ວັນພະຫັດ, ວັນທີ 12 ກັນຍາ 2024
ເປີດຊຸດເຝິກອົບຮົມວິຊາສະເພາະ ໃຫ້ພະນັກງານ ວາລະສານ ປ້ອງກັນຊາດ ກອງທັບປະຊາຊົນລາວ ປີ 2024
ເວລາອອກຂ່າວ: 2024-08-01 14:04:16 | ຜູ້ຂຽນ : admin2 | ຈຳນວນຄົນເຂົ້າຊົມ: 559 | ຄວາມນິຍົມ: 
ໃນວັນທີ 30 ກໍລະກົດ 2024, ວາລະສານປ້ອງກັນຊາດ ທົ່ວປວງຊົນ ຫວຽດນາມ ຮ່ວມກັບກອງ 871 ກົມໃຫຍ່ການເມືອງ ກອງທັບປະຊາຊົນຫວຽດນາມ ໄດ້ເປີດຊຸດເຝິກອົບຮົມວິຊາສະເພາະໃຫ້ພະນັກງານ ວາລະສານ ປ້ອງກັນຊາດ ກອງທັບປະຊາຊົນລາວ ຢູ່ທີ່ ກອງ 871 ກົມໃຫຍ່ການເມືອງກອງທັບປະຊາຊົນຫວຽດນາມ ໂດຍການເປັນປະທານຂອງ ສະຫາຍ ພັນເອກ ພິເສດ ຫງວຽນ ແມ້ງ ຕ໋ວນ ຮອງຫົວໜ້າບັນນາທິການ ວາລະສານ ປ້ອງກັນຊາດທົ່ວປວງຊົນ ຫວຽດນາມ, ມີສະຫາຍ ພັນໂທ ສຸລະໄຊ ສຸແສງຕາ ຮອງຫົວໜ້າຫ້ອງການທີ່ປຶກສາທູດ ຝ່າຍທະຫານ ແຫ່ງ ສປປ ລາວ ປະຈໍາ ສສ ຫວຽດນາມ, ສະຫາຍ ພັນເອກ ພິເສດ ຮ່ວງ ຕ້ວນ ເກື່ອງ ຮອງຫົວໜ້າການເມືອງ ກອງ 871 ກົມໃຫຍ່ການເມືອງ ກອງທັບປະຊາຊົນຫວຽດນາມ ພ້ອມດ້ວຍຄູ-ອາຈານ ແລະ ນັກເຝິກອົບຮົມ ເຂົ້າຮ່ວມ.
ໃນໂອກາດດັ່ງກ່າວ, ສະຫາຍ ພັນເອກ ພິເສດ ຫງວຽນ ແມ້ງ ຕ໋ວນ ໄດ້ຮຽກຮ້ອງໃຫ້ ພະນັກງານ ຄູ-ອາຈານ ແລະ ນັກເຝິກອົບຮົມທຸກ ສະຫາຍ ມີ ຄວາມຫ້າວຫັນສຶກສາຮໍ່າຮຽນ, ເອົາໃຈໃສຄົ້ນຄວ້າບົດຮຽນໃນການເຝິກອົບຮົມ ເພື່ອໃຫ້ໄດ້ຮັບຄວາມສໍາເລັດຕາມຄາດໝາຍ, ມີປະສິດທິຜົນ ນຳໄປໝູນໃຊ້ເຂົ້າໃນວຽກງານວິຊາສະເພາະ ແລະ ພັດທະນາກົມກອງ.
ໃນໂອກາດນີ້, ສະຫາຍ ພັນໂທ ພອນສີ ອ່າງຄໍາຮຽງ ຮອງຫົວໜ້າບັນນາທິການ ວາລະສານ ປ້ອງກັນຊາດ ກອງທັບປະຊາຊົນລາວ, ຫົວໜ້າຄະນະເຝິກອົບຮົມ ໄດ້ກ່າວວ່າ: ຈະຕັ້ງໃຈສຶກສາຄົ້ນຄວ້າ ຮໍ່າຮຽນ, ປະຕິບັດຕາມລະບຽບແບບແຜນການສິດສອນ ຂອງຄູ-ອາຈານ ຢ່າງເຂັ້ມງວດ ເພື່ອເຮັດໃຫ້ການເຝິກອົບຮົມໃນຄັ້ງນີ້ ໄດ້ຮັບໝາກຜົນ, ມີຄວາມສໍາເລັດ ແລະ ນໍາເອົາຄວາມຮູ້ ຄວາມສາມາດທີ່ໄດ້ຮໍ່າຮຽນມາໄປຜັນຂະຫຍາຍຢູ່ໃນກົມກອງ ມີຄວາມທັນສະໄໝຂຶ້ນເລື້ອຍໆ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
