ວັນຈັນ, ວັນທີ 14 ຕຸລາ 2024
ທະຫານແຂວງໄຊຍະບູລີ ປາຖະກະຖາວັນປະຫວັດສາດສຳຄັນຕ່າງໆ
ເວລາອອກຂ່າວ: 2024-09-06 09:00:54 | ຜູ້ຂຽນ : admin1 | ຈຳນວນຄົນເຂົ້າຊົມ: 263 | ຄວາມນິຍົມ: 
ທ້າຍເດືອນ ສິງຫາ 2024 ຜ່ານມານີ້, ກອງບັນຊາການທະຫານແຂວງໄຊຍະບູລີ ໄດ້ຈັດຕັ້ງປາຖະກະຖາວັນປະຫວັດສາດສຳຄັນຕ່າງໆ, ໂດຍການເປັນປະທານ ຂອງສະຫາຍ ພັນເອກ ປອ ບຸນຍອງ ດວງດີ ຫົວໜ້າການທະຫານ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາອົງການ 5 ຫ້ອງ, ກົມກອງອ້ອມຂ້າງ, ໂຮງຮຽນ, ໂຮງໝໍ ແລະ ພະນັກງານຫຼັກແຫຼ່ງ ເຂົ້າຮ່ວມ.
ເອກະສານທີ່ປາຖະກະຖາໃນຄັ້ງນີ້, ປະກອບມີ: ວັນສ້າງຕັ້ງແນວລາວສ້າງຊາດ ຄົບຮອບ 74 ປີ, ວັນສ້າງຕັ້ງສື່ມວນຊົນ ແລະ ການພິມຈຳໜ່າຍ ຄົບຮອບ 74 ປີ, ວັນສ້າງຕັ້ງສານປະຊາຊົນ ຄົບຮອບ 42 ປີ, ວັນຍຶດອຳນາດທົ່ວປະເທດ ແລະ ວັນຍຶດອຳນາດ ຢູ່ແຂວງໄຊຍະບູລີ ຄົບຮອບ 49 ປີ, ວັນສ້າງຕັ້ງລັດຖະທຳມະນູນແຫ່ງຊາດ ຄົບຮອບ 33 ປີ ແລະ ວັນສ້າງຕັ້ງສະຫະພັນນັກຮົບເກົ່າ ຄົບຮອບ 22 ປີ. ການຈັດຕັ້ງປາຖະກະຖາຄັ້ງນີ້, ກໍເພື່ອເປັນການເຜີຍແຜ່ໂຄສະນາສຶກສາອົບຮົມການເມືອງ-ແນວຄິດ ໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງ ໄດ້ຮັບຮູ້ ແລະ ເຂົ້າໃຈ ຢ່າງເລິກເຊິ່ງຕໍ່ມູນເຊື້ອວັນປະຫວັດສາດສຳຄັນຕ່າງໆຂອງຊາດ ທັງເປັນການໂຄສະນາປຸກລະດົມ ໃຫ້ພະນັກງານຫຼັກແຫຼ່ງ, ພ້ອມກັນເປັນເຈົ້າການ ຮ່ວມກັນແກ້ໄຂຄວາມຫຍຸ້ງຍາກດ້ານເສດຖະກິດ ບົນພື້ນຖານສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ຂອງພັກ, ການຊຸກຍູ້ຂະບວນການຮອບດ້ານເພື່ອດຳເນີນກອງປະຊຸມໃຫຍ່ຂັ້ນຕ່າງໆ ໃຫ້ເປັນຂະບວນຟົດຟື້ນ. ພ້ອມນັ້ນ, ຍັງໄດ້ເຜີຍແຜ່ດຳລັດ ຂອງລັດຖະບານ ວ່າດ້ວຍການຄຸ້ມຄອງການຄ້າຂາຍ ສັດນ້ຳ, ສັດປ່າ ແລະ ພືດປ່າທີ່ໃກ້ຈະສູນພັນລະຫວ່າງຊາດ ຕື່ມອີກ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
