາ ຊຽງເພັງ ບົວລະວົງ ໄດ້ຜ່ານບົດສະຫຼຸບຕີລາຄາການນໍາພາ-ຊີ້ນຳ ຂອງຄະນະພັກກອງບັນຊາການທະຫານແຂວງ ປະຈໍາ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2024, ຄະນະພັກ-ຄະນະບັນຊາໄດ້ຍົກສູງວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ສະມາຊິກພັກ, ນາຍ ແລະ ພົນທະຫານ, ຕະຫຼອດຮອດພໍ່ແມ່ປະຊາຊົນບັນດາເຜົ່າ ໄດ້ຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ, ກົດໝາຍຂອງລັດ ແລະ ໜ້າທີ່ປ້ອງກັນຊາດ, ປັບປຸງກໍ່ສ້າງກໍາລັງໃນທົ່ວທະຫານແຂວງມີຄວາມເຂັ້ມແຂງ,ໜັກແໜ້ນເຂົ້າສູ່ຄຸນນະພາບອັນໃໝ່, ມີລະບຽບວິໄນເຂັ້ມງວດເທື່ອລະກ້າວ, ປັບປຸງກໍ່ສ້າງພັກ-ກໍ່ສ້າງພະນັກງານໃຫ້ເປັນແກ່ນນໍາ,ເປັນພະນັກງານຫຼັກແຫຼ່ງໃນລະບົບການເມືອງຍົກສູງຄຸນນະພາບໂດຍຕິດພັນກັບຂະບວນການດ້ານຕ່າງໆຂອງພັກ, ຂອງຊາດ ແລະ ຂອງກອງທັບ, ປັບປຸງກໍ່ສ້າງກໍາລັງ, ຕິດພັນກັບການກໍ່ສ້າງກົມກອງ 3 ປອດ, ກົມກອງນັກຮົບວັດທະນະທໍາ ແລະ ກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ເພີ່ມຂຶ້ນຢ່າງຕໍ່ເນື່ອງ, ໃນນີ້ວຽກງານເຮັດໃຫ້ສະພາບມີຄວາມສະຫງົບ ໄດ້ຫັນເອົາກໍາລັງຫຼັກແຫຼ່ງລົງກໍ່ສ້າງຮາກຖານການເມືອງຕິດພັນກັບການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍສູ້ຮົບເອກະລາດ ແລະ ສ້າງບ້ານປ້ອມໝັ້ນກຸ່ມບ້ານສູ້ຮົບຕິດລຽນ ຮັບປະກັນການພັດທະນາຊົນນະບົດຮອບດ້ານໃຫ້ບັນລຸຕາມ 4 ເນື້ອໃນ 4 ຄາດໝາຍ, 4 ບຸກທະລຸຂອງພັກ, ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກໃຫ້ມີຜົນສໍາເລັດ, ວຽກງານພົວພັນຮ່ວມມືກັບຕ່າງປະເທດກັບຕ່າງປະເທດຂອງພັກ, ໄດ້ພົວພັນຮ່ວມມືກັບປະເທດທີ່ມີຊາຍແດນຕິດຈອດກັນຄື: ສສ ຫວຽດນາມ ແລະ ສປ ຈີນ ໃນການພົບປະແລກປ່ຽນບົດຮຽນໃນຫຼາຍດ້ານ, ເປັນຕົ້ນປະສານສົມທົບແລກປ່ຽນຂໍ້ມູນຂ່າວສານ, ຊ່ວຍເຫຼືອເຊິ່ງກັນ ແລະ ກັນ.
ໂອກາດນີ້, ສະຫາຍ ປະທາກອງປະຊຸມ ໄດ້ໂອລົມ ແລະ ສະແດງຄວາມຍ້ອງຍໍຊົມເຊີຍຕໍ່ໝາກຜົນການນໍາພາ-ຊີ້ນໍາວຽກງານຮອບດ້ານຂອງຄະນະພັກກອງບັນຊາການທະຫານແຂວງໃນໄລຍະຜ່ານມາ, ພ້ອມທັງໄດ້ຮຽກຮ້ອງໃຫ້ຄະນະພັກກອງບັນຊາການທະຫານແຂວງຜົ້ງສາລີ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ເຊີດຊູນໍ້າໃຈຮັກຊາດ, ຮັກລະບອບໃໝ່, ເພີ່ມທະວີຄວາມສາມັກຄີພາຍໃນພັກ, ສືບຕໍ່ຮັກສາ ແລະ ເສີມຂະຫຍາຍມູນເຊື້ອອັນດີງາມຂອງກອງທັບ, ກໍາແໜ້ນເນື້ອໃນມະຕິກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍໃຫ້ທົ່ວເຖິງ, ເພື່ອສືບຕໍ່ກະກຽມກອງປະຊຸມໃຫຍ່ຂອງຄະນະພັກຮາກຖານໃຫ້ສໍາເລັດຕາມກໍານົດເວລາທີ່ວາງໄວ້, ສຸມໃສ່ການຈັດຕັ້ງປະຕິບັດແຜນການ 6 ເດືອນທ້າຍປີຂອງອົງຄະນະພັກ, ແນໃສ່ປັບປຸງກໍ່ສ້າງພັກໃຫ້ນັບມື້ ປອດໃສ ເຂັ້ມແຂງ ໜັກແໜ້ນ.
ໂດຍ: ທອງສຸກ ຈັນຖະໜອມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
