POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ກທອ ເຜີຍແຜ່ແຜນແມ່ບົດ ການສ້າງຄູ່ຮ່ວມສະຕາກຳ ລາວ-ຈີນ
ເວລາອອກຂ່າວ: 2024-09-10 08:58:41 | ຜູ້ຂຽນ : admin1 | ຈຳນວນຄົນເຂົ້າຊົມ: 199 | ຄວາມນິຍົມ:

ວັນທີ 4 ກັນຍາ 2024 ນີ້, ກອງບັນຊາການທະຫານອາກາດ ໄດ້ເປີດກອງປະຊຸມເຜີຍແຜ່ແຜນແມ່ບົດ ການສ້າງຄູ່ຮ່ວມສະຕາກຳ ລາວ-ຈີນ ແລະ ດຳລັດ ວ່າດ້ວຍການຄຸ້ມຄອງການຄ້າ-ຂາຍ ສັດນ້ຳ, ສັດປ່າ ແລະ ພືດປ່າ ທີ່ໃກ້ຈະສູນພັນລະຫວ່າງຊາດ, ໂດຍການເປັນປະທານ ແລະ ເຜີຍແຜ່ຂອງ ສະຫາຍ ພັນເອກ ຄຳຫຼ້າ ສິມມະວົງ ຮອງຫົວໜ້າກອງບັນຊາການ, ຫົວໜ້າຫ້ອງການ ເມືອງ, ມີຄະນະພັກ-ຄະນະບັນຊາອົງການ 6 ຫ້ອງ ແລະ ພ້ອມດ້ວຍບັນດານາຍ ແລະ ພົນທະຫານ ເຂົ້າຮ່ວມ. ກອງປະຊຸມໄດ້ຍົກໃຫ້ເຫັນຄູ່ຮ່ວມສະຕາກຳ ລາວ-ຈີນ ເປັນຄູ່ຮ່ວມສະຕາກຳແບບພິເສດໃນຂອບເຂດການສ້າງປະຊາຄົມຮ່ວມສະຕາກຳຂອງມວນມະນຸດ, ພິເສດຢູ່ບ່ອນວ່າ ລາວ ແລະ ຈີນ ລ້ວນແຕ່ແມ່ນປະເທດສັງຄົມນິຍົມທີ່ນຳພາໂດຍພັກກອມມູນນິດ, ການຍຶດໝັ້ນການນຳພາຂອງພັກ ແລະ ສ້າງສັງຄົມນິຍົມແມ່ນທາດແທ້ຂອງສາຍພົວພັນ ລາວ-ຈີນ, ທັງແມ່ນລັກສະນະຈະແຈ້ງ ຂອງການສ້າງຄູ່ຮ່ວມສະຕາກຳ ລາວ-ຈີນ. ສະນັ້ນ, ສອງຝ່າຍຕ້ອງຖືເອົາແຜນແມ່ບົດສະ ບັບໃໝ່ ເປັນບ່ອນອີງໃນການຊຸກຍູ້ໃຫ້ການສ້າງຄູ່ຮ່ວມສະຕາກຳກ້າວເຂົ້າສູ່ລວງເລິກ, ເປັນຮູບປະທຳ ແລະ ເພິ່ມເນື້ອໃນໃໝ່ຂອງການຮ່ວມມືສອງພັກ, ສອງລັດ ລາວ-ຈີນ ໃນຕໍ່ໜ້າດ້ວຍສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອມາດົນນານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ເຊິ່ງເປັນປັດໄຈສຳຄັນອັນໜຶ່ງ ຄ້ຳປະກັນຜົນສຳເລັດຂອງການປົກປັກຮັກສາ ແລະ ສ້າງສາພັດທະນາປະເທດຊາດ ໃນປັດຈຸບັນ ແລະ ອະນາຄົດ, ການສ້າງປະຊາຄົມຄູ່ຮ່ວມສະຕາກຳຂອງມວນມະນຸດໂລກ, ເພື່ອສ້າງຄວາມຮັບຮູ້ຢ່າງເລິກເຊິ່ງ ຖືກຕ້ອງກ່ຽວກັບການສ້າງຄູ່ຮ່ວມສະຕາກຳ ລາວ-ຈີນ ສະບັບປີ 2024-2028 ທີ່ມີເນື້ອໃນຕົ້ນຕໍແມ່ນເພີ່ມທະວີການປະສານງານດ້ານຍຸດທະສາດ ເພື່ອຮັດແໜ້ນພື້ນຖານການເມືອງ, ການຮ່ວມມືທີ່ເປັນຮູບປະທຳ, ເພື່ອຮັດແໜ້ນສາຍພົວພັນທີ່ມີປະໂຫຍດຮ່ວມກັນ, ເພີ່ມທະວີການຮ່ວມດ້ານຄວາມປອດໄພ ແລະ ເພິ່ມທະວີການໄປມາຫາສູ່ກັນ ລະຫວ່າງ ປະຊາຊົນສອງຊາດ, ເພື່ອຮັດແໜ້ນຄວາມສາມັກຄີຮັກແພງຂອງປະຊາຊົນ, ເອົາໃຈໃສ່ປົກປັກຮັກສາລະບົບນິເວດ, ຊຸກຍູ້ການພັດທະນາແບບຍືນຍົງ. ຈາກນັ້ນ, ກອງປະຊຸມຍັງໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຂັ້ນພະແນກການ ຂຶ້ນກັບກອງບັນຊາການທະຫານອາກາດ ຕາມກົດໝາຍນາຍທະ ຫານ ກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ ກົມໃຫຍ່ການເມືອງກອງທັບ ຕົກລົງ: ແຕ່ງຕັ້ງ ສະຫາຍ ພັນຕີ ພູມສະຫວັນ ນາມມົນຕີ ເປັນຫົວໜ້າພະແນກ ເສນາ-ພະລາ ແລະ ສະຫາຍ ພັນຕີ ຄຳແດງ ພົມມະເມືອງ ເປັນຮອງຫົວໜ້າພະແນກ ເສນາ-ພະລາ ຫ້ອງພະລາທິການ ກອງບັນຊາການທະຫານອາກາດ ຕື່ມອີກ. ໂດຍ: ກທອ

news to day and hot news